|
الحمدلله على سلامة وصولك الكويت ومشكورة على التقرير الخفيف. لدي سؤال عن مكان مطعم خالد حرية ولماذا لم يعجبك هل بسبب أن المكان موحش أم بسبب التعب في الوصول له؟ أنا كنت أستغرب كثرة شرحه لموقع المطعم على السناب. يبدو أنه صعب الوصول له بسبب ضيق الشوارع؟؟ أظن سبب اختياره وجود سوق نايف الشعبي، يعني بالفعل روائح البهارات والبصل والسمك المقلي لا تناسب المولات :32: لكن أظنه عامل جذب للأجانب الذين يحبون التعرف على تراث الدولة. موفقة أبرار |
اقتباس:
هههههه عليج بالعافيه تبين https://uploads.tapatalk-cdn.com/201...b4dc8781e8.jpg Sent from my iPhone using Tapatalk |
اقتباس:
الله يسلمج ساره العفو المكان اللي اهو فيه مو حلو موقعه السوق يديد ومرتب وحلو بس موقع السوق كلش مو زين و لان المواقف لقينا فيهم وايد سكارى من الجاليات الاسيويه والموقف عند السوق بالضبط سوق نايف مو صوبه من جهه ثاني و هذا السوق اللي اهو فيه بالنص بين عمارات قديمه كلش مو عامل جذب حتى للاجانب لان مو صوب التراث .. لو كان في السوق القديم او سوق الذهب وايد احسن من هالمكان اذا هامينه الأجانب .. مع اني اشوف يهتم في للخليجين اكثر احسن من الأجانب لان بطبعنا نحب الاكل الشعبي وغير جذي ما شاءالله علينا ندفع مو مثل الأجانب شيرنغ اجمعين وأسفه طولت بالشرح Sent from my iPhone using Tapatalk |
الحمد لله ع السلامة ... دبي ... مميزة بكل أحوالها ... ألف شكر على هالتقرير الجميل ... |
اقتباس:
والليمون ماكو |
اقتباس:
الله يسلمك اي نعم مميزه العفووو Sent from my iPhone using Tapatalk |
اقتباس:
ههههههه الله يعافيج لا مافي ليمون حبيبتي عاد في باشن فروت Sent from my iPhone using Tapatalk |
ياسلام على دبي وعلى الرحلات المفاجاة .استغربت مادامت الشركه هي اللي باعثاتك ليش انت تدفعي الطائرة وتدفعي للفندق مفروض يكون على حساب الشركه والا انا غلطانه الفندق جميل والمنطقه حلوه جدا الوالد ربي لا يحرمك منه متفهم ماشاء الله واختك تتدلل عليك جميله كلمة محموله مكفوله (ناقص تقولك طعميني في فمى والا مانروحش معاك) ههههههههه ربي يخليلنا اخواتنا الافطار عالمي ماشاء الله حتى العسل عدة انواع غبار دبي يالطيف احنا شفناه باخر زيارة لينا لدبي الطريق يخوف ماتشوفيش قدامك ياسلام على دبي مول والنافوره خالد كرك مااعرفه الا من تقرير ام حسين عن دبي رغم اني رحت للمنطقه عده مرات. لكن مطعمه مبين جميل ههههههههه اوامر وزارة الداخليه لازم تتنفذ..والدراريع على حسب مافهمت من الصور هم اللباس البيتي (احنا نسميه جُبّه) حمد لله على سلامتك ومازلنا نستنى زيارتك لتونس |
لا على البال و لا على الحسبه( هنا دبي ) اقتباس:
اي والله مفاجأه اي ام زياد على حسابهم بس ياخذ وقت على ما يصرفون فأحجز انا اسرع ولما ارجع اخذ المبلغ اللي صرف لي .. الفندق وايد حلو و مريح اللهم امين [emoji1431] هههههه شفتي اي والله بس هذا اللي ناقصها اوكلها كل اللي تبينه متوفر عندنا و عندهم خير احنا بعد جذي متعودين عليه و تبين الصج وايد يخفف من حرارة الشمس اذا صار الجو مغبر خالد حريه انا عرفته من برنامج وبعدين ام حسين في تقريرها والله مبين الاكل طيب هههههههه اي والله عسكرية ايي عدل ( بس عندنا دراريع للبيت و دراريع للعازيم ) اهل مصر جلابيه والمغرب قفطان و انتوا جُبّه والكويت دراعه اختلفت الأسماء و المضمون واحد [emoji23] الله يسلمج ان شاءالله اتوقع بتكون بعد الصيف اذا الله اراد Sent from my iPhone using Tapatalk |
الحمدلله على سلامتك أبرار زياره سريعة بس ما شاء الله زرتي معظم الأماكن الجديدة في دبي و برافوووو عليك تسوقي في دبي و في ديرة بالتحديد،،، لحد الحين ما تشجعت أسوق هناك، بس دايما ماسكه برنامج (smartDrive) و اقول لف يمين لف يسار،،، عشان كذا صرت اتعب لما اروح دبي بالنسبة للفندق سعره عجيب بالمقارنة بفخامته و نظافته و موقعه،، قبل سنه حضرت مؤتمر في دبي و اضطريت اسكن في السوفيتيل ب 1000 درهم الليلة لما شفتك تشربي كرك في عز الحر أطمنت على نفسي و على الشعب العماني،، طلعنا طبيعين:13: يعطيك العافية أبرار |
| الساعة الآن 09:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO