|
اقتباس:
جرب يا أبو مشاري .. القصد من الفكرة أنك دائماً عندما تعلم بأن الرصيد محدد في الحساب تفكر قبل تسحب و تشوف أنه فيه أشياء ممكن تؤجل أو ممكن تلغى أن كانت كمالية... و فيه نقطة ما ذكرتها أيضاً .. تجنبت سحب الكاش و حمله في المحفظة .. لي أكثر من سنة لم أجمل الكاش إلا فيما ندر أعتمد البطاقة في المدفوعات ... حتى البقالة اللى ما عندها شبكة مدى .. أتركها و أشوف غيرها و محطات البنزين اللى تستخدم نظام المدفوعات لها الأولوية عندي وأتعنى لها ... |
اقتباس:
هل مسألة تنظيم الابناء لمصروفاتهم سهلة ؟ وهل هم اصلاً منتظمون ؟ وهل المسألة يبيلها صبر وتعوّد ؟ اسئلتي عامة للجميع |
اقتباس:
شف أخوي أبو عبدالله ... أي شئ تبنيه صح ينجح ... و أنا أتكلم لك من واقع تجربة .. لي تقريباً حوالي 10 سنوات من بدأت في تخصيص مصروف شهري للعيال بدأ بمبلغ معين شهرياً و استمر.. في أحد السنوات قررت أن أجرب فكرة وهي كالتالي: قلت للعيال .. اللى بيوفر من مصروفه أي مبلغ بعطيه مثله يعني اللى يوفر 100 ريال يأخذ 100 ريال و شفت نتائج متفاوته .. كانوا يصرفون فلوسهم على اشياء عادية .. بس بعد فكرة التوفير قل صرفه أهتموا في تقنين الصرف للصروريات اللى هم يحتاجونها علشان يكسبون .. و نجحوا المسألة ترجع لك أنت و كيف تدير الأمور و كيف تعودهم ... و كلامي ماهو تنظير .. هذي تجارب و أقدر أقولك فيه تفاوت بين العيال و لكنهم متى ما صاروا منتظمين و عرفوا كيف الواحد ينظم دخله حتى لو كان قليل ... |
اقتباس:
صبحكم الله بالنور والسرور موضوع حلووو وانا اعتبر نفسي منظمه وغير مسرفه وطبعا عندي خطه وكنت استخدمها من ايّام الثانوية وبعدها طبقتها عدل في غربتي وطبعا غربتي لها فضل چبير في اني أصير منظمه وغير مسرفة طبعا وقت الغربة والدراسة الجامعية خصوصا اني على حساب اهلي وليست بعثه حكومية يعني يا ابرار انتبهي عدل على مصرفج لأني ما راح اقدر اطلب كل اشوي مبلغ من ابوي الله يحفظة [emoji1431] فكان الآتي : -راتب شهري يتم تحويله لي منها ايجار - رسوم دراسية - مصرف اكل واستهلاك . -يتم خصم الإيجار و الرسوم الدراسية -يبقى المصرف يتم خصم مبلغ من المصرف للحفظ والطوارئ والباجي اهو اللي اتحكم فيه طول الشهر للصرف والأكل ولازم أكون ملتزمة في هالمبلغ المحدد وما اطلع عنه زيادة .. وإذا في فائض بسيط يتحول الى المبلغ المحفوظ من قبل .. - احيانا كنت احتاج للزيادة لأمور ثانوية ما كنت اخذ من المبلغ المحفوظ كنت ادور على وظيفة بارت تايم وامشي أموري فيهم. [emoji3526] والحمدلله لما الحين على هذا التنظيم احدد مبلغ معين يصرف للشهر كله وجزء يتم تحويلة لحساب ثاني واي فائض من المحدد للشهر يتحول على طول .. الطريقة ممتازه وأتمنى اللي يقدر ينفذها Sent from my iPhone using Tapatalk |
اقتباس:
يا هلا أختي أبرار ... ما شاء الله تجربة ممتازة و جميلة توضح مدى أن الترتيب و التنظيم هو الأساس .. و خصوصاً عندما تكون النتائج مشجعة و تساعدك على الأستمرار .. |
عدل السالفه كلها ترتيب وتنظيم وتحديد أولويات Sent from my iPhone using Tapatalk |
اقتباس:
صباح الخير اخت ابرار تخطيطك وتنفيذك عين العقل ومعظم اللي يغتربون للدراسة ويعيشون لحالهم يضطرون انهم يعتمدون على انفسهم وبالتالي لازم يعملون حسابهم للمصاريف بدقة. |
اقتباس:
هلا ابو معتز انا اقرب الى الفوضوية بالامور المالية ما عندي نظام معين امشي عليه رغم اني والحمد لله خال من القروض على قول المثل سارحة والرب راعيها |
انا من النوع المنظم ومسويه خطة للراتب المصروف والتوفير لكن أحيانا يصير ظرف طارئ يخرب الخطة :23: |
اقتباس:
هلا بالكبير .. عمدتنا ابو غسان .. و الله و أنا أخوك ... لابد الواحد يسوي شوية كنترول على In و Out يعني يعمل Balancing و تأثيرها يبين عند الرغبة في تغيير أثاث البيت مثلاً أو شراء سيارة جديدة ... |
| الساعة الآن 11:58 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO