|
ما شاء الله الاماكن والأجواء روعة متابعين يا بطل سؤال لو اقتصرت الرحلة على الفيليبين فقط. كم كان التكلفة الاجمالية للرحلة (سكن وتنقلات وانشطة ترفيهية) بدون الطيران مع عدد الأيام ؟ |
فكرة الدباب .. والتجول فيه ممتازة .. استكشافات أكثر .. توقف متى ما أردت .. تجربة مختلفة .. المشكلة عند ركوب القارب للجزيرة .. هل تكون الدبابات بمأمن من السرقة ؟؟ مصارعة الديكه .. هوس غير طبيعي لديهم .. لا أعلم هل هو استمتاع أم مسألة مراهنات .. بانتظار ملاحظاتك وتوصياتك .. ومتشووووووق كثيراً لتجربتك الكورية مع بقية المحطات .. يبدو بأنها تجارب جديدة ؟؟ |
اقتباس:
اقتباس:
اقتباس:
فعلا، فكرة انك تاخذ دباب بالجزر الصغيرة تفك ازمة كبيرة من ناحية التنقل، والشي الزين انه مافيه سيارات كبار كثيرة ممكن تزعجك بالطريق وامان بصراحة يعني نحط الخوذة ولاتنسرق. الديكة اتوقع الثنتين هو عندهم وتشجيع ومراهنات عالم اخر.. جميع الدول المذكورة تجربة اولى باستثناء الفلبين. وان شاء الله راح اكون موجود بالنقل |
اليوم الاخير هو الوداع والذهاب الى المطار للتوجه الى الوجه الجديدة وهي كوريا الجنوبية وسوف اطرح تجربة كوريا ان شاء الله في البوابة المخصصة لها . خط السير كان كورون-مانيلا والاقلاع الساعة ٨:١٥ صباحا على طيران السيبو باسفيك طبعا فيه اربع رحلات لنفس شركة الطيران فاخدنا الرحلة الابكر تجنبا لاي تاخير او ماشابه. حجزنا فان من الفندق الى المطار والشخص كان ب ٣٠٠ بيسو، حركنا الساعة ٦ صباحا ويبعد المطار عن المدينة من ٣٠-٤٠ دقيقة. وماشاء الله الاجواء كانت ممطرة. وصلنا المطار وكان صغير جدا قصينا البوردنق والامور طيبة. طبعا فيه كم شركة وكم وجهة لمدن اخرى بنفس الوقت، جاء الاعلان الاول لاحد الخطوط بالغاء رحلاته، وخطوط ثانية الغو رحلاتهم :21:. جاء اعلانا بتاخير الرحلة، قلنا زين الحمد الله تاخير ولا الغى طبعا كل ذا عشان سوء الاحوال الجوية. ننتظر شوي الا الغو الرحلة، ياجماعة مايصير عندنا رحلة دولية ثانية وحجزين وقاضين نبي نطلع. قالو نعوضكم بكرة على نفس الوقت ونعطيكم بوردينق جديد. رحلة ٨ و١١ الغيت. وبقى رحلتين على الساعة ١:٣٠ ٢:٥٥ سجلونا انتظار ومعنا سياح اجانب نفس وضعنا. عموما بعد مانشبنا لهم ووجيهنا عندهم في الكونتر ماتحركنا على امل نطلع ١:٣٠ جاء الفرج بوصول الطائرة، ثم بدو ينادون باسماء الانتظار، وين اسامينا؟ Sir, sorry the flight is fully booked! وجاء الفرج على اخر لاحظة:31: وطلعنا على رحلة ١:٣٠ الظهر وطلعت الطائرة ماتشيل الا ٦٠ راكب بس حقت المراوح. عموما وصلنا بالسلامة وجاك فيلم ننقل من ترمنال الى اخر عشان نلحق على الرحلة الدولية وباقي ١ ساعة بالظبط ( من الاخر معاناة) لكن تيسرت. يعني زبدة الكلام دائم خل وقت بين رحلاتك لاسيما اذا فيه رحلة دولية تحسب لاي ظرف او مشكلة مثل وضعنا الي صار. يعني انا حجزي الاول كان الساعة ٨:١٥ صباحا والحجز الثاني كان ٥:٥٠ مساء فيه فرق كبير لكن صار الاكشن. كورون للامانة جميلة لكن ماعطيناه حقها بزيادة من ناحية الطلعات البحرية والغوص الخ. والسبب كان بان جميع الرحلات الي خارج كورون ملغية بسبب سواء الاحوال الجوية. وبدون مبالغة طول وقتنا هناك اربع ايام كاملة ماشاء الله امطار باستثناء يوم واحد فقط. يعني بتجي وقت امطار احتمال كبير ماراح تستمتع اذا نيتك غوص وزيارة جزر قريبة الخ. ملاحظات:
|
كل عام وانت بخير وعيدك مبارك الرحله للجزيره الاخيره حليوه التأخير الله يعينكم وقتها على اعصابكم والحمدلله تيسرت لكم بانتظار الاماكن السياحيه للفلبين وانتظار تقرير كوريا شكراا لك كفيت ووفيت |
عيدك مبارك وحسافه الجو خرب عليكم الزيارات اعتقد انسب وقت للفلبين من نوفمبر الى ابريل بس موقفكم مع الطيران و الالغاء صج بخربط الجدول عليكم الله يعطيك العافيه على هالتقرير و بنتابع معاك ان شاءالله كوريا |
اقتباس:
العفو وهذا واجبنا اقتباس:
|
كل عام وأنت بخير حبيبنا ... فعلاً معاناة ... تأخير الرحلات المرتبطة برحلات دولية .. الوضع محرج الحمد لله تيسرت وهذا الأهم ... ملاحظاتك ونصائحك ... مهمة لإنها تجارب خبير بالبلد ... ربي يوفقك ... |
ما شاء الله تبارك الله الفلبين كانت في الخطه زيارتها و لكن التصويت ذهب للشمال التركي و لكن ان شاء الله تسنح لنا الفرصه لزيارتها |
| الساعة الآن 02:27 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO