|
اقتباس:
جزاك الله خير وبارك الله فيك. البيوت اللي سكنوا فيها عائلة أخو زوجي هي من اختيارهم، ولله الحمد، هم بعد اتوفّقوا في اختياراتهم. وهذه ميزة بعد في جنوب افريقيا، تنوّع السكن، واغلب الشقق والبيوت حلوة وعلى مستوى عالي من الترتيب والنظافة، والأسعار ممتازة. بالنسبة لصور الحيتان، فهي من تصوير بنتي بكاميرا وعدسات بروفيشينال، اللهم بارك، لأنها وايد تحب التصوير. طبعا تقدرون تشوفونهم واضحين من الطيارة، بس مع التصوير يطلعون أوضح. |
ابدعت يا ام نوف ما شاء الله عليج، تقرير جدا رائع و فيه كم معلومات جدا مفيدة جدول الword اللي حطيته في اول التقرير عن قائمة اغراض السفر وايد مفيد ، جزاج الله خير منظمة و ما خليت شي الا و غطيتيه ، عيني عليج باردة :25: متابعين للاخير ان شاء الله :e030::e030::e030: |
اختيار موفق للفيلا في بلاتينبرج وهذي ميزة airbnb يعطيك خيار استئجار الفلل الفخمة في القاردن روت لانهم يفضلون التعامل معاه على اي تطبيق اخر بالطبع هذي الاسعار تدبل في فترة الصيف عندهم وغالبا اكثر الفلل الفخمة محجوزة فعاليات جميلة خاصة ركوب الخيل و اسعاره مناسبة جدا يعجبني تنوع الفعاليات عندهم وكثرة الخيارات |
اقتباس:
والله ماالومهم ان شاء الله تضبط اجازاتهم وتروحون بالشتاء Sent from my SM-G965F using Tapatalk |
اقتباس:
يا هلا بأهل دبي دار الحي :18: بارك الله فيج.. اتشرفت بمتابعتج للتقرير. الحمد لله إن الجدول عجبكم،، جزاها الله خير اللي عطتني ها الفكرة من زمااااان، من وقتها وأنا ما استغني عنه،، خاصة مع كثرة المشاغل لازم يكون في شي يساعد الواحد على ترتيب أموره. |
******* الجزء الرابع/ قفز البنجي ** Bungy Jump اليوم هو الثلاثاء 14-8-2018 https://www.arabtrvl.com/up/uploads/...5100736291.jpg كان موعدنا اليوم مع مغامرة شيقة جدا جدا :14: كنت حجزتها قبلها بعدة أيام، على الساعة 12 الظهر قفز البنجي ** Bungy Jump https://www.faceadrenalin.com https://www.arabtrvl.com/up/uploads/...0995727523.jpg https://www.arabtrvl.com/up/uploads/...0995727596.jpg وهي عبارة عن القفز من على أحد الجسور بحبل مربوط في القدمين، ويعتبر هذا أعلى بنجي من جسر في العالم، ارتفاعه 216 متر (حسب موسوعة جينيس للأرقام القياسية). https://www.arabtrvl.com/up/uploads/...0995727544.jpg ويبعد المكان نصف ساعة عن الفيلا (بإتجاه تسيتسيكاما). مررنا خلالها على بوابة التعرفة المرورية ودفعنا رسوم العبور 50 راند لكل سيارة. https://www.arabtrvl.com/up/uploads/...0995727481.jpg https://www.arabtrvl.com/up/uploads/...5099572752.jpg اللي بيقفزون كانوا بنتي واخوانها الاثنين، لأنه للأعمار اللي فوق 14 سنة، أما باقي الشباب والكبار فما عندهم روح المغامرة :17: حتى عيالي كانوا مترددين، لكن أنا شجعتهم لأنها فرصة ما تتكرر دايما، وأعرف إنهم يحبون المغامرات، بعكسي تماما، ومكان البنجي مفتوح من 25 سنة وما عندهم أي حوادث، بفضل الله ثم بفضل اهتمامهم بسلامة الناس وبسلامة المعدات وصيانتها بشكل دوري. https://www.arabtrvl.com/up/uploads/...0995727565.jpg https://www.arabtrvl.com/up/uploads/...0995727617.jpg https://www.arabtrvl.com/up/uploads/...0995727658.jpg https://www.arabtrvl.com/up/uploads/...5099572779.jpg وللعلم، بنتي كانت قفزت في 2013 ، أما الأولاد فكانوا وقتها أقل من 14 سنة. وصلنا هناك الساعة 11:30 حسب طلبهم للتجهيز والاستعداد للقفز، ودفعنا الرسوم 1000 راند لكل شخص، أنا وزوجي قررنا نسير وياهم لمكان القفز علشان نشوفهم ونصوّرهم، فدفعنا رسوم 150 راند لكل شخص، وبعدين أخذوا أوزانهم وكتبوها على إياديهم ولبّسوهم الحزام الخاص اللي بيكونون مربوطين به وقت القفز. https://www.arabtrvl.com/up/uploads/...9957278617.jpg https://www.arabtrvl.com/up/uploads/...9957278516.jpg رحنا مع المرشد لمكان القفز، وكان ويانا أشخاص ثانيين، منهم اللي بيقفز ومنهم مثلنا ساير يشوف بس. مشينا لمسافة 120 متر تقريبا على الممر الحديدي اللي تحت الجسر مباشرة للوصول لمكان القفز ، وها الممر عبارة عن شبك حديد يمكن مشاهدة الأرض من خلاله، بس طبعا أنا ما كان عندي الجرأة إن أطالع تحت، وكنت حاسه إن الممر مب طايع يخلص ، ف بالنسبة لي هذه مغامرة بحد ذاتها :32: https://www.arabtrvl.com/up/uploads/...9957277310.jpg https://www.arabtrvl.com/up/uploads/...9957277511.jpg https://www.arabtrvl.com/up/uploads/...9957277612.jpg https://www.arabtrvl.com/up/uploads/...9957277813.jpg https://www.arabtrvl.com/up/uploads/...9957278114.jpg وأخيرا وصلنا لمنصة القفز، وقام المرشد بتحديد ترتيب القفز، أعتقد حسب وزن كل شخص، والله أعلم. ولما عرف إن بنتي قفزت من قبل قالها إن هي الوحيدة اللي ممكن تقفز وظهرها للخارج، بعكس الباقيين اللي يكون وجههم للخارج. ولما وصل الدور لعيالي استودعتهم رب العالمين، وقفزوا واحد ورا الثاني. https://www.arabtrvl.com/up/uploads/...9957278818.jpg https://www.arabtrvl.com/up/uploads/...9957279119.jpg https://www.arabtrvl.com/up/uploads/...9957279320.jpg https://www.arabtrvl.com/up/uploads/...5509961181.jpg https://www.arabtrvl.com/up/uploads/...0996118032.jpg https://www.arabtrvl.com/up/uploads/...0996118063.jpg https://www.arabtrvl.com/up/uploads/...0996118094.jpg https://www.arabtrvl.com/up/uploads/...0996118125.jpg https://www.arabtrvl.com/up/uploads/...0996118156.jpg طبعا هم ما يعطون الفرصة لأي شخص يتراجع :1: أول ما يقفز واحد يكونون مجهزين اللي بعده.. والموظفين اللي هناك يشتغلون بحماس وضحك ومسوّين جوّ وحركات. وبعد القفز يسحبونهم للأعلى من الجهة الثانية من المنصة. وفي كاميرا مثبتة على المنصة لتصويرهم وقت القفز، وبعد في شخص واقف على طرف المنصة يصوّرهم. https://www.arabtrvl.com/up/uploads/...9957278315.jpg https://www.arabtrvl.com/up/uploads/...0996118177.jpg https://www.arabtrvl.com/up/uploads/...5099611828.jpg https://www.arabtrvl.com/up/uploads/...0996118239.jpg https://www.arabtrvl.com/up/uploads/...9961182510.jpg https://www.arabtrvl.com/up/uploads/...9961182711.jpg https://www.arabtrvl.com/up/uploads/...0996118312.jpg https://www.arabtrvl.com/up/uploads/...9961183313.jpg https://www.arabtrvl.com/up/uploads/...9961183414.jpg https://www.arabtrvl.com/up/uploads/...9961183615.jpg https://www.arabtrvl.com/up/uploads/...9961183816.jpg والحمد لله كلهم كانوا بخير ومستانسين، و زين إني كنت أصورهم بالموبايل لأن كل واحد أول ما يقفز تسمع منه صرخة آآآآآآآآآآآ :32: وهذه ما تنسمع في الفيديو اللي هم يصورونه، والحين كل ما نشوف الفيديوهات نضحك على صرختهم وأشكالهم وهم واقفين على طرف المنصة لحظة القفز. بعد ما رجعنا لمكتب الاستقبال اشترينا الفيديوهات والصور، وقطعة من الحبل المستخدم في القفز للذكرى، وأعطوهم شهادات عليها أسماءهم تثبت إنهم قفزوا. https://www.arabtrvl.com/up/uploads/...9961184519.jpg https://www.arabtrvl.com/up/uploads/...1715867981.jpg يتبـع .... ********** |
********** بعد ما خلصنا قررنا نرجع للفيلا مع أخو زوجي وعائلته، نشوي للعشاء. الأول مرينا على سوبرماركت Kwik Spar القريب من الفيلا نشتري اللحم والأغراض اللي نبغيها للعشاء. وهذا السوبرماركت عندهم فروع كثيرة، وكنا شفنا في ها الفرع إن عندهم لحم حلال، فاشترينا ستيك بقري، وكنا نبغي برجر بس ما حصلنا، ف سار زوجي لمحل وول وورث WoolWorths اللي في مول The Market Square shopping Center http://www.marketsquarecentre.co.za على بعد خمس دقائق من الفيلا اشترى البرجر من عندهم. هو محل ملابس، أغراضه حلوة وأسعاره زينة، و فيه قسم سوبرماركت يبيع لحم حلال، بقر و نعام. والحمد لله استمتعنا بالشوي في البلكونه في الجو الحلو. https://www.arabtrvl.com/up/uploads/...1012500681.jpg https://www.arabtrvl.com/up/uploads/...1012500712.jpg https://www.arabtrvl.com/up/uploads/...1012500753.jpg https://www.arabtrvl.com/up/uploads/...5101250084.jpg https://www.arabtrvl.com/up/uploads/...1012500825.jpg https://www.arabtrvl.com/up/uploads/...1012500846.jpg ********** ********** بعد العشاء والتحلية روّحوا عائلة أخو زوجي، وبعدين أخذني زوجي للمستشفى القريب جدا من الفيلا، مستشفى ميدكلينيك، http://www.mediclinic.co.za/Hospitals/HospitalDetails/id/55 https://www.arabtrvl.com/up/uploads/...1715310511.jpg لأن ونحن راجعين من الممر الحديدي بعد قفز البنجي كان في جزء بعد الممر عبارة عن ممر بين الأشجار على مرتفع، فقلت بصعد بسرعة علشان ما أعطّل الناس اللي يمشون وراي، وفجأة حسيت بألم فظيع، ما استوعبت في البداية شو سببه، ولكن لما انتبهت من صدمة الألم عرفت إن صار شي في عضلة الساق من الخلف، وكان الألم شديد عند المشي، ولكن ما حبيت أسير المستشفى وقتها علشان ما يضيع الوقت ويتأخر العشاء. وصلنا قسم الحوادث في المستشفى وما كان في غير حارس الأمن عند المدخل، فاتصل بالممرضة اللي جت للاستقبال وأخذتني لغرفة الفحص. المكان كان هادئ جدا والأنوار خافتة، كأن ما في أي مرضى في المستشفى، بعدين اتصلت الممرضة بالطبيب وقالت إنه بيوصل بعد نصف ساعة، يعني المستشفى وقت المساء ما فيه أطباء متواجدين في قسم الحوادث في حال جاء مريض، إنما لما يحتاجونه يتصلون به، لأن هذه مدينة صغيرة والمراجعين بالليل قليلين، فما في داعي يضيع وقت الطبيب هناك، إنما يكون في بيته أو أي مكان ولما يحتاجونه يتصلون به. مب مثل عندنا، في قسم الحوادث في المستشفيات دايما فيه أطباء من تخصصات مختلفة، ومرضى داخلين ومرضى طالعين.. الله يعافي الجميع. https://www.arabtrvl.com/up/uploads/...1715072531.jpg وصل الطبيب العام وفحصني، قال إنه صار تمزّق في عضلة الساق، وبيعطيني مسكّن، وبيحط رباط ضاغط على رجلي من القدم إلى الركبة، ولازم بعدين أسوى تصوير ألترا ساوند علشان يبين هل التمزق بسيط وإلا كبير، ويمكن أحتاج علاج طبيعي. قلتله إني في إجازة وما عندي وقت لهذه الأشياء، وإن شاء الله لما أرجع دبي بسوّي اللازم. والحمد لله، استعملت المسكن يومين تقريبا، واستعملت الرباط لمدة اسبوع، وبفضل الله من اليوم الثاني خفّ الألم وصرت أمشي عادي، ولما رجعت من السفر راجعت الطبيب المختص علشان أطّمن، فقالي إن ما في شي يحتاج علاج، إنما هذه كانت عبارة عن عضلة رفيعة جدا، تتمزق بسهولة عند بذل مجهود زيادة على الساق، وما في مشكلة من تمزقها لأن ما لها عمل أساسي في الساق، والحمد لله على نعمة الصحة والعافية. https://www.arabtrvl.com/up/uploads/...1714936951.jpg يتبـع .... ********** |
سلامات يا ام نووف اجر وعافيه يارب تابعت التقرير اليوم وكملته لحد هني ماشاءالله معلومات حلوة كافيه ووافيه الجولات حلوه واحلاها الحيتان واما القفز لا لا ما حبيته خوفا على عيالج الفنادق كلها جميله اللي حجزتوهم والفلل جميله متابعين معاكم للاخر للاستفاده |
الجزء الرابع لو يعطوني ايش ما نطيت هههههههههههههه فيه احد يروح للموت برجوله مستحيل بالنسبة لي تجيني ام الركب واخاف ههههههه اذكر قبل سنتين ركبت قطار الموت بأسطنبول بعدها توبت اركب الف الحمد لله على ســــــــــــــــلامتكـ :e032::e032: |
ما شاء الله عليهم .. خاصة اول واحد مبين انه واثق أنا مع الفراهيدي مستحيييييييييييييل أجربها ....... ههههههههههههه و الحمدلله على ســلامتـكـ |
| الساعة الآن 03:23 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO