|
قرأت جميع صفحات الموضوع وابهرني المجهود الواضح فيها لكن اشكل علي شي اتمنى مساعدتكم فيه انا مسافرة مع اخوي وكلنا موظفين ، وانا المتكفلة بالمصاريف اللي فهمته من الكلام بما اننا مسافرين سوا ماراح نحتاج نرفق مع طلب اخوي خطاب التكفل بالمصاريف وتعريف الراتب حقي وكشف الحساب ، صحيح فهمي ؟ ولدي اسئلة اضافية: 1- هل يلزم ارفاق تعريف الراتب لاخوي مع طلبه بما انه موجود في الابلكيشن انه موظف ؟ ٢- حسابي فيه مايغطي تكاليف سفرنا واكثر ، وحساب اخوي فيه 10 الاف ريال ، هل الافضل نشيل موضوع التكفل بالمصاريف ، ويرفق كشف حسابه هو ؟ ( خفنا انه يكون المبلغ قليل وينرفض طلبه عشان كذا قررنا اكون انا المتكفلة بالمصاريف ) |
بيض الله وجهك يابو غسان |
ماشاء الله عليك يابو غسان بس الصراحة شغلانه فيزهم |
اقتباس:
الله يحييك كل واحد منكم يعبي النموذج ويجهز الطلبات كما هي مذكورة بالصفحة الاولى يعني اخوك يرفق كشف حسابه وتعريف راتبه لاثبات انه موظف حجوزات الفندق لابد توضح اساميكم كلكم وكل واحد يرفق برنت مع طلبه تكتبين لاخوك خطاب تكفل بالمصاريف +كشف حساب +تعريف راتبك+صورة جوازك بالمرفقات نسخة لالمانيا https://www.arabtrvl.com/vb/t381.html |
ما حصلت موعد الا في 16 جولاي لو حجزت تتوقعون تطلع لي قبل 2 اوغست؟ على الألمانية ولو رحت premiums يسرعونها لي والا ما تفرق؟ وكم البريميم؟ غالبا كم انتظرتوا من يوم عمل |
السلام عليكم.. يعطيكم العافية مجهود جبار .. تشكرون عليه عندي بعض الاسئلة 1- عايلة 7 اشخاص .. كم المفروض يكون المبلغ المطلوب ؟ 2- رحلتنا الى المانيا والنمسا الايام بالتساوي نصها بألمانيا ونصها بالنمسا ..الوصول لألمانيا ولكن بنروح النمسا مباشرة واخر الأيام بنرجع الى المانيا ..السؤال الآن ..بالابلكيشن اضع اول فندق راح اسكنه اللي هو بالنمسا ؟ 3- اخوي موظف هل يشترط يكتب وظيفته ؟ او خلاص ابوي يتكفل بمصاريفه؟ وهو يكتب بالابلكيشن من دون مهنة ؟ 4- لازم لكل افراد العايلة خطاب تكفل من ابوي ؟ 5- اختي وقت السفر يكون عمرها 18 ولكن موعدنا بالسفارة قبل يصير عمرها 18 .. لازم نعبي نموذج لأقل من 18 ؟ واذا ايه هل ممكن تعطوني رابط للنموذج ؟ 6- تأمين تكافل الراجحي الختم حقهم ملون لازم نختمه من الشركة مره ثانية ؟ 7- جميع التعهدات موجودة بالابلكيشن الالكتروني اللي عبيته صح ؟ من بينها تعهد 54 و 55 اللي قرأت عنها كثير ولا ادري وش هي ؟ 8- الفنادق لازم تكون اسامينا كلنا مكتوبة فيها؟؟ 9- ماقدرت احجز موعد جماعي .. حجزت كل شخصين بايميل جديد وكلنا موعدنا بنفس الوقت عادي ؟ وشكرا لكم . |
اقتباس:
تطلع قبل 2 اغسطس بدون بريميوم واسعار الخدمات بالصفحة الاولى غالبا من 10 الى 14 يوم |
اقتباس:
حياك الله بيننا بس لا تنسين تكتبين تجربتك بعد التقديم للفائدة |
السلام عليكم بالنسبه لخانة العمل للمتقاعد هل تترك بدون او اكتب متقاعد وايضا بالنسبه لربة المنزل ؟ يعطيكم العافيه |
اقتباس:
وعليكم السلام تختار متقاعد وترفق خطاب تعريف بالراتب من مصلحة التقاعد اما ربة المنزل ممكن تختار بلا عمل unemployed |
| الساعة الآن 02:16 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO