|
جميلة ليدز دائماً اذا زرت المدن بالويك اند تنصدم فيها كم تبعد عن ليفربول افكر ازورها |
اي والله حلوة و ميزتها ملمومة الاماكن المميزة كلها قريبة من بعض السنتر و السوق القديم و المجمعات كلها في منطقة وحدة تبعد عن ليفربول ساعتين في القطار احنا رحنا و رجعنا في نفس اليوم .. |
اغلب المدن بريطانيا ملومه ويكون فيها سنتر واحد عليكم بالعافيه العشا ومثل ماقلت اغلب الطلبه العرب يدرسون فيها والمناطق اللي حواليها متابعه معاك Sent from my iPhone using Tapatalk |
جولتي في مدينة ليدز و أبرز الأماكن الي زرتها ثاني يوم الصبح تحسن المزاج شوي على هالاطلالة الجميلة https://www.arabtrvl.com/up/uploads/...5768391431.jpg وبدى يتلاشى الانطباع الاول عن ليدز شوي شوي نزلنا نشوف المدينة , أو بالأصح أنا اشوف المدينة وهو يتفلسف علي هههه كله اقوله يلا راوني بلادك خلنا نشوف شعندك :29: وهو يودينا الشقة من طريق و يرجعنا من طريق لين دخت:yolks00180: لين اخر يوم وانا ما دليت الطريق حتى حق اقرب الأماكن :30: لدرجة اني مشتت الحين ماعرف شاكتب عن المدينة او من وين ابدأ لاني ماحضرت حق هالتقرير قبل كتابته انما اكتب الحين و اعتمد على الذاكرة و الذاكرة الله بالخير هههه على العموم باكتب الي اتذكره من خلال الصور و هالاماكن زرناهم في عدة أيام بالرغم من تقاربهم و بعض الاماكن كررناهم اكثر من مرة كان أقرب مول للشقة هو The Light تقريباً ملاصق في العمارة موقع مول The Light https://www.arabtrvl.com/up/uploads/...5768391532.jpg صغير متواضع .. فيه بعض المطاعم الجيدة منها ناندوز https://www.arabtrvl.com/up/uploads/...5768391673.jpg تصدقون شفت طلاب خليجيين يشتغلون في المطعم ! :8: https://www.arabtrvl.com/up/uploads/...5768391824.jpg و في المول نفسه فندق راديسون بلو .. في كوفي حلو https://www.arabtrvl.com/up/uploads/...5768391965.jpg وأيضاً بالقرب منه مول ترنتي Trinity Leeds موقع المول Trinity Leeds وهو اكبر مولات المدينة و يتوسطها تقريباً https://www.arabtrvl.com/up/uploads/...2576839216.jpg مجمع تجاري عجيب , شرح و من عدة طوابق و له عدة مداخل مع السنتر https://www.arabtrvl.com/up/uploads/...5768392257.jpg متنوع المطاعم و المحلات دخلنا في هالكوفي و تقهوينا https://www.arabtrvl.com/up/uploads/...2576839248.jpg https://www.arabtrvl.com/up/uploads/...5768392549.jpg السويت عندهم عجيب , كرمل ذكرني في رمضان هههه و فيه بريمارك حبيب الشعب هههه ووايد محلات https://uploads.tapatalk-cdn.com/201...beaf1eaf6b.jpg و رحنا بعد مول فكتوريا Victoria Leeds حلو فيه خرابيط حريم وايد هههه موقع مول فكتوريا https://www.arabtrvl.com/up/uploads/...5768978753.jpg https://www.arabtrvl.com/up/uploads/...2576897894.jpg و حذاه السوق الشعبي و البسطات https://www.arabtrvl.com/up/uploads/...2576897969.jpg https://www.arabtrvl.com/up/uploads/...7689797410.jpg https://www.arabtrvl.com/up/uploads/...5768979045.jpg https://www.arabtrvl.com/up/uploads/...2576897862.jpg |
زرنا أيضاً سوق الذرة Leeds Corn Exchange أو سوق التبادل بالذرة , اعتقد انه قديم قبل ظهور العملات فكان شراء البضائع عن طريق التبادل وهذا شائع حتى عند العرب على العموم كلها تنبؤات من المسمى يعني مب معلومات موثقة لاتاخذون فيها هههه السوق قديم و مبناه جميل عبارة عن قبة كبيرة موقع السوق https://www.arabtrvl.com/up/uploads/...5771271631.jpg https://www.arabtrvl.com/up/uploads/...5771271772.jpg مافيه بضاعة مميزة لكن طرازه المعماري و تاريخه هو عامل الجذب فيه https://www.arabtrvl.com/up/uploads/...5771271923.jpg https://www.arabtrvl.com/up/uploads/...5771272084.jpg تحس بعبق الماضي و انت فيه هههه https://www.arabtrvl.com/up/uploads/...5771272517.jpg طبعاً هالاماكن كلها مشي , قريبة من بعض https://www.arabtrvl.com/up/uploads/...5768978451.jpg وهذي ميزة ليدز انها ملمومة وكل شي قريب https://www.arabtrvl.com/up/uploads/...7683926810.jpg السنتر وايد حلو مبانيهم جميلة رحنا كوفي هوتيل جوكلت https://www.arabtrvl.com/up/uploads/...5771272648.jpg الهوت جوكلت عندهم لذيذ و خفيف موقع الكوفي https://www.arabtrvl.com/up/uploads/...5771272799.jpg https://www.arabtrvl.com/up/uploads/...7712728910.jpg و تريقنا في مطعم لبناني المكان بسيط و العامل لك عليه لكن اكله لذيذ و اسعاره جيدة جداً موقع المطعم https://www.arabtrvl.com/up/uploads/...5771272366.jpg https://www.arabtrvl.com/up/uploads/...5771272225.jpg تقريبا هذا كل الي زرناه في ليدز بقى مكان واحد في ليدز وهو من أجمل الأماكن الي زرناها .. https://uploads.tapatalk-cdn.com/201...dfe826ea87.jpg ترقبوا بقية التقرير .. |
ههههههه قاصدها رفيجك كل يوم طريج يضيعك بوصلوح في بعض الدول الخليجية مسموح للطلبه يشتغلون وقت الدراسه احنا ممنوع فيزتنا غير مسموحه بس اشتغلت ( عن طريق بعض الأصدقاء ) حلوين مجمعاتهم و سنترهم اللي حبيته اكثر سوق الذره دزاينه حلووو |
اقتباس:
اقتباس:
يعطيك العافيه |
يا سلام وصلنا ليدز معاك قبلها محطات القطارات حلوه واغلب محطات بريطانيا جنها مطار وبعضهم صغيره كأنها محطه باص ليدز حلووه ماشاءالله والاسواق جميله عجبتني القبه في سوق الذره صج تاريخ ماقصر صديقك يبي يراويك كل شارع وكل مكان وبانتظار الحديقه باين عليها روعه من الصوره اللي حاطها |
اقتباس:
اظن احنا بعد ممنوع نشتغل هناك .. لأن أصلاً البعثات يعطون رواتب عالية .. خاصة لو كنت موظف يمشي راتبك الأصلي + راتب البعثة انا ماتقبلت هالشي الصراحة مادري شلون احس بلادي عازتني و رازتني وانا اروح اشتغل في مطعم هناك :12: :1: لكن يمكن من وجهة نظر الخليجيين الي يشتغلون هناك ان يكتسب خبرة و يتعلم شلون يتحمل ضغوطات العمل و يشغل وقته يلا .. كل واحد ينام على الجنب الي يريحووو هههه مشكورة على التفاعل مع التقرير حياكم الله .. |
اقتباس:
اي والله بعض المحطات كبيرة وحلوة مثل محطة كنقز كروس محطة كناري وارف كانت جميلة .. محطة مانشستر و ليفربول محطة ليدز يعني صغيرة لكن لا باس فيها اما محطة هيدرزفيلد و محطة ويندرمير كللش صغار و مافيهم شي .. اي والله حلوة ليدز هاي وانا ماصورت النهر و التكسي المائي ياخذكم حق مطعم هندي كبير على النهر وايد حلو و في وايد اماكن و فعاليات ماكفانا الوقت ان نزورها .. اي والله ماقصر الله يجزاه خير و يقدرنا على رد الجميل ان شاء الله قريب باحط صور الحديقة و بعض التفاصيل عنها مشكورة اختي على التفاعل حياج الله .. |
كناري وارف لندن و ليدز و البحيرات اقتباس:
بالعكس وايد حلوه التجربه من مميزاتها : - الاختلاط بجناسي مختلفه وعادات و طباع جدا مختلفه وهذا يخفف من حدة العنصريه عند البعض وعدم التعالي على الغير وشوفة النفس وهذي واضحه عندنا في الخليج .. - الاعتماد على النفس . - القناعه بالشي القليل وان الشغل مو عيب في هالمهن - الخبره وتحمل ضغط العمل خصوصا في هالاماكن . - فرحة الراتب من عرق جبينك هذيل بعض المميزات اللي اكتسبتهم من شغلي في الغربه Sent from my iPhone using Tapatalk |
حلوة حبيتها ليدز كلها اسواق :24: اتوقع الطلاب المبتعثين ممنوع يشتغلون مع اني اشوفها تجربة رائعة |
اقتباس:
الله يعطيج العافية لكم وجهة نظر في هالشي .. وانا وجهة نظري ما قولها تكبراً مني او تعالي و الاختلاط بالجناسي المختلفة يصير في اماكن كثيرة مثل الجامعات او تكوين الصداقات و اكيد ان الشغل مب عيب و كثير من العظماء اشتغلوا في وظايف بسيطة يوم كانوا محتاجين لهذي الوظايف , مب غلط الواحد يكون نفسه ويبدأ من عامل بسيط لكن لعلنا نتفق ان الوظايف درجات وبلادي تعطيني الي يكفيني عشان ادرس واجتهد و اكون مهندس او مدير مشاريع او غيره من التخصصات وانا اشتغل عامل في مطعم ! و اشوف انه يشغل عن الهدف الرئيسي من السفر وهو الدراسة يبيلنا نطرح الموضوع للنقاش في مركاز العرب :14: نقاش جميل شكراً لج =) |
اقتباس:
انا بعد اشوفها تجربة رائعة بس مب في اي وظيفة .. يلا قاربنا وجهات النظر هههه شكراً على المتابعة و التفاعل .. حياكم الله |
عاد من زمان نفسي اكون نادلة بمطعم والكل يضحك على طموحي هو مو طموح او حاجة مادية لكن الواحد يحب يجرب شي صعب وشبة مستحيل يعني من باب التجربة وادري بنطرد واحوس الدنيا |
ما شاء الله عليك يابو صالح زرت مناطق كثير بالرحلة هذي ليدز حلوة وملمومة وكثير طلبة عرب فيها انا مع الشغل وقت الدراسة يعلمك الالتزام و لغتك تصير أفضل بكثير بجانب أنه يعرفك على ناس كثير وتكون صداقات جديدة خلاص نتناقش فيه بالمركاز :32::32: |
ما شاء الله عليك حلو ان الانطباع تغير حلو ان المحطات فيها فنادق مرتبطه وفيه بالمحطات خزن للشنط بعد الشغل مو عيب همهم اعتقد تعلم اللغه والمخالطه تمشيك في ليدز ممتعه حقيقه متابعين |
تغطيه مميزه شكرا ع التقرير الرائع |
اقتباس:
الصراحة ما اقدر احس بشعورج احس اني ادور الشقى هههه الله يعطيج العافية شكرا على التفاعل مع الموضوع =) اقتباس:
لدرجة ان تعبنا اخر الايام اقوم من النوم و اتم منسدح في الفراش مابي اتحرك عشان مايقول لي صديقي يلا نطلع خلاص حسيت ان ابي استقر شوي هههه حتى انا مع الشغل وقت الدراسة وانا درست وانا موظف لكن نقطة الخلاف في الوظايف البسيطة كعامل مطعم مثلا أقدم الطلبات للناس شنو يفيدني هالشي في دراستي ؟ لو اشتغل شي يفيدني في تخصصي ممكن مثلا ادرس قانون و اشتغل وقت دراستي في مكتب محاماة حتى لو مجرد طباعة او سكرتارية المهم شي يفيدني في تخصصي بس هذي نقطة الخلاف اما الشغل اكيد مب عيب و انا اتقبل رايكم برحابة صدر اي شي مايخالف الشرع ممكن الواحد يختلف فيه مع الناس عادي =) اقتباس:
اي الحمدلله تغير بشكل تدريجي لين وصل للحب في آخر المشوار هههه اكيد الشغل مب عيب , الله يوفق الطلاب و يعينهم الحمدلله انها عجبتكم =) حياك الله و تشرفنا متابعتك .. اقتباس:
حياكم الله =) |
حديقة راوندهي بارك Roundhay Park وكان مما زرنا في ليدز هذه الحديقة الجميلة كبيرة اظنها اكبر من هايدبارك , فيها حديقة للفراشات و الحيوانات و بحيرة ومناطق ألعاب أطفال وسيارات الايسكريم و الواح التزلج و البولنغ و المسطحات الخضراء الواسعة https://www.arabtrvl.com/up/uploads/...6288145749.jpg مكان الحديقة ابهرتني بجمالها و ترتيبها https://www.arabtrvl.com/up/uploads/...6292048881.jpg https://www.arabtrvl.com/up/uploads/...6288145437.jpg فيها بحيرة جميلة فيها انواع الطيور https://www.arabtrvl.com/up/uploads/...6288144692.jpg https://www.arabtrvl.com/up/uploads/...6288144853.jpg مطل على البحيرة كوفي شوب بتصميم كلاسيكي خشبي https://www.arabtrvl.com/up/uploads/...6288144491.jpg https://www.arabtrvl.com/up/uploads/...2881458710.jpg فيها قعدات حلوة .. شفنا مجموعات من الطلاب فارشين بسطاتهم و قاعدين https://www.arabtrvl.com/up/uploads/...5262881454.jpg تستحق تخصيص نهار كامل لها https://www.arabtrvl.com/up/uploads/...2628814536.jpg https://www.arabtrvl.com/up/uploads/...6288145578.jpg هنا تلاحظون بداية الربيع و ظهور الازهار و بهذا أنهينا جولتنا في مدينة ليدز , و كما اخبرتكم انها - من وجهة نظري - تستحق 3 الى 4 أيام جميلة و ملمومة كل شي قريب حولك , المشي فيها ممتع و تناسب كل الاعمار اتمنى اني اضفت شي للمنتدى بهذه التغطية البسيطة لمدينة ليدز الجميلة و ان شاء الله ننزل تغطية منطقة البحيرات في رمضان بلغنا الله و اياكم هذا الشهر الفضيل و اعاننا و اياكم على صيامه و قيامه و تقبل الله منا ومنكم صالح الأعمال .. |
ما شاءالله حلووه الحديقه اغلب حدايق بريطانيا في هالجمال و الترتيب [emoji7] الله يعطيك العافيه بوصلوح ومنا ومنك [emoji1431] ومبارك عليكم الشهر Sent from my iPhone using Tapatalk |
حلوة الحديقة والفعاليات فيها ممتعة كل سنة وانتم بخير ومبارك عليكم الشهر |
جميلة و مرتبة الحديقة وهذا عهدي بالانقليز دايم يهتموا بهالامور ويعتبروها متنفس للمدينة وأنت بخير يابو صالح و بانتظار البحيرات بقلمك الجميل |
على غيبتي عن التقرير وما حصلت الا جزء واحد يابوصلووح خلص رمضان وانت ما كتبت تقبل الله منا ومنكم صالح الاعمال المهم الحديقه حلوه والبحيره تزيدها جمال يعطيك العافيه وبانتظار وندرمير |
تسلم اخويه بو صلووح على هذا التقرير الجميل المميز المختلف عن مكان مختلف و غير تقليدي عن لندنتنا نحن الخليجيين خخخخ وانا حاليآ في لندن .. و منطقة الكناري وارف ولا على البال .. ما ادري شو خلاني افتح على المنتدى .وانا اشرب الشاي في الفندق لأن عادة ما اقرب للنت في السفر الا نادرآ .. والا اشوف موضعك جدامي و دخلته و انبهرت بصراحة .. و حطيت المنطقة الحينه في جدول زياراتي ..والفضل يعود بعد الله الى تقريرك الجميل عن منطقة لندنية غير تقليديه - مب لندنتنا خخخ تراني بعدني ما كملت التقرير عن ليدز و البحيرات .. وكلمت شكرآ شويه في حقك اخويه بو صلووح - ربي يعطيك العافية و عساك على القوه و جزاك الله خير يا الحبيب |
اشكركم على التعليقات والتفاعل و كل عام وانتوا بخير وانا محرج منكم اني مانزلت جزء البحيرات للحين .. مشاغل الدنيا وان شاء الله الله ايسر لنا و انزله قريب اي والله صدقت يالشعباوي غير عن لندنا المعتاده هههه و العفو ياخوي كلنا نستفيد من بعض انا ماعرفت هالاماكن الا من الاعضاء الكرام و اعتقد المحطة الي بعد كناري وارف حلوة بعد وفيها مايستحق الزيارة |
وانت بخير وصحة وسلامه بانتظارك يابو صلووح |
اقتباس:
بالفعل اخوي بو صلوح باين على مدينة ليدز انها حلوة و ملمومة و انا احب هذه النوعيات من المدن الي تكون ملمومة و متوفر فيها كل شيء .. لا هي مدينة عودة ولا هي مدينة صغيرة .. و تسلم عزيزي على المجهود الحلو الجميل واخترت هذه الصورة لأنه سقف هذا المول في ليدز ذكرني بسقف المارينا مول بالسالمية بالكويت |
يعطيك العافيه |
شكرا لك على الموضوع |
عجبتني ليدز ، ان شاء الله بتكون من ضمن مخطط السنه نطلع لها من مانشستر مشكور ويعطيك العافيه |
| الساعة الآن 10:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO