|
السلام عليكم ورحمة الله وبركاته ذهبت امس إلى موعدي في مكتب جدة و بكتبلكم ايش صار معي اولا الطلبات طلبو مني لكل فرد من العائلة ما يلي : -الجواز وصورة منه. -صورتين شخصية. -صورة بطاقة العائلة مترجمة مع صورة الاصل وانا اخذو صورة الهويه مترجمه مع صورة الاصل. -تذاكر الطيران ذهاب وعودة . -التنقلات الداخلية (حجز السيارة). -حجوزات الفنادق . -التأمين (قبلو مني المطبوع اولاين). -ورقة تعريف براتبي اخذو صورة من الاصل وصورة من الترجمة اذا لم يكن باللغه الانجليزيه طبعا لكل واحد نسخه. -كشف الحساب من البنك ٣ اشهر فقط انا . -النموذج معبأ يدوي باللغة الانجليزية قبلوه مني لكن ملاحظه((انا طبعت من النموذج اللي فالمنتدى هنا وعبيته فالبيت قبل الموعد ولكن للاسف ردتني عليه وقالت روح عند الاستقبال خذ نموذج وعبيه من جديد لان هذا اللي معبيه حق الرياض ونموذج جدة يختلف ورحت وعبيته من جديد طبعا مافيه اختلاف كثير بس حق جدة ٣ اوراق وحق الرياض ٥ صفحات وتقريبا نفس الأسئلة بس منقصين بعضها وبعض الأشياء ماعرفتها تركتها فاضيه وهو كملهاالموظف لانه يراجع ويطابق المعلومات من الجواز ، بس طبعا انا عبيت اغلبها يعني هو أضاف ممكن خانتين فقط مو اكثر ، يعني لاحد يعبي نصها ويقول هم يكملون) وبعدين طابق كل واحد ملفه كامل او لا و بعدها ارسلني للحساب ثم للبصمه وقلي انتظر رسالة الاستلام. أنصح انه كل واحد يصور كل شي برا لانه داخل الصالة زحمه التصوير للتذكير الطلبات اللي ذكرتها لكل فرد من العائلة . حبيت انقل لكم تجربتي لعلنا نفيد ونستفيد وبالتوفيق لنا ولكم جميعا. |
فيزا شنغن ايطاليا خطوة بخطوة 2018 جزاك الله خير اخ انس والله انا استفدت منك لان تجربتك لسا فريش بس سؤال هل لازم اثبات المواصلات داخل ايطاليا؟ طيب انا بستخدم سيارة فقط لمدة خمس ايام من اصل ٢١ يوم وبستخدم في باقي المدة القطار والمترو والتكسي فكيف اثبت هذي مو معقولة اشتري تذاكر قطار قبل ٤ شهور لست اشخاص ارجو الافادة اذا احد يعرف الاجابة وشكرا Sent from my iPhone using Tapatalk |
اقتباس:
انا زي مشكلتك ولا لقيت حل غيرت المتصفح و الجهاز و نفس المشكله لقيت لها حل ؟ |
اقتباس:
ومشي الحال |
اقتباس:
والله ما ادري ليت الإخوان اكثر خبرة يفيدونا . انا سألتني الموظفه فين تنقلاتك الداخليه قلتلها ماعندي طيران داخلي بس سيارة وهذا ايجارها وقدمتلها العقد وطلبت نسخه في كل ملف للزوجه والأبناء |
انا عندي استفسار ياليت من يفيدني انا مقدم طلب موعد آخر لعائلة أخرى الاب متكفل بالرحله ومعه احد ابناءه معه شنغن سارية المفعول يعني ماهو معهم في موعد الفيزا بالنسبة لحجوزات السكن محجوزه بإسم الولد صاحب الفيزا الشنغن كيف الوضع الان أيضا السيارة بأسم الولد :26::26: |
اقتباس:
الصراحة طلبهم غريب اثبات التنقل ولكن لابد من التجاوب معهم. اذا كنت راح تستخدم السيارة في اول 5 ايام من وصولك فالحل بسيط. اعمل حجز سيارة ثاني يغطي الفترة المتبقية قابل للالغاء بدون اي رسوم. وبعد ما تدخل قم بالغاء الحجز الثاني. |
اقتباس:
بالنسبة الى حجوزات الفنادق. يقوم الولد بالدخول على الحجوزات واضافة اسماء العائلة. اما بالنسبة الى حجز السيارة فيمكن تعديل الحجز باضافة الوالد كسائق ثاني. |
السلام عليكم عندي استفسار انا مقيمة في السعودية وقدمت على فيزا إيطاليا لي اكثر من شهر من يوم تقديمي والى الان ما وصلني اَي رد منهم او اَي إيميل ؟؟ هل الوضع طبيعي ؟؟ وايش الخطوات الي المفترض اسويها ؟ |
اقتباس:
السيارة بستخدمها ان شاء الله في منتصف المدة وليس اولها ثانيا هل تغني صور بطاقات الإئتمان عم كشف الحساب (عندي بطاقتين فيزا وماستر كارد)؟ Sent from my iPhone using Tapatalk |
| الساعة الآن 02:16 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO