اخوي ابو غسان

سؤال اذا تكرمت.

زوجتي واطفالي بطلع لهم تأشيرات واخذت لهم موعد وانا عندي فيزا تشنقن صالحه للاستخدام ومااخذت طبعا موعد معهم. لكن بروح معاهم للموعد ولكن في موضوع المصاريف هل يحتاج اسوي خطاب تحمل المصاريف او مايحتاج فقط التعريف تبعي وكشف الحساب.

شكرا جزيلا.

الله لايهينك هل عندك ايملهم اقدر اراسلهم

رحت المكتب يوم الأحد كان موعدي في الألمانية

للأسف تجربة كانت أسوأ من السيئة
في البداية اعترضوا على عدد الايام في المانيا وقالوا لازم ما يقل عن 15 يوم (مدري من وين اخترع هذا القرار وتهاوشت معه الهندي طبعا)
حجزت فندق اضافي و غيرت خطتي اللي الحمدلله كان فيها كم يوم فاضيه ما قررتهم وخليتهم في قارمش
و اخذت رقم جديد في نفس اليوم
هالمره وحده سعودية قالت ناقصكم خطاب التعهد بصحة المعلومات لكل شخص والأطفال أقل من 18 سنه أبوهم و أمهم يوقعون عنهم (تلقونه في الموقع حق VFS)

ورجعت مره ثانيه و عبيت الخطاب هذا و ووقعناه كلنا و أخذت رقم من جديد لأن رفضت و ختمت عليها Missing document

يوم جا دوري للمره الثانية قالت ناقصكم نسخة من تعرف راتب الأب لانه المتكفل بالمصاريف ( هنا أنا فصلت عليهم و غسلت شراعهم ليه ما تقول كل شي مره وحدة بس اللي فهمته يبونك تصور ووتطبع عندهم و يستفيدون من الفلوس)
فصلت عليها و هاوشتهم و الحمدلله يوم دورت في الأوراق اللي معي لقيتني مصورته احتياط
بعدين طلبت توقيع النموذج للجميع والأطفال تحت 18 يوقع عنهم الأب والأم

في النهااااااية الأوراق اللي رسينا عليها :

1.الجواز موقع في الصفحة الثانية مكان توقيع صاحب الجواز والأطفال تحت 18 سنة يوقع عنهم الأب فقط و ترفقون صورة اول صفحتين (صفحة التوقيع و صفحة الجواز) في أوراقهم
2. النموذج موقع من كل شخص ولازم التوقيع مطابق تماماً للي في الجواز لأن رجعونا عليها بعد و غيرنا النموذج والأطفال تحت 18 سنة طبعاً يوقع عنهم الأب والأم و يكتبون Father و Mother تحت كل توقيع
3. أصل خطاب تعريف راتب للمتكفل بالمصاريف ونسخه منه في اوراق افراد العائلة الباقين ولو كان كل واحد متكفل بمصاريفه الخاصة يجيب خطاب تعريف له.
4. أصل كشف حساب البنك ولازم ما يزيد عن 3 أيام قبل الموعد ( ما يحتاج صورة منه لأن طلعت صور كشف الحساب كلها)
5. أصل خطاب تكفل بالمصاريف ونسخه منه في ملف كل شخص من أفراد العائلة
6. تأمين ساري خلال فترة السفر تأميني كان التعاونية ما شريت تأمين ولا شي هو تأميني حق العمل سويت منه برنت و طبعته ملون و قبلوه سألتها لازم ختم أصلي قالت لا دام الكتروني ملون كافي
7. حجوزات جميع الفنادق مرتبة بالتواريخ و ما يكون فيه أي gap أو فترة مالها حجز لازم تحجز رحلتك كاملة
8. حجز السيارة (لو تنقلك بسيارة كاثبات مواصلات وتأكيد لحجوزاتك انها مو وهمية) أو قطار أو طيران بين دول شنغن
9. حجز رحلتك الدولية من بلدك الأساسي و وعودتك له ولازم مؤكدة لو free cancelation بيرفضونه ولو كانت عودتك عن طريق بلد خارج شنغن ( في حالتنا كانت العودة من التشيك إلى بريطانيا وكم يوم في لندن وبعدها الرياض) لازم يكون عندك فيزا صالحة للبلد اللي بتطلع منه.
10. خطاب موافقة والدين على سفر الأطفال اللي تحت 18 سنة والنموذج موجود في موقع VFS فيه اسم الأم والأب وأرقام جوازاتهم واسم الطفل ورقم جوازه وتاريخ ميلاده و توقيع الأم والأب و نسخة منه للأطفال والأصل عند الأب
11. صورة من جواز
12. عدد 2 صور شخصية ما يبين فيها الكتف ولا يغطى الشعر (النساء عادي الحجاب بس يبين منابت الشعر)
13. صورة أي فيزا شنغن سابقة سواء صالحة أو منتهية وارفاق الجواز اللي هي فيه لو كان جواز قديم

وبعدها تبصيم و على بيتكم ان شاء اللع

هذا كل شي بعد معاناة و قلق معاهم
رجعوا لي نموذج العنوان الوطني و صور من كشف الحساب و مخطط الرحلة (قالوا الحجوزات تكفي)

في نفس اليوم 15 جولاي وصلتني رسالة باستلام الجوازات في المكتب
اليوم الإثنين 16 جولاي وصلتني رسالة بإن الفيزا تحت الإجراء

و نشوف تطلع متى:48:

شكرا لكل شخص ساعدني و ما قصر بالمعلومات
هذي تجربتي و ان شاء الله تفيدكم
بس النصيحة اللي بقولها صوروا كل شي و خلوا معاكم صور لأن يرجعونها لكم أحسن من تكون ناقصة

اكتشتف انهم نفسيات وبالمزاج و كل أحد يطلب أوراق شكل لأن اخذت 3 ارقام وكل شوي شخص يطلب شي جديد :59:


سفرتي في 2 اغسطس دعواتكم تطلع قبل :e438:

يا رب سهالات

تجربتك مرعبة :27:

في أي مدينة كان موعدك؟ وكم عدد أيام سفرك كامل

أنا ألمانيا 5 أيام هل هي قليلة وبعدها انتقل للنمسا 4 وإيطاليا 4 أو 5

وما حجزنا سيارة ولا قطار لأني ناوية بعد ما استلم الفيزا فقط حجز الطيران ذهاب وعودة

في الرياض و موعدي عادي مو vip
ايام سفري 15 يوم في شنغن و 10 ايام في بريطانيا

كل الحجوزات اساسية و مهمة و ضرورية حتى حجوزات القطار طلبوها بحيث تكون اثبات على مسار رحلتك
حجز الطيران ذهاب و عودة هذا اول شي تسوينه لان ما بتطلع لك فيزا وما عندك حجز طيران وفنادق
كل القائمة اللي ذكرتها الزامية