شبكة و منتديات العرب المسافرون

السلام عليكم و رحمة الله وبركاته

من بعد اخر بوست حطيته برجع لكم بجم بوست و صور من الجو الشتوي

طبعا لا جديد عالساحه الأسابيع اللي طافت الا زيارة المستشفى الدورية كل اسبوع مره للمتابعه و الحمدلله الأمور سليمه و كل شي تمام بفضل الله ..

وبعد الحمدلله رخصنا الدكتور عشان نرجع ارض الوطن الكويت الحبيبه مشتاقين [emoji3590][emoji3590]

من بعد ما قالنا متى نقدر نرجع بدت الترتيبات والحجوزات

تم حجز الطيران الداخلي على نيويورك بتاريخ 12/9 على طيران دلتا بسعر تقريبا 150 دولار للشخص ..

وتم حجز فنادق نيويورك ليلتين

وجدولة تاريخ رحلة الطيران الدولي على الكويتية من نيويورك الى الكويت بتاريخ 12/12 اذا الله أراد ..

وانا أتمشى في الأيام الخوالي بالسياره مع الصوت الجريح و اشوف مجمع عالبحيرة .. استغربت اول شي مو عارفه شنو بالضبط و اسأل السكيورتي ولا يقولي مجمع سكني ..
انا طلعت عيني مجمع سكني في هالموقع ويني عنه من 4 شهور [emoji102]
والله ادخل ولا المجمع الحلو و شرح و أمان وموقع ممتاز و مكونات ممتازه من نادي و حمام سباحه و نوعية الشقق..

ضاق خلقي ان ماعرفته الا توني والله

هذا موقعه الالكتروني

https://www.theshorelineapts.com

سألت اخوي عنه وقالي اعرفه بس مأخذيت فيه لان شقق غير مفروشه وعقد اقل شي 6 شهور ..
قلت الأثاث مقدور عليه لي ما خذيتوا فيها قال انا وخالي ما كان في بالنا بنطول قلنا شهر شهرين و احنا اللي ماشين قلت ماشاءالله على كيفكم دكاترة انتوا يالله هذا انتوا قعدتوا 6 شهور مو شهرين ..
هذا اللي صار و الحمدلله خلصنا الحين ..
بس والله تحسفت عليها صح مو مفروشه بس امر الفرش حيل سهل عندهم و رخيص ..

فأنصح اللي بيي كليفلاند وقت طويل يسكن فيه

https://uploads.tapatalk-cdn.com/201...9551fc338f.jpg

ما صورت داخل بصراحه لأني قعدت مع الكويتية اللي تعرفت عليها طلعت ساكنه فيه وتمدحه ..

والمراجعات الروتينية على ماتخلص الأيام
صور من الأسابيع اللي طافت

https://uploads.tapatalk-cdn.com/201...26583a35b1.jpg

https://uploads.tapatalk-cdn.com/201...cd043f3eaf.jpg

هالصور من سطح المستشفى في قعده خارجية وداخلية

https://uploads.tapatalk-cdn.com/201...09cc9c1dea.jpg

https://uploads.tapatalk-cdn.com/201...0b4942210d.jpg

https://uploads.tapatalk-cdn.com/201...720f29deae.jpg

https://uploads.tapatalk-cdn.com/201...e687d7db78.jpg

https://uploads.tapatalk-cdn.com/201...d3a73a9869.jpg

https://uploads.tapatalk-cdn.com/201...529e1a82d8.jpg

وتغير الجو
هذي الصوره من نادي مجمعنا السكني من جم يوم

https://uploads.tapatalk-cdn.com/201...a7d4c1a761.jpg

وهذي من الشقه والجو -10 او -7

https://uploads.tapatalk-cdn.com/201...bb255425b0.jpg

برجع لكم ان شاءالله قبل سفرتنا و اباشركم من نيويورك

Sent from my iPhone using Tapatalk