|
اقتباس:
الله يسلمك افضل وقت للعمرة شهر فبراير من كل سنة عادة الزحمة معقولة و الاجواء رائعة تميل للبرودة اما الفندق فهو رائع بكل تاكيد |
اقتباس:
الله يتقبل من الجميع الفندق يستاهل تقييم عالي وهو انيق بالفعل المنطقة كلها اسواق تحت الفندق وبجانبه مجمع حياة ريجنسي وقريب منه اسواق ابراج البيت |
اقتباس:
هلا ابو فيصل اختيار موفق تاكد انكم راح ترتاحوا كثير في الفندق 1 مدري عن المطاعم اللي تفضلونها جربوا مطعم مادو تحت الفندق رائع جدا ، القهوة و الكنافة المدورة 100% بجانبه فايف قايز للي يحبوا البرقر بس اسعاره شوي غاليه بالمجمع اللي فيه حياة ريجنسي مطاعم كثيرة ومنها البيك والطازج ووووووووو برضه فيه مطعم حراء والمشهور عنده الكبسات السمبوسة والايدامات وهو في برج مكة امام ساحة الحرم كمان لا يفوتكم ايسكريم العاصمة 2 الهدايا من الاسواق اللي حولك مافيه شي الا موجود بس يعتمد على ايش ناوي تشتري 3 سؤال مهم لانك لو ما خرجت بدري راح يقفلوا بالحواجز وما تقدر توصل حتى ساحة الحرم من الزحمة لذا تطلع من الفندق الساعة 11 صباحا وتروح مباشرة لباب الملك فهد امامك وعندك خيار تجلس تحت او بالدور الاول فوق 4 وقت وصولكم مافيه زحمة كثيرة لذا ان حسيتوا بنشاط كملوا على العمرة لكن ان كنتوا متعبين لا تغامرون الافضل تريحوا وتعتمروا الصباح 5 جيبوا معاكم جاكيت لكل واحد والصغار لازم سكارف تغطي الرقبة لان الجو بارد و متقلب اليومين هذي الله ييسر اموركم ولا تنسونا من دعواتكم |
اللهم آمين ويكتب لجميع المسلمين العمره والحج لمن لم يحج ربي يبارك بأعداد المسلمين ويزيدهم الفندق روعه واذا الله كتب لنا عمره هذه السنه ان شاءالله نجربه قبل ما اشوف ايس كريم العاصمه قلت اكيد بيروح له بوغسان بريدك هذا تقبل الله عمرتكم وطاعاتكم شكراا لك |
تقبل الله طاعتكم واخونا بوغسان والله يكتبها لكن مسلم العمرة والحج فندق جميل وبس نفس ماتفضلت ابعد شوي من ابراج الوقف جربت في رمضان 2017 برج انجم وينه منه الفندق ؟ كان بعيد من باب الملك فهد والملك عبدالعزيز الله يرحمهم واقرب مصلى له توسعة الملك عبدالله الله يرحمه ؟ فيخليني افضل فندق فيرمونت والله يعطيك العافية على التقرير الجميل لأشرف بقاع الارض |
اقتباس:
تسلم يا ابو غسان ولدي استفسار افضل مطعم يقدم المشاوي او الكباب البلدي حول المنطقة وافضل وقت للذهاب للحرم لوقت صلاة الفجر قبل اغلاق الحاجز للي يرغب بالصلاة امام الكعبة ؟؟؟ والله يبارك فيك وسوف لان ننساكم من الدعاء بحول الله يا ابو غسان والجميع |
اقتباس:
لازم تجربوا الفندق راح يعجبكم بالتاكيد ايسكريم العاصمة سويت له دعاية مجانية بس يستاهل :):):) |
اقتباس:
الله يتقبل من الجميع صالح اعمالهم هذا الفندق قريب من دار التوحيد ومجاور لحياة ريجنسي و اجنحة هيلتون وكونراد مشي مستقيم الى باب الملك فهد بينما ابراج البيت تفتح على باب الملك عبدالعزيز اما انجم والماريوت وشيراتون وشذا قريبين من التوسعة الجديدة كونراد افضل من فيرمونت في المصاعد اللي كثير يتضايق من زحمتها لكن الفخامة متوفرة في الاثنين الله يسعدك هدوء |
تقبل الله ابا غسان ماشاء الله الفندق ممتاز للغاية :58::58: والأفطار مميز للأخر اما مادو حكايه لوحدهـ |
اقتباس:
ما فيه زحمة بصلاة الفجر و دايم موجود مكان بالداخل لكن ان حبيت تصلي امام الكعبة تروح مع الاذان الاول اما لو جيت متاخر شوي قبل الاقامة يتركون مساحة للطواف ممكن انت تطوف معهم واول ماتقوم الصلاة تروح للصفوف الاولى امام الكعبة مطعم مادو تحت الفندق فيه مشويات تركية وفيه كذا مطعم في ابراج البيت يقدم مشويات لكن اغلبها في الفنادق ايضا مطعم حراء يستاهل التجربة وهو من مطاعم مكة المعروفة وهذي قائمة طعام حراء https://www.traidnt.net/vb/images/im...22146972-2.jpg |
| الساعة الآن 09:54 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO