|
السلام عليكم و رحمة الله و بركاته .. صباح الخير و المسرات للجميع ... غريب نظام الغياب أول أسبوع عند البعض ما أدري وش الميزة اللى يتمتعون فيها !!! يعني ممكن نعذر الطلبة الجامعيين لأن الأسبوع الأول معروف ترتيب و تعديل و أنسحابات مع أن عندي بنتي الله يوفقها أمس أنتظمت بالجامعة و على طول بدأ الجدول بأول محاضرة تعريفية !! موضوع الباصات الصفراء أخوي أبو غسان و الله غريب جداً .. قريب من بيتي أشوف فيه ساحة توقف فيها هالباصات بالمئات بالإجازات و أثناء الدراسة و لا حتى نشوفها لا في الشوارع و لا عند المدراس و لا في الأحياء !! أمس أسمع برنامج عن النقل المدرسي الحكومي مع رئيس الشركة المتعاقد معها على النقل فيقول على ولي الأمر تقديم الطلب أونلاين و تقديم المعلومات المطلوبة و يتم دراستها :10: و بعدين نرد على الطلب و حاطين معيار للقبول في النقل أن يكون السكن لا يبعد 3 كيلو عن المدرسة ..و لا يقل عن 250 متر !!! و نقول الميكروباص ليه يسرعون !! يا رجال هذولا يوصلون لو تبي في حدود 100 كيلو لو أنت بالرياض و عيالك يدرسون بالدمام ..قال لك ما فيه مشكلة أنا ودي صبح جيب زهر أنت ما فيه خوف .. ولد أنتا سوا ولد أنا :32::32::32::32: |
^^ ههههههههههههههه راعين الباصات اهم شي تدفع مشكله النقل المدرسي ما تنتهي الأ انك تسكن جنب مدرسه وتريح راسك *** مساكم الله بالخير جميعاً |
اقتباس:
صعب جداً يا أبو سيف تلاقي السكن جنب المدرسة خصوصاً في المدن الكبيرة .... مثل "الحي اللى أنا أسكنه ما فيه و لا مدرسة لا بنين و لا بنات و لا حتى مخطط لذلك مستقبلاً !! |
صباح الخير للجميع الحمدلله على السلامه ابو معتز فكرة وزارة التعليم بالمدرسة المجمعه هذي اكبر مشكله يعني اول كل حي فيه مدرسه يعني الطالب يقدر يروح لبيته مشي الان ماشين بفكرة المجمعات وتكون قريبه من بعض وتعال شوف الزحمه وعذرهم مايبون مباني مستأجرة الشكوى لله |
صباح الخير هلا ابو يزن أهم شي يتخلصوا من المباني المستأجرة لأنها غير آمنة و غير مؤهلة عشان تكون مدرسة |
السلام عليكم صباح الخير للجميـــــــع |
اقتباس:
صباح النور و السرور ابو يزن الله يسلمك و يبارك فيك ... بالنسبة للمجمعات المدرسية الحكومية في الأحياء .. ما فيه مشكلة و هي فكرة معمول فيها في كثير من البلدان .. و لكن بلاك من عدم وجود أي مبني لا مجمع و لا مستأجر !! لي 14 سنة ساكن في الحي و لا مدرسة موجودة فيه ... تأملنا أول ما شفنا المخطط و بعد كم سنة كل أراضي المرافق المدرسية تحررت و لك أن تتخيل حي كامل بدون فصل دراسي واحد !!! الله المستعان |
السلام عليكم و رحمة الله و بركاته صباحكم سعادة و تفائل و خير من رب العالمين :e306::e306::e306::e306::e306: |
مركاز العرب المسافرون 5 صباح الخير للجميع تجهيز طلبات المدرسة سهلة لكن هل المدارس جاهزة للاسف تخبط للان مازال الوضع كما هو النقل والترتيب والتنظيم كلها بالاسبوعين الاولى طيب متى تبدوا الدراسة على كذا ماالوم اللي يبغيبوا اول اسبوع اخوكم ابو حسن أرسلت بواسطة iPhone بإستخدام Tapatalk |
انا ما اؤيد الغياب اول اسبوع الدراسه وكنت اخاصم عيالي اذا غابوا ولكن لما استمع للأسباب اللي تغيبهم اقتنع واقول جلستهم في البيت ابرك من الدواره في مدرسه وسخه وغير مرتبه والطلاب متكدسين لا حسيب عليهم ولا رغيب . باصات الحكومه الصفر جيده ولكن الشيبان السواقين ماعندهم صبر ،، اذا ماشافوا احد عند الباب سحبوا على الطفل وتركوه :42: |
| الساعة الآن 03:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO