شبكة و منتديات العرب المسافرون - الشمال التركي أول مره .. اسطنبول كلاكيت ثاني مره

بسم الله الرحمن الرحيم

الخميس
26 / 7 / 2018

اليوم ..

سوف تشاهدون مجمع سكني اخر في اسطنبول

حيث أننا ذهبنا أيضاً لزيارة أحد الأقارب الذي يسكن في هذا المجمع

فطرنا في مطعم الفندق .. وكان الفطور متنوع .. وجيد

وحيث أن موعدنا مع قريبنا الساعه الخامسه عصراً

فوجدناها فرصه لزيارة أحد مولات اسطنبول الذي يقع في الطريق الى المجمع السكني

إنه ( مول اوف اسطنبول )

مول كبير ورائع

يضم العديد من الماركات .. المطاعم .. سينما .. منطقه ألعاب

ويحيط بالمول عمائر سكنيه ومكتبيه وفندق

صور للمول الراقي

https://www.arabtrvl.com/vb/picture....ictureid=67834

https://www.arabtrvl.com/vb/picture....ictureid=67836

صور من داخل المول

https://www.arabtrvl.com/vb/picture....ictureid=67840

https://www.arabtrvl.com/vb/picture....ictureid=67839

https://www.arabtrvl.com/vb/picture....ictureid=67837

https://www.arabtrvl.com/vb/picture....ictureid=67838

المول متنوع .. والتسوق فيه جيد .. يعيبه غلاء أسعاره بعض الشئ .. بسبب رقي الماركات اللي فيه وحسن وجودة البضاعه

بعد التسوق ..

أنا والمدام ريحنا في أحد الكافيهات .. والبنات ذهبوا لمشاهدة أحد الأفلام الأمريكيه

ثم ذهبنا بتاكسي إلى المجمع السكني القريب من المول .. وايضاً قريبب من مطار أتاتورك

المجمع اسمه ( مدينة البسفور )

مجمع جميل جداًً .. يشقه نهر صناعي

صوره للمجمع

https://www.arabtrvl.com/vb/picture....ictureid=67841

التاكسي حب يتفلسلف !!! ويخدمنا !!

قال / الطريق الان زحمه !! لأنه وقت الذروه !!

فأخذذ طرييق جانبي .. ومن شارع لشارع !!

دوخ رووسنا !!!

الين وصلنا ولله الحمد

التاكسي درعم من راسه ودخل المجمع !! وصار يفرفر فيه !!! وكأنه يعرف العماره !! :11:

وبعديين وقف !! وصرنا نسأل عن موقع العماره اللي رقمها ( 35 )

دلونا على مكانها ... اللي كانت عكس طريق التاكسي !!! عصب راعي التاكسي !!

طيب وأنا وش دخلني !!!! أنت ياخويا اللي درعمت من راسك !! :11:

صرنا نمشي .. العماره 30 !! 32 !! 34 !! 36 !!

عصب السواق مره ثانيه !! وقام يبرطم !! ويييين العماره 35 !!

يابويا أنا وش دخلني !! هو أنا أعرف !!! :32:

دق الريوس .. ورجع للخلف

وبرضوا .. 32 !! 34 !!! 36 !!

عصب للمره الثالثه !! وييييين 35 !!

ياحبيبي .. ياسيدي .. ياعزيزي .. أنا وش دراني !! :32:

وبعدين أنت ليه زعلان !!!

العداد شغال .. وبتأخذ حقك :11:

قفلت مع راعي التاكسي !! وأصر على نزولنا !!

ياهوووو !!! طيب 35 !! وين ننزل هنا !! ومعانا أكياس !! واغراض !!

قال عطوني حسابي !! أنا مالي شغل

الله يجيبك ياطولة البال بس مع هذولي الأتراك !! حاريييين على طووووول

كلمنا قريبنا .. وعطانا وصف مكان الشقه .. وطلعت في الشارع الخلفي

كل شارع فيه عمائر مرقمه مزدوج .. وشارع مرقمه فردي

الشقه برحه وجميله .. وبلكونتها لها اطلاله رائعه على المجمع

صور أخرى للمجمع

https://www.arabtrvl.com/vb/picture....ictureid=67832

الفلل اللي أمام النهر مباشرة قيمتها حول الثلاثه مليون ريال سعودي

https://www.arabtrvl.com/vb/picture....ictureid=67831

والشقق بالعمائر قيمتها حول المليون ريال !!

https://www.arabtrvl.com/vb/picture....ictureid=67835

جلسات جميله أمام النهر .. ومطاعم وكافيهات وسورماركت

https://www.arabtrvl.com/vb/picture....ictureid=67833

تقهوينا .. واستانسنا مع قريبنا

وبعدين رجعنا إلى حي سيركجي للعشاء

الحي مليااااان مطاعم

أخترنا مطعم ( مادو ) المشهور

https://www.arabtrvl.com/vb/picture....ictureid=67842

وجلسنا على طاولة مقابله للنافذه .. تطل على الشارع

طلبنا كرسي زياده

عصب وزعل الجرسون !!!!

ايش اليوم ذا اللي كله نفسياااااااات !!! :4:

قال اجلسوا في طاوله ثانيه أكبر !! في نص المطعم !!

ليييييه يالحبيب !!! احنا نبغى عند النافذه

حاول معانا !! واصريت على طاولتي .. وأصريت على الكرسي الاضافي

برطم وزعل وعصب !! وجابوا من غير نفس !!!

أعوذ بالله ياخي وش ذا الأتراك :11:

اللي مصبرنا أن بلدكم جميله .. ولا معاملتكم شينننننه

طلبنا طواجن وخلافه

وللأسف الأكل طلع مش ولابد !!! راحت فيها سمعة مادو !!!

بعد الأكل تمشينا في الحي الجميل .. ومشاهدة البشر اللي رايح واللي جاي

يتبع ..