شبكة و منتديات العرب المسافرون - تـــركــــيـا في مايـــو 2018 .. أنــطاليــا (6) وإســطنبول (8)

- بوابة تركيا (https://www.arabtrvl.com/vb/f135.html)

اقتباس:

المشاركة الأصلية كتبت بواسطة q8ya metnaqla (المشاركة 412537)

والله يابوسعود قاعده اتعلم من تقريرك وايد اشياء مفييده بالتعامل خصوصا في تركيا لان مثل ما قلت خبري فيها من قديم الزمان ..
كل شي تكتبه قاعده احفظة عشان لو الله سهل و رحت اعرف شلون اتعامل معاهم

الفندق حلو بس حسافه الخدمات فيه ناقص

ياهلا وغلا اختي الكريمة q8ya metnaqla

يشرفني ويسعدني تفاعلك وشهادتك وحاضرين في أي وقت ..
شاكر ومقدر لك ..

اقتباس:

المشاركة الأصلية كتبت بواسطة Gunner10 (المشاركة 412643)

جميع فنادق السلطان احمد وسيركيجي هذا مستواهم

على العموم في اسطنبول الفندق اخر همي لانه اغلب وقتي في الخارج

واذا مع العائلة اهتم بمستوى الفندق واهم شي يكون الفندق على شارع عام لسهولة وصول التاكسي له

مشكور اخوي فهد متابعين معاك

ياهلا وغلا اخوي عادل ..
بالضبط ..

كلام سليم .. وهو المختصر المفيد لمنطقة السلطان أحمد ..
يشرفني دائما مرورك ومتابعتك :e306:..

اقتباس:

المشاركة الأصلية كتبت بواسطة HAMAD_2030 (المشاركة 412739)

الحمد لله على السلامه
وتقرير سلس وبسيط وغير معقد

حلوه انطاليا بصراحه عجبني ترابهم :3:

احس انه ما يلصق بالرجول زي اللي عندنا الله يكرمك :13:

:13:

متابع معك وتقبل تحياتي

ياهلا وغلا اخوي حمد ..
الله يسلمك يارب ..
فعلا أنطاليا جميلة بمنتجعاتها وشواطئها إذا حضرت لكن عاد الله يعينك على المناظر الصيفيه :D
شاكر ومقدر لك مرورك وتفاعلك ياغالي ..

اقتباس:

المشاركة الأصلية كتبت بواسطة بوصلووح (المشاركة 413024)

ماشاءالله ماشاءالله
تفاصيل ممتعة و صور جميلة
خاصة المنتجع في انطاليا عجبني جداً
ماعملت تغطية لارض الاساطير

رحلة جميلة و موفقة
و شكراً لحرصك على نفع اخوانك
مستمتعين معك ..

ياهلا وغلا اخوي بوصلوح ..
ريكسوس بصراحه كان من أجمل الذكريات في أنطاليا ..

وأبشر بسعدك .. أرض الأساطير هي أول الاجزاء القادمة بإذن الله ..
تسلم ياغالي وشاكر لك حضورك ومتابعتك ..

اقتباس:

المشاركة الأصلية كتبت بواسطة أبوسلام (المشاركة 413073)

بعض الصور فيها عري اطمسها أو احذفها مثل الصورة الأخيرة وبعض صور المسبح جزاك الله خيرا

أرسلت بواسطة iPhone بإستخدام Tapatalk

جزاك الله خير اخوي ابوسلام ..

اقتباس:

المشاركة الأصلية كتبت بواسطة علي 2002 (المشاركة 413089)

الله يجزاك الخير علي هذا التقرير الرئع
والاجمل هو تفاعلك مع القراء
وقد شرفتني بالاجابة علي تعليقي
جزاك الله خيرا

ياهلا وغلا اخوي علي ..
واياك يارب .. وتستاهلون كل خير وهذا واجبنا ..
أسعدني جدا مرورك وتفاعلك وتمنياتي لك برحلة سعيدة وحاضرين بأي وقت ياغالي ..
تحياتي لك ..

اقتباس:

المشاركة الأصلية كتبت بواسطة Gunner10 (المشاركة 413099)

هلا اخوي فقط ياريت بس لو تحط الصورة في اول صفحة عشان لا يصير فيه اشكالية مع اسم الشركة نفس ما صار معاي

ياهلا والله اخوي عادل ..
فعلا أكثر من رد حصل معاه نفس الشي بسبب تشابه اسمها مع Avis ..

لكن للأسف انتهى وقت التعديل ولا فعلا افضل شي هو زي ما قلت وياليت لو المشرفين يفتحون لي تعديل الرد أو يضيفون الصورة ..

شاكر ومقدر لك ياغالي ..

اقتباس:

المشاركة الأصلية كتبت بواسطة Gunner10 (المشاركة 413101)

اغلب حجزي يكون على هوتلز موقع رائع

واذا حصلتو سعر اقل منهم تقدرون تتواصلون معاهم ويرجعون فرق السعر

الله يعطيك العافية اخوي عادل ..
جميل جدا وإن شاءالله اجربه في المرات الجاية ..
شاكر ومقدر لك حضورك وإثراءك للتقرير ..

اقتباس:

المشاركة الأصلية كتبت بواسطة كتكات783 (المشاركة 413183)

أهلاً بو سعود ...

بصراحة المنتجع رااااااااااائع ... نقلته لنا بشكل مميز .. ويكفيه تقييمك الإيجابي له

ليحظى باهتمام من يقرأ تقريرك ...

هل ( أرض الأساطير ) لها فندق مرتبط بها ؟؟؟

يبدو يا فهد لم تستفيد من السيارة طوال إقامتك بالمنتجع ..

لو استقبلت من أمرك ما استدبرت .. تستأجر السيارة أو تتركها عند الانتقال للسكن في السنتر ؟؟

الفندق الآخر في السنتر أشوفه جميل من خلال الصور ... ليتك ذكرت أبرز المزارات التي ذهبت

إليها في أنطاليا لو سرداً .. لم أشاهد صوراً في جزء أنطاليا ...

فندق اسطنبول ... أيضاً جميل من خلال الصور .. لكن ربما تعامل الستاف .. أفسد جمال مرافقه ..

بصراحة أفتقد لمهارة التفاوض بالأسعار في السفر :) وأتحاشاها ..

أحياناً تؤتي نفعاً .. وأحياناً تفقدك وقتاً وتؤثر مزاجاً نسبة لتعنت من تفاوضه ..

مستمتعين كثيييييراً برفقتك ...

ياهلا وغلا بالغالي والمميز اخوي كتكات ..
فعلا ريكسوس من أجمل الذكريات والمنتجعات اللي سكنتها ..
نعم أرض الأساطير يتبع لها فندق خاص اسمه land of lengends kingdom
وهو يتبع لمجموعة ريكسوس وأسعار الغرف أقل من ريكسوس بريميوم والفندق مصمم بشكل أساسي بطريقة تناسب الأطفال في كل تفاصيله .. وكنا مخططين للسكن فيه بس يوم عرفنا انه نفس المميزات نحصل عليه لو سكنا في ريكسوس بريميوم .. قلنا نضرب عصفورين بحجر .. وربما لو عدنا إلى أنطاليا مرة أخرة إن شاءالله قد يكون هو أحد مقاصدنا الرئيسية حتى نحلل أرض الأساطير مضبوط :D
السيارة في أنطاليا شيء أساسي لا تستغني عنه سواء في السنتر أو في غيره وأسعارهم معقولة جدا في الإيجار .. ارخص من اسطنبول والشمال .. كما أسلفت ريكسوس كان بعيد شوي عن المطار ووسط البلد .. في المنتجع استفدنا منها في الذهاب لأرض الأساطير وبالتالي عدم تقيدنا بالباص وكذلك في الذهاب لوسط بلدة بيليك أكثر من مرة .. وفي السنتر تحتاجها إذا بغيت تروح لأرض الأساطير أو الشلالات أو كيمر ..

وفندق ريكسوس داون تاون فعلا جميل ولايوجد عيوب رئيسية ولكن مشكلتنا سكناه بعد ريكسوس بريميوم هههههه وكنا نتحاشا المقارنه ولكن عندما يتعلق الأمر بوصف التجربة لابد من الموضوعية والمسؤولية في النقل ..

ولكن كما أسلفت وحتى أكون موضوعيا وواقعيا يبقى خيار ذكي جدا .. وكل من سألني من الإخوان على الخاص كان هو ترشيحي في حالة الرغبة في ضرب أكثر من عصفور بحجر بالذات في حالة الرغبة في زيارة أرض الأساطير لأن أسعار تذاكرها تعتبر مرتفعه خصوصا للعوائل بأطفال ..

وإن شاءالله الأجزاء القادمه هي للأنشطة اللي قمنا بها في أنطاليا وعلى رأسها أرض الأساطير ..

وفعلا فندق اسطنبول كما ذكرت .. لم تكن الإدارة بمستوى الفندق ..

أما المكاسر في تركيا شيء ضروري ومن الأساسيات .. يارجل فروقات لاتصدق حتى في أبسط الأمور .. فقط تعامل معها بمتعه وطولة بال وكأنك غير مهتم بالسلعة .. ويساعدك في هذا الأمر عندما تتذكر أن لديك خيارات ولست ملزم ببائع واحد .. ولكن احترم وجهة نظرك بل اتفق معها أحيانا ..

يشرفني دائما حضورك ومتابعتك اخوي كتكات ..
خالص تحياتي لك ..

اقتباس:

المشاركة الأصلية كتبت بواسطة Lsq (المشاركة 413461)

ماشاء الله من الواضح ان الرحلة كانت ممتعة والتقرير جمييييل ومتطرق لكل التفاصيل يعطيك العافية

ياهلا وغلا اخوي الكريم ..
الأجمل مرورك وتفاعلك ..
شاكر ومقدر لك ..