|
اقتباس:
يا هلا بأبو عبدالله ... أثاريك من الربع اللى يتأزمون أيام أختبارات عيالهم و يصير البيت حالة أستنفار !! يا رجال وكل الله و خلهم يعتمدون على انفسهم في المذاكرة و اللى يستعصي عليهم من البداية يرجعون للمعلم أو المعلمة و يشرحه لهم .. ما فيه شئ أسمه أجلس أشرح لهم المستعصي عليهم !!! أثناء الفصل الدراسي المتابعة و قبل الأختبارات دورنا التوجيه فقط و كل واحد هو من يرسم خطة بنفسه كيف يذاكر حتى لو هو في الأبتدائي لابد من تعودهم على الأعتماد على النفس في المذاكرة لأنه أذا شعر أن الأم أو الأب بيذاكر له ترا النتيجة ما تضمن ممكن تكون عكس اللى تتوقعها مثل أن يصيب الولد أو البنت رهبة من أسلوب تدريسك له و تخليه يكره المادة و المذاكرة كلها "يا زين أفلام المصارية ... تحصل الأم تدخل على عيالها معها كوب شاي أو عصير و تشجعهم" طبعاً وجهة نظر أكيد وارد فيها الأختلاف ..." |
يسعد أيامكم ويكند سعيد على الجميع فعلا هذا الاسبوع البيوت في سكون تام والشوارع فاضية والصامولي يخلص بدري أنا مع أبو معتز لابد يعتمدوا على أنفسهم كان موكل لي دايم تدريسهم الانقليزي ليلة الاختبار اجلس معهم و اقول لهم لا أحد يذاكر الانقليزي ماهو محتاج مذاكرة لقوا انفسهم فعلا ينجحون ويجيبون علامات حلوة ومن ذيك السنين وهم يقولون خلاص لا تذاكر لنا عرفنا الخطة :32::32: |
اقتباس:
ونعم بالله كلامك سمين يابو معتز الثقة بالنفس لابد ان تكون حاضره عند الطلاب ولكن !!! دور المعلم او المعلمه في ذا الوقت ماعاد مثل اوقاتنا للأسف الشديد صار اغلب المعلمين والمعلمات يداومون من شان الراتب وليس التعليم ! انا اتكلم من مبدأ تجارب عايشتها مع ابنائي عندي في الابتدائي والمتوسط والثانوي ،،، وفي مادة الرياضيات والانجليزي بالذات احس انهم ضايعين ويبيلهم متابعه ماواصله مني ومن امهم اذا جات الامتحانات الشهريه وبديت اذاكر لهم واكتشف انهم مايفهمون ولا كأنهم يدرسون في المدارس او عندهم معلمين يشرحون لهم احس بالغبنه واتحسر على ساعات الدوام اللي يروحون فيها للمدارس !! واذا سألتهم ليش ماتفهمون من المعلمه ؟ يقولون المعلمه ماتعرف تشرح ؟ المعلمة سريعه في الشرح ؟ المعلمة اذا مافهمنا وكثرنا عليها الاستفسارات تقول افهموا في البيت !! المعلمة صاير لها اسبوع ماداومت !!! ولا يقهرني الا مادة الرياضيات في المرحلة الثانويه ،، حاطينها بالانجليزي ليش؟؟؟ مدري ليش مايحطون مصطلحاتهم بالعربي مثل زمان او مثل المرحلة المتوسطه ؟ صروا مايفهمون الماده ولا يعرفون انجليزي اصلا !! وشلون تترقع ذي ؟ الحديث ذو شجون ويفقع المراره بصراحه يبيلها براد شاهي حبق وانت ياصديقي ابو معتز هات قهوتك السوداء معك :e445: |
اقتباس:
طيب يابو غسان لو سمعوا كلامك ولا ذاكروا ليله الامتحان وجابوا العيد مثلاً هل بتلومهم او بتلوم نفسك لأنك ماذاكرت لهم ؟ |
مركاز العرب المسافرون 5 اقتباس:
كان الله في العون يا أبو عبدالله ... الدراسة بالأنجليزي و الله أنها مفيدة .. و أتمنى أنها تطبق من أول أبتدائي أو حتى من الحضانة ..:29::29: عندي أحدى بناتي من التمهيدي و هي تدرس أنجليزي و بالثانوي دخلت أنترناشيونال دراستهم كلها بالأنجليزي بس الحمد لله الآن بالجامعة مرتاحة و درستها كلها أنجليزي "اللغات حالياً هي المستقبل ..." |
اقتباس:
حقيقةً ما اخليهم يذاكرون ولا عمرهم ذاكروا لاختبار الانقليزي أعرف قدراتهم بس اعطيهم جرعة ثقة وكلهم مبدعين بالانقليزي |
صباح الخيرات انشغلنا الله لا يشغلنا الا بطاعته الاختبارات وما ادراك مالاختبارات :28: وش مسوين مع البرد |
السلام عليكم و رحمة الله و بركاته .. أسعد الله صباحكم و أسعد أيامكم و طابت جمعتكم "إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا" "اللّهمّ صلّ على محمّد وآل محمّد" |
اقتباس:
صباح الخيرات أختي عاشقة .. و الله يسهل الأختبارات على عيالنا أن شاء الله و الله البرد شد حيله و يعتمد على المنطقة البعض بردهم خفيف و الأخرين و الله شاد حيله بقوة |
جمعة مباركة البرد فجأة نزل علينا أهل جدة اللي راح يفصل ثياب صوف و اللي يشتري انقليزي داخلي المشكلة عندنا ان مكيفات العمل ما تطفي شغالة على طول لذا ممكن برا 22 درجة بس بالداخل 18 برد جدة حلو عشان تطلع الملابس المركونة برد فشخرة ولا ما هنا برد حقيقي بردنا و حرين فيه :32: |
| الساعة الآن 04:25 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO