|
اقتباس:
ههههههههه اني هسة مستعد اتم الاستعداد ادخل قوات خاصة ضفادع اي شي ههههههه رحلة خورافية وربي اجواء ماتتكرر وتضل بالذاكرة أرسلت بواسطة iPhone بإستخدام Tapatalk |
اقتباس:
احلى شي الاحساس بلانجاز والشعور بالفخر ، لو ما لاقين الشياب كان مشينا الى بحيرة go kyo تبعد ثلاث ساعات من مكان الشياب ، لكن الطريق صعب لانه صخور متراكمة فوق بعض الدنيا كانت ليل فلو ملاقين الشياب كان واجهنا صعوبة اخرى ، انا كنت مستعد لاي شي وكنت حاسب حساب لكل شي أرسلت بواسطة iPhone بإستخدام Tapatalk |
هذا بالفعل اصعب يوم خاصة ان الجو بارد والملابس مبلولة المفروض يكون معكم اكل و ماء على طول ولا بحالة مثل هذي كيف تتصرفون اشوف هذا خطا كبير من المرشد كان ممكن يكلفكم كثير صعب النوم والجسم بارد ومبلل لكن الله ستر ونمت ذاك اليوم هل لقيتوا اكل عندهم ؟ اكيد الاكل اللي عندهم ما يسد الجوع مغامرة خطيرة راح تبقى محفورة بالذاكرة ما تحس بحلاوتها الا بعد ما تنتهي |
اقتباس:
هلا هلا بالغالي اخر فرصة هو كانت فيه نسبة خطأ لكن اعتقد لو كان الشخص قوي وعنده قوة تحمل يقد يوصل ، هذيك الليلة كانت كارثية صراحة يعني فوق تعبي نايم على الفراش لمدة ثلاثة او اريعة ساعة وانا صاحي مقدر انام ، ايه لما وصلنا لقينا عندهم اكل وتعشينا لكن التعب كان شديد ، وماسد الجوع ، لكن رغم كل شيئ النوم والراحة تبقى هي الاهم حتى او الاكل مايشبع المغامرة كانت خورافية وعلى قولتك ماتحلى الا بعد العودة ،، أرسلت بواسطة iPhone بإستخدام Tapatalk |
والله صعبه المغامرة كسروا خاطري اليابانيين اللي ماتوا احس رحلتك متعبه الله يعينك المهم انك مستمتع فيها |
ماشاءالله عليك مازلت مصر على العناد الحمدلله عدى اليوم على خير الغريبة ليش البيوت مسكره المفروض عندهم خبر انكم راح تمرون عليهم وانا اشوف الصور مت من البرد الله يعينكم |
ما شاء الله تجـربة حلوة لكن يبغالها قـوة قلب ولياقـة أكثر ما يريحك بالمغامرة العودة بالهلوكبتر ما تشيل ابداً هم العـودة المرافق كان يتكلم إنجليزي والإ يمشي وضعك معهـ حتى بدون لـغـة ؟ كم كان تكلفـة رحلة مغامرة الصعود وهل لها مستويات محددة ؟ وهل لها موسم الرحلة وإلا مفتوح طول السنة ؟ بنظرك تشوف إن لازم الواحد يجرب الصعود قبل خوض تجربة ذي والإ عادي ممكن تكون تجربة الأولى ؟ هل لو كان معك لباس حامي ضد الأمطار تلبسه كان من ممكن تجنب بلل الملابس وإلا لا مفر منه ؟ وبإنتظار تقرير السلـطنـة تحياتي لك اخي |
اقتباس:
ايه والله كانت فيها صعوبة اليابانيين كان المفروض يدخلون بدليل سياحي ، ايضا كان لازم يعرفوا سالفة التاقلم واعراض المرتفعات حتى يتجنبوا الي صار معاهم بسهولة ، رحلة كانت متعبة جداً لكني اعشق هذا النوع من الرحلات الي فيه تحدي أرسلت بواسطة iPhone بإستخدام Tapatalk |
اقتباس:
هههههههههه انا من النوع الي اعاند كثيرهههههه صفة العناد لها اسجيابيات وسلبيات ههههه الحمد لله عدى على خير وارتحنا البيوت مسكرة لان الموسم ماهو موسم سياحي ، ايام الموسم السياحي كلهم فاتحين ، ايه والله الجو كان بارد جدا جدا بلاخص اني كنت جوعان ومافيه ماء ، وبنفس الوقت طول الطريق الله يعين جميع المسلمين ونورتي التقرير بمرورج أرسلت بواسطة iPhone بإستخدام Tapatalk |
اقتباس:
هلا بالحبيب هلا بالغالي نورت صحيح على قولتك ان اكثر شي يريح بالمغامرة العردة بالهلكوبتر ، لكن بشرط يكون معك تامين من شركة قوية جداً ، انا صراحة مكان معاي تامين هههههههه تكلفة الصعود كانت الف واربعمئة دولار ، نعم توجد عدة رحلات توجد رحلات فقط الى البيس كامب وتوجد رحلات الى اماكن ثانية رحلتي انا اسمها (ثري باس ) تشمل ( بيس كامب ، بحيرة قوكيو ، جولا باس ) اما البيس كامب لحاله تقريبة الف ومئتين دولار عدا تذاكر الطيران من والى نيبال لكن السعو يشمل الفندق في العاصمة و الاستقبال والتوديع من والى المطار ورحلة يوم كامل داخل كاتماندو ، ورحلات طيران داخلية من والى الهملايا ، ودبيل معاك داخل الهملايا ، وقست هاوس مع ثلاث وجبات يوميا ، المرافق كان يتكلم انجليزي بطلاقة وجميع اهل النيبال الي قابلتهم كانوا يتكلمون انجليزي تقدر تروح بدون ماتجرب لكن يمكن راح تنصدم ، نصيحتي انك تطلع رحلة تركينغ لمدة اربع او خمس ايام مع تخييم وامورك طيبة لما تروح هناك ، الشيئ الاهم والشيئ المفصلي انك لازم تتمرن تمارين كارديو مكثف يعني ساعتين باليوم قبل ماتروح للرحلة عشان تستمع بالرحلة الموسم يكون من اكتوبر الى نهاية مارس ، ايه نعم لازم يكون معك غطاء يحميك من الماء اخذه معك عشان تتجنب الماء على شنطتك ، اعتقد رجولك راح تتبلل بلماء لكنك راح تخفف كمية الماء الى اضعاف مضاعفة اليوم ان شاء الله احاول انهي رحلة نيبال وبعدها ان شاء الله ابلش بسلطنة عمان أرسلت بواسطة iPhone بإستخدام Tapatalk |
| الساعة الآن 10:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO