شبكة و منتديات العرب المسافرون - لمحات من رحلتي الصيفية الماضية 2018

- بوابة امريكا (https://www.arabtrvl.com/vb/f168.html)

- - لمحات من رحلتي الصيفية الماضية 2018 (https://www.arabtrvl.com/vb/t39521.html)

اقتباس:

المشاركة الأصلية كتبت بواسطة بن قوت (المشاركة 456048)

الحمد لله على عودتك اخت قطر كول
ومبروك عليك التقاعد المبكر
وحلو الافتتاحية بجولة سياحية لعشقي الاول امريكا
رحلةجميله وشجيه
انتقاء ولا اروع
احترامي لك:e306:

الله يسلمك ويبارك فيك أخي الكريم..
والله أمريكا معشوقة الجماهير ..:e327:
إن شاء الله تستمتع معانا في تكملة باقي التقرير ..
تسعدني متابعتك :e303:

الله يابو غسان ذكريات شيكاغو بولز ومايكل جوردان
تذكر الفيلم اللي سواه مع بغز بني
وناسه هههه

اي والله قطريه انا سامعه شيكاغو بارده بس انتي عقدتيني يوم قلتي حر بس الحين اوضحت الرؤيه وصاجه هالسنه كل اوربا حاره وايد بالصيف
بس اعتقد الشمال الاوربي يناسبنا

متابعين لا تطولين خيتوو

أهم شي النظرات اللي خرعتهم :14:
انا مااحب التمثيل مع الجمهور احس انهم سخيفين

ليش ماذبحتني الصينيين وافتكيتي منهم عشان يفضى المكان :14:

اقتباس:

المشاركة الأصلية كتبت بواسطة الايمان (المشاركة 456211)

أهم شي النظرات اللي خرعتهم :14:

:29:

انا مااحب التمثيل مع الجمهور احس انهم سخيفين

وأنا بعد ..كلش ماله داعي ..إحنا جايين نشوف ابداعكم مب جايننكم تكتشفون موهبتنا في التمثيل والعرض :59:

ليش ماذبحتني الصينيين وافتكيتي منهم عشان يفضى المكان :14:

آآآآآآآآآخ لو بيدي ..كان ذبحتهم وافتكيت منهم ..هاللي مناشبينا بكل مكان :16:..بأماكن سياحية ..بأوت لت..بمصنع..ببوتيك يصفون طابور ويدخلون مايطلعون مايخلون شي ما يشوفونه ويسألون عنه..بكوفي شوب ..بكل مكان ...أعوذ بالله هذيلا صج قوم يأجوج ومأجوج

اقتباس:

المشاركة الأصلية كتبت بواسطة ام عزيـــز (المشاركة 455971)

ما شاء الله

أولاً : حياك الله غاليتي قطرية كول
و الحمدلله رجعنا نجتمع مره ثانيه في القلب الكبير العرب المسافرون ..

ثانياً : مبروك عليك التقاعد .. و ان شاء الله تستثمرين ايامك فيما يرضي الله
و ياليت عندنا النظام مثل الكويت 15 سنه ، لكن للأسف نفس نظامكم بالضبط
- على فكره قاعده ارد عليك من الدوام :) -

ثالثاً : شو هالجمال .. ما شاء الله عليك ابداع
مثل هالتقارير ثروه : دروس للسفر - تعلم أسس و أصول الاستعداد لـ السفر
تختصر الوقت و المجهود بالتوصيات الرائعة

فعلاً بعض الأماكن السياحيه و المطاعم ما تناسب ذوقنا
حسافه الواحد يضيع وقته و فلوسه فيها
يعطيك العافيه على رأيك الموضوعي .. و ان شاء الله تسافرين هالسنه و انتي بصحه أفضل
و تسوين لنا احلى تقرير

متابعين معاك بقية اجزاء رحلتك المميزة

تحياتي

ام عزيز طلعتي مثلنا صامده بالدوام
وتتابعين المنتدى من الدوام :24:

اقتباس:

المشاركة الأصلية كتبت بواسطة رنا جاسم (المشاركة 456401)

تقرير جميل

الله يجمل أيامج:e437:

مستمتعه وانا اقرأ تقرير ممتاز :18:

اقتباس:

المشاركة الأصلية كتبت بواسطة Endless (المشاركة 457583)

مستمتعه وانا اقرأ تقرير ممتاز :18:

حياج الله حبيبتي ..نورتي التقرير :e20c:

اقتباس:

المشاركة الأصلية كتبت بواسطة قطرية كول (المشاركة 455409)

وطبعا طارت عيوني في السوق والمطامر من محل إلى محل ونسيتكم ولا صورت لكم ولا ربع

يا حبكم انتوا الحريم بالسوق:11:

من ضمن جولاتنا في نيويورك كانت زيارة لأعلى ناطحة سحاب فيها واسمها

One World Trade Center

طبعا من تدخل البناية أو البرج يفتشونك تفتيش مطارات ويصورون شنطتك أو محفظتك وجوالك وكل ماتحمله من أغراض شخصية كأنك داخل مطار وما ألومهم عقب اللي شافوه مساكين ما يضمنون أي حد..

المهم فتشونا وكانوا جدا محترمين ومؤدبين كعادة الأمريكان وصعدنا البرج ..وطبعا التذاكر خذتها أون لاين من قبل الرحلة بكم شهر ..

وهذه صورة من المكان لأن الزحمة مو طبيعية من هالصينيين وكاميراتهم :23:

اذكر هذا المبنى. لم يكن مفتتح خلال زيارتي الماضية

أيضا من ضمن جولاتنا في أحد الأيام في نيويورك زرنا تمثال الحرية ..والتذاكر حجزتها من البلاد طبعا قبلها بعدة أشهر لأن الأوقات لزيارة الجزيرة تخلص بسرعة وتنحجز..
فحجزت هالمرة النزول والتجول في الجزيرة اللي فيها التمثال وليس الوصول للتاج اللي على راس التمثال من زين اللياقة عاد:23:

بالفعل. انا حجزت قبل سفري ب ٣ اشهر. الدخول الى التمثال والذهاب الى التاج وهو يسوى اول مرة بس كذهاب الى الاعلى وذهبت على اول عبارة الصباح الساعة ٧:٣٠ او ٨ خخخخ علشان الزحمة

ملاحظتي على الرحلة:

ملاحظات عامة على المحطة الأولى:

نيويورك مدينة كبيرة ومزدحمة وغالية جدا ولكنها ونيسة ووسيعة صدر ومهما زرت أمريكا ماتقدر ماتزورها كل مرة ..وغالبا للسياح الخليجيين تكون هي محطتهم الأولى أو الأخيرة..

نيويورك مدينة التسوق الأولى وبالنسبة للبراندز فتنزل ببوتيكاتها أشياء إكسكلوسيف ماتلقاها بأي ولاية ثانية مثل الشنط والجزم أعزكم الله والعطور والمكياج والمجوهرات..
ونصيحة للنساء إذا اعجبك شي جلد او فرو حيوان خذيه من نيويورك ولاتنتظرين رحلتك للولايات الغربية لأن عندهم قوانين صارمة لحماية الحيوانات وماتلاقين عندهم أي جلود حيوانية..

بالنسبة للسكن فنيويورك غالية كلها ومادامك رايح رايح لا تدور سكن رخيص وتحط الفرق في المواصلات ..ريح نفسك واحسبها صح واسكن التايمز سكوير فهو قلب نيويورك النابض..

كلامك صحيح. هذا غير الزحمة ومضيعة الوقت للوصول

ما زرتوا جسر بروكلين والسينترال بارك والسوهو؟