|
صباح الورد الله يشفي بنتكم يارب يا ام حسن ويقومها بالسلامة :e030: |
كلامك صحيح يا طوق البحث والتخطيط للسفر متعه ووناسه أبو عبدالله للحين ناطرين الحدث |
حتى أنا ما يعجبني مرة يابو عبدالله والكنق عندي هو عادل امام وشحالك وش حال عيالك وش حال خاصاتك خاصاتك : الخاصين والعزيزين عليك :18::18: |
الحدث كان بيني وبين نفسي !! من يومين سمعنا خبر الطالب معتز رحمه الله والذي لقى حتفه بسبب مشاجرة طفوليه وتوفى مخنوق !! اطفال في المرحله الابتدائية تخيلوا !!! لاحول ولا قوة الا بالله. وقبله حادثة الطفل حامل المسدس في احدى صالات الافراح بالمنطقة الشرقية واللي ذبح شخص ثاني كان من ظمن الحضور للزواج !! طفل عمره ثمان سنين يعطيه اخوه الكبير مسدس في مكان عام !!! وامس في الرياض في احدى مدارس حي النسيم الثانوية طالب كان حاملا لسلاح ناري ومنتظر بالقرب من سور المدرسه ليراه بالصدفه معلم ويشتبه في وضعه واخذ بإستدراجه بالكلام وادخاله المدرسه والتحفظ على السلاح وابلاغ الشرطة !!! وامس ثلاثه اشقاء دخلوا مدرسة واعتدوا على احد المعلمين بالضرب المبرح امام تلاميذه !!!! والسبب لأنه ضرب اخوهم الاصغر !! ؟؟؟ ويش صاير في الديره ؟ ويش صاير فينا ؟ من وين جانا عنف الاطفال ؟ من المسؤول ؟ هل الالعاب الالكترونيه المختصه بالحروب واستخدام جميع انواع الاسلحة هي السبب ؟ الخوف من القادم !!! هذا هو الحدث اللي ضربت فيوزاتي بسببه وقعدت اتفكر في مصير ابني الصغير لما يكبر ويختلط باقرانه ويتأثر بالطالح منهم !!! شالوا داؤود الشريان والا كان دقيت عليه وقلت له جايك ياصديقي جهز لي حلقة خلنا نشوف ذي العلوم اللي ماتسر لا عدو ولا صديق . |
فعلا يا ابوعبدالله العنف زايد في كل مكان لكن لاحظت بالسعودية زايد بشكل واضح أتوقع بسبب عدم وجود عقوبه رادعه المفروض اللي عنده سلاح يتعاقب عندنا بالكويت الحكومه جمعت السلاح كله من المواطنين وعطتهم مهله للتسليم بالنسبة لعنف الأطفال اكيد الألعاب الالكترونيه لها دور كبير |
مسائكم فل فعلا العنف زايد بمدارسنا والالعاب الالكترونية لها دور كلها ضرب وقتل الله يرحم الطفل معتز ويجبر قلوب اهله وفيه نقطة ثاني البعض يربي عياله على التسلط والقوة والطفل يتنمر على الاطفال اللي بعمره وكمان دور الحكومة المفروض تقنن من استخدام الاسلحة والله التربية صعبة خاصة بالوقت الحالي |
هلا أبو عبدالله المشكلة في التربية كان اسمها وزارة التربية والتعليم و الآن وزارة التعليم يعني التربية صارت من ضمن مهام الأسرة كل أسرة تبغى ولدها يصير اقوى واحد و أرجل واحد لكن مفهوم المرجلة خاطئ عند الكثير وهذا برأيي سبب ازدياد المشاكل مؤخراً احنا في طور التغيير من مجتمع تحكمه الاعراف والتقاليد الى مجتمع يحكمه القانون ولاحظنا مؤخراً سن العديد من الانظمة الجديدة علينا مثل قانون التحرش والذوق العام وهذا بلا شك سيقضي على الكثير من هذي التجاوزات ويحد منها اعتبر هذي الاحداث العرضية مطبات هوائية نمر فيها بطريقنا الى مجتمع أفضل تغيير سلوكيات المجتمع محتاج وقت ونحن بحاجة لباحثين اجتماعيين متخصصين يقودون المجتمع في هذي المرحلة لكي تصل السفينة الى بر الأمان قرأت مؤخراً عن تغير واضح في استهلاك الكهرباء عن الأعوام السابقة وتغير في سلوكيات الأفراد الشرائية الى الأفضل لعل هذا لا يأت الا بقوانين و أنظمة صارمة تصب في مصلحتنا على المدى البعيد السلوكيات الاجتماعية تحتاج حزم أكثر هذا كل ما في الأمر رحم الله الطفل معتز و جعله شفيعاً لوالديه خبر موته كان صادم للجميع وأنا مع من ينادي بمحاسبة المقصرين وان تنازل أبوه |
السلام عليكم و رحمة الله و بركاته أسعد الله صباحكم بالخير و المسرات .. و بارك الله لكم في يوم الجمعة و أسال الله أن يتقبل منا و منكم صالح الأقوال و الأعمال .. |
رسالة موجهة إلى الأخوة الإعزاء في الإدارة .. " بصراحة أصبحت الأعلانات مزعجة جداً جداً و أضم صوتي إلى الأخوة و الأخوات ممن ذكروا موضوع الأعلانات ... بصراحة صار الوضع مزعج شوي و التصفح متعب بسبب تواجد الأعلانات في الصفحة الأولى و تتسبب في تغطية روابط الصفحات و أيضاً تسبب بطئ في الأنتقال و الضغط على الرابط ... https://www.arabtrvl.com/up/uploads/...8358489671.jpg |
أبو معتز يسعد مساك هل ممكن تعمل خروج و تسجل دخول من جديد وتجرب هل تظهر لك |
هل انت تدخل من تاباتوك او لابتوب |
اقتباس:
طلعت ورديت دخلت والاعلانات موجودة |
اقتباس:
اقتباس:
يا هلا بالغالي أخوي أبو غسان و الله جربت و سجلت خروج و أعادة تسجيل من جديد مع حذف ملفات الأرتباط القديمة ... و نفس الشئ الأعلانات موجودة... و دخولي من اللابتوب بشكل دائم و مرات قليل أستخدم التاباتوك |
هذا واحد حيوان الله يكرمك له فترة يدرج اعلانات على موقعنا وكل ما حذفنا ردها بطريقة جديدة راح نتواصل مع الدعم الفني ونشوف السالفة |
اقتباس:
هلا أخوي أبو غسان ... أنا توي دخلت .. أشوف ما عاد رجعت الأعلانات |
سويت تسجيل خروج ورجعت نفس المشكلة كل الموقع اعلانات الله يعينكم ابو غسان |
اعتذر منكم.. وان شاء الله موضوع الاعلانات راح ينتهي بأقرب وقت |
السلام عليكم صباح الخير للجميع |
وعليكم السلام صباح النور بداية اسبوع جميلة بأذن الله مشكور اخوي علي على جهودكم ايش تخطيطكم لأجازة اليوم الوطني |
يسعد صباحكم النية على القاهرة لو زانت الأمور |
بالنسبة لي مكلف مواصل العمل بس الشهر الجاي في طلعة للعاصمة كم يوم |
رحلة سعيدة ابو غسان ربي ييسر لك الله يعينك ابو سيف اختكم متعقدة من الدوام ابو باسل الاجازات بالحسرة :23: مابي عيالي يدخلون ارامكو تعقدت :13: اخذنا استراحة لاجازة اليوم الوطني نغير جو |
صباح الخير يا وجيه الخير لازلنا في ابها البهيه كم يوم https://uploads.tapatalk-cdn.com/201...029144437c.jpg تم الإرسال من SM-N960F باستخدام Tapatalk |
أخواني أغلبهم في ارامكو بالشرقية واحد كان في بقيق ونقل لينبع قريب بالعكس خيار حلو للشباب و مميزات الشركة حلوة فيه سابك و بناتها برضه مستقبلها حلو |
أرامكو مقبره الإنسان وهو حي تم الإرسال من SM-N960F باستخدام Tapatalk |
نعم ابو غسان وضائفها حلوة جدا وكل واحد يتمني ان يعمل بها لكن تاخذ احلي ايام عمرك تم الإرسال من SM-N960F باستخدام Tapatalk |
اقتباس:
استمتعوا بالاجواء هذي الصورة كنك لاقطها من حديقة أبو خيال |
صباح الورد صباح بداية أسبوع جديد:e032: |
السلام عليكم و رحمة الله و بركاته .. يسعد صباحكم بالخيرات و المسرات ... بداية أسبوع جميل للجميع أن شاء الله |
اقتباس:
هلا أختي أم باسل .... اليوم الوطني ماكو تخطيط " نخطط لما بعد اليوم الوطني أحسن ... الناس كلها ألحين متحمسة تخطط بعد ما يرجعون نخطط نحنا :3:" بعدين بصراحة الأغلبية لسى راجعين من أجازة الصيف ما تسوى نخطط سفر من جديد !! "وجهة نظر.. شخصياً مستحيل أسافر في أجازة قصيرة و أنا عارف أن كل الناس تخطط عليها .. " طبعاً أصحاب الظروف معذورين |
لي وجهة نظر في موضوع الأجازات و التمتع بها في وقتها ... بصراحة يشكل توقيت الأجازة عائق للكثير من الموظفين و يزداد التعقيد إذا كانت الزوجة موظفة فلابد من أن تتوافق أجازة الزوجين كي يتسنى لهم التمتع في الأجازة في نفس الوقت ... بعض المسئولين في جهات العمل .. يستمتع في أن يماطل مع الموظف في تأكيد موعد أجازته لأسباب غير معروفة في بعض الأحيان كأن يقول لك حاجة العمل َََ!! و في نفس الوقت تجد موظفين أخرين يأخذون أجازاتهم في الوقت الذي يناسبهم و السبب أنك أنت متميز و العمل ما يستغني عنك !!! و هذي ضريبة التميز و الأخلاص !! أتذكر أثناء فترة عملي كنت أدخل في صراع مع الأدارة من أجل الحصول على الأجازة في الوقت الذي يناسبني ..و لكن في السنوات الأخيرة طبق نظام الكتروني لطلب الأجازة أي تقدم الطلب و على الرئيس المباشر الرد بالموافقة أو الرفض مع أبداء الأسباب المقنعة كي لا تخصم الأيام من الرصيد الأجمالي في حال تجاوزه ال 36 يوم |
صادق يابو معتز الموظف المتميز يدفع الضريبة الحمد لله ماني منهم فهمت الشغلة من زمان هههههههه الحلو أن الكل يحدد اجازته من بداية السنة ويتم مناقشة أي تعارض واللي يبغى يغير بعدين يكون على قائمة الانتظار وهذا يرضي الجميع |
بالعكس السفرة القصيرة حلوة خاصة اذا جات فجاءة بن قوت قال اللي ابغى اوصله الاجازات معاناة تتحدد بداية السنة بس فجاءة يقلون اطلع اجازة خلاص عدا الربع الاول من السنة وما اخذت من اجازتك طيب واللي حددتها اول ايش وضعها بالصراحة ارامكو تكرف الموظف بس فيها فلوس :29: |
المفروض الواحد ينكرف بداية عمره بس يعرف كيف يتصرف بفلوسه يعني من يوم ما يبدأ يشتغل يأخذ من الراتب اللي يكفيه ويحط الباقي استثمار 10 الى 15 سنة يقدم تقاعد مبكر |
اقتباس:
و الله يا ابو غسان ... تميزنا و كرفنا و أنكرفنا و ضحينا بالوقت و الجهد على حساب أشياء كثيرة و 50% من تقاييم الأداء كانت أمتياز و لكن في الأخير ما أستفدنا و نقول الحمد لله على النعمة اللى نحنا فيها و اللى وصلنا لها ... |
اقتباس:
و الله يا أختي أم باسل .. الأجازات القصيرة تستهلك جهد و وقت و تضغط الميزانية و الوقت يكون محدود و الخيارات قليلة مع أرتفاع في الأسعار لمن يرغب في السفر .. لذا تم عقد أتفاقية عائلية على التعويض في الأجازة الصيفية بأطول مدة ممكنة ... و أما تحديد موعد التمتع بالإجازة كان يعتبر لنا معاناة إلا خلال السنوات الأخيرة قبل ترك العمل .. و بعده أصبحت السنة كلها أجازة :17::17: |
اقتباس:
أتفق معاك أخوي أبو غسان ... أذا تعبت في البداية ترتاح و لكن لابد من التخطيط و اختيار التوقيت المناسبة لترك الوظيفة و التفرغ للأعمال الحرة... " التقاعد المبكر ... متعة :13:" |
يعني نصبر 4 سنوات ويتقاعد ابو باسل ونفل ههههههههههه كلامك صحيح ابو غسان الواحد يستثمر ويأسس نفسه بدري وبعدين يرتاح امورنا المادية عال العال يارب لك الحمد بس ابوباسل مايبغى يقدم تقاعد علشان تأمين العلاج حق امه واب |
اسعد الله صباحكم بكل خير ابو غسان ،،، يمدي احط صورتي مع ذي الاعلانات ؟ اتوقع بصير مشهور في ربع ساعه بس :17: |
^^ ههههههههههههه والله انا عن نفسي مو قادر اشارك من الأعلانات صباح الخير للجميع |
| الساعة الآن 09:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO