|
الإستغفال للأسف شي مخزي موقف يقهررررررر |
اقتباس:
اي والله - لكن هذا شيء من سلبيات السفر السفر حبيت اذكرها عشان الناس تستفيد شاكره مرورك |
اتوقع الجوع خلاك تشوفين الكثير قليل ههههه عشان كذا ينصحون بعدم الذهاب الى السوبرماركت و انت جيعان بس تصرف حلو انكم اخذتوه تيك اوي وتصدقتوا فيه و اتوقع ما هو استلطاخ بقدر ما هو دلاخة من الجرسون فيه مطاعم صينية تسوي اكل عربي واللي يشتغلوا فيها صينيين مسلمين مرت عليكم ؟؟؟ |
لا و الله مو من الجوع شفناه كثير :) و الفاتوره تشهد - كان سعر غداء خمس ايام من مطعم حضرموت الرائع بالنسبه للمطاعم الصينية الخلال الطباخين من مقاطعة شنجان و الاطباق لذيذه - التميس و المنتو عندهم راااااااائع , شيء مختلف عن اللي عندنا يعني اللي عندنا عن جد صيني :) و سبق كتبت موضوع عن مطعم شنجاني بصفه عامه اللي يحب السي فود بينبسط في مطاعم الصين و للحديث باذن الله بقية . |
للأسف محد يستغفل السياح العرب وينصب عليهم الا العرب دايما جذيه بكل دول العالم الله يهديهم ويصلحهم والحمدلله تصدقتي فيه اخذتي ثواب التصدق وثواب الصبر على هالعامل مستمتعين معاج ونبي صور |
اقتباس:
اتفق معاك 100% غير كذا احياناً للاسف العرب يصعبون عليك المسائل و يحسسونك انك ضايع وفي ورطة الله يصلحهم .. ذكرتيني موقف مر علينا من واحد عربي في سوق الشنط كان يبيع شنط و السعر علينا يالعرب اغلى من السعر على زباين من استراليا طيب ليش ؟؟؟ اللي قهرني انها كانت تفاصله في السعر و نزل لها مبلغ محترم , و انا رفض ينزل لي نفسها .. باذن الله نزودكم بالصور اسعدني مرورك :) . |
ياحليل عزيز يدور حمضيات باقي فصفص باجة وتكمل :14: ابداً ماهي ببالي الصين ماادري اخسها للتسوق فقط غير كذا احس اني بموت من الجوع لان حاسة الشم عندي قوية موقف المطعم يلهد صراحة اكره احساس الاستغفال يقتلني مستمتعين معاك يمكن نغير راينا |
اقتباس:
ايوه ... بالضبط احساس الاستغفال من جد قاتل غير انه فعلاً سبب لنا خساره جامده كل مره نروح الصين نكتشف منطقة جديدة مختلفه تماماً الوان الاشجار يختلف طريقة المباني تختلف غير انه وجود ديزني لاند بصراحه عامل جذب قوي للعائلات اما التسوق : متعة التسوق الحقيقة في الصين تلاقين كل الاسعار - كل السلع اللي احياناً مش ممكن نشوفها الا من خلف الشاشات البكجينق عندهم عجيب خدمات التسويق و التوصيل ذكية و احترافية مره قابلنا بنات في الجامعة بنتين لبسهم انيق , و واضح انهم متعلمات و عرضو علينا يكونون مرافق تسوق شخصي طوال مدة رحلتنا نقولهم بس وش نبي , و هم يودونا للمكان اللي يبيع هذي السلعه هم استفادوا : طلع لهم مبلغ - و تمشية - و وجبه و قهوه و حلا و انا استفدت : بنات يفهمون الشغلات اللي نبيها - عندهم شغف للموضه و الجديد ودوني عناوين اول مره اعرفها - و يتكلمون و يفاصلون و يشيلون الاغراض كثير انبسطت معهم اسعدني مرورك عزيزتي و اي استفسار عن الصين لاااااااااتترددين و ثقي انها تجربه تستحق الزياره . |
حلوة فكرة المرافقات يسهلون عليكم كثير ان شاءالله بتكون الصين ضمن خططي بعيدة المدى استفسار مقاسات اهل الخليج في الملابس نحصلها بسهولة بالصين تسلمين ام عزيز مانستغنى عنك اكيد خبيرة ماشاءالله |
ولو ... بالخدمة عزيزتي و نتشرف نعم ، مقاساتنا نلاقيها بسهوله جداً اذا نويتي ، باذن الله أرسل لك قائمة بالأسواق اللي تصلح لنا سعيده بمرورك :7::e030: |
| الساعة الآن 12:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO