المشاركة الأصلية كتبت بواسطة هشام عبدالعزيز (المشاركة 453855) السلام عليكم ,, عندي كم استفسار بالنسبة لتأشيرة الشنغن .. مع العلم اني أول مرة أقدم تأشيرة شنغن وسفرياتي السابقة كانت للبحرين والامارات فقط .. 1- بالنسبة لحجز الطيران المؤكد , وش افضل خطوط ممكن أحجز فيها تذكرة قابله للاسترجاع مع خصم مبلغ من التذكرة طبعا .. السبب لاني ماني متأكد اني باخذ التاشيرة وما أبغى كامل مبلغ التذكرة يروح علي في حال اني ما أخذت التأشيره .. اهم شي تقرا شروط الاسترجاع اتوقع السعودية تاخذ 100 ﷼ بشرط ما تكون اقل فئة لكن شيك بنفسك على كل الخطوط سمعت المصرية برضه الاسترجاع عندها رسومه قليله 2- بالنسبة لمخطط الرحله , اذا باجلس حوالي 8 أيام , 4 في باريس و4 في مرسيليا , وش المفروض اني أكتب في المخطط ؟ فيه مخطط مرفق بالموضوع نزله و اعمل مثله 3- أنا مقيم في السعودية , متزوج وعيالي والوالدة هنا , وأنا بأقدم لحالي على التأشيرة , هل المفروض أرفق صور اقاماتهم مع الأوراق ؟ وهل لازم تكون مترجمة والا صور منها بس ؟ نعم قدم صور اقاماتهم لاثبات ضرورة عودتك الافضل تترجم 4- ترجمة الاقامة , هل يشترط مكاتب معينة ؟ والا أي مكتب ترجمه من المكاتب اللي موجودة في كل مكان ؟ اي مكتب 5- آخر سؤال , للي عنده فكرة , هل الأفضل أقدم على الفيزا الفرنسية والا الايطاليه ؟ يعني أي واحدة منهم احتمالية القبول فيها أكبر ؟ فرنسا ويعطيكم العافية ..

اهلا و سهلا بيك

المشاركة الأصلية كتبت بواسطة هشام عبدالعزيز (المشاركة 453972) شكرا جزيييلا أخوي ويعطيك العافية ,, بالنسبة للخطوط السعودية , الدرجة الأولى المبلغ حوالي 300 ريال للاسترجاع والاقتصادية حوالي 550 ريال حسب المكتوب في موقعهم .. الخطوط المصرية ما حصلت أي شيء واضح في موقعهم بالنسبة للاسترجاع ..

لازم تبحث بنفسك و تشوف الانسب لك
البعض اتجه للخطوط العمانية اعتقد قالوا 50 ﷼ فقط رسوم استرجاع
اما المصرية ممكن تتصل عليهم

المشاركة الأصلية كتبت بواسطة هشام عبدالعزيز (المشاركة 454320) بالنسبة لشهادة التأمين , هل يكون مكتوب فيها رقم الاقامة والا رقم الجواز ؟؟ رحت لمكتب التعاونية وسويت التأمين حق الشنغن والورقم مكتوب فيها رقم الاقامة !! يصلح كذا والا أخليهم يعدلونها ويحطون رقم الجواز ؟

المفروض يذكرون رقم الجواز
لانه هو المعتمد لدى السفارات لا الاقامة
اتصل عليهم و تاكد