هنيئا لك دام بو معتز تدخل في السالفة

أقول يا بومعتز ماترتبنا بتوصية سهم ولا شي :32: نطلع فلوس السفرة


إذا موب حاب تتنقل كثير أنا أقول كنسل لاس فيقاس وخلها حق سفرة ثانية

أما إذا ماعندك مشكلة في التنقل خل عندك رحلة طيران وحدة من سان فرانسيسكو إلى لاس فيقاس

لأن من متابعتي والبحث المكثف للتقارير ان سان فرانسيسكو ولاس فيقاس ماتحتاج سيارة

فممكن تسوي التالي

توصل لوس أنجلوس بعدين تطلع سان فرانسيسكو وتسلم السيارة هناك تالي تاخذ طيران إلى لاس فيقاس
(تقريبا التذكرة ذهاب للشخص 300 ريال مع شنطة او شنطتين على الساوث ويست)

تجلس في فيقاس بعدين تاخذ سيارة وتنزل ساندييغو ومن ساندييغو إلى لوس أنجلوس

أو تقدر تخليها لوس أنجلوس بعدين تطلع سان دييغو ومن ساندييغو بالسيارة إلى فيقاس وتسلم السيارة هناك وتالي تاخذ طيران إلى سان فرانسيسكو وبعدين سيارة إلى لوس انجلوس

بس لازم تشيك الطيران شالأنسب لك من وقت ومبلغ وراحة في الخطة الأولى والثانية

أو الخيار الثالث انك تستغني عن فيقاس مثلا وتكون تنقلاتك كلها بسيارة وتعطي كل مدينة وقت أكثر

من رايي الشخصي تكون مدة الإقامة في أي مدينة أقل شي 3 ليالي عشان ترتاح وتعطيها حقها والخيار راجع لك عزيزي

الله يعطيك الصحة أخوي ابو معتز ..بالنسبة للطريق من سان دييغو إلى سان فرانسيسكو هل اقدر امر فيه على مدن صغيرة ولا اروح مباشرة.. وفي الرجعة من سان فرانسيسكو الى لوس أنجلوس اوقف في كذا مكان..

مشكور أخوي ابو فيصل على الاقتراحات .. الي محمسني على سان فرانسيسكو بالسيارة ان كثير يمدحون الطريق والمناظر الجميلة .. تعرف المطار الى ماتوصل وتقلع وتطلع من المطار وتستاجر بعدها يعني اتوقع من ٥ الى ٦ ساعات فقلت اخذ سيارة واريح راسي واستفيد من زيارة مدن على الطريق.

مبدئيا فكرة حذف لاس فيغاس اشوفها أفضل .. لكن السؤال وانتم أهل الخبرة .. كم الحد الأدنى للاقامة في لوس انجلوس.. يعني اني اقدر استمتع بأغلب معالمها..

هلا أخوي ابو معتز

إذا مبدئيا مثل ما تفضلت الوصول يوم 27 أكتوبر والسكن في منطقة أنهايم أو أيرفان لمدة 3 أيام ونزور خلالها ديزني لاند.. يوم 30 أكتوبر الذهاب إلى سان دييغو والخروج منها يوم 1 نوفمبر والتوجه إلى سان فرانسيسكو .. بس في الطريق ودي أزور سانتا باربرا ومدينة ثانية (لو تتكرم ترشحها لي ) وابقضي ليله في وحدة منهم..
وبعدها يوم 2 نوفمبر أكون في سان فرانسيسكو.
مدري كذا تخطيطي مناسب وسهل..

بالنسبة لسان فرانسيسكو وش النصيحة 3 أيام ولا 4 أو أكثر؟

في الطريق من سان دييغو إلى سان فرانسيسكو .. ممكن تتوقف في سانتا باربارا و هي تبعد بالسيارة على طريق الساحل 101 حوالي 3 ساعات و نص ... أقضة فيها يومك اللى هو 1 نوفمبر و في اليوم الثالي
غادرها إلى سان فرانسيسكو و بيأخذ منك الطريق حوالي 6 ساعات و نص تقريباً

المسار من سان دييغو إلى سانتا باربارا

المسار من سانتا باربار إلى سان فرانسيسكو ..

وجهة نظري 3 أيام كافية على سان فرانسيسكو ... إذا ترتب جدولك بشكل صحيح بالنسبة للزيارات
و اللى لازم ترتب لها من بدري مثل زيارة سجن الكاتراز اللى في الجزيرة

إذا يكون الترتيب كذا:
27 - 30 أكتوبر (أنهايم أو أيرفان)
30 أكتوبر - 1 نوفمبر (سان دييغو)
من 1 - 2 نوفمبر (سانتا باربارا) + المرور على مدينة أخرى على الطريق
2 - 5 نوفمبر (سان فرانسيسكو)
5 - 14 نوفمبر (لوس أنجلوس)
15 نوفمبر .. العودة للسعودية

بعدها اخوي ابكلف عليك في بعض المقترحات.. مثل السكن في سان دييغو وسان فرانسيسكو أي منطقة تنصح من ناحية قرب الأماكن السياحية ومن ناحية أخرى تكون تكفلة السكن معقولة.
الشي الثاني بالنسبة لاستئجار السيارة وش تنصح بأي شركة؟ وفيه موضوع أسمع الكثير يتكلمون عنه هو التأمين الشامل كيف أقدر اعرف أنه على السيارة تأمين شامل. وهل معنى شامل ما يلحقني أي شي لو قدر الله صار شي للسيارة؟.
الشي الثالث بالنسبة لأخر الأيام الي تقريبا عددها 9 في لوس أنجلوس هل فيه له ترتيب خاص أو مجرد زيارات لأماكن سياحية في المدينة فقط.. وبالنسبة لسانتا مونيكا هل تصلح للسكن أو هي غالية ؟