|
[SIZE="5"]ماشاءالله رحلة اعتبرها شبابيه للشباب اكثر لا بما انج كنتي منسقة الرحلة والكل استمتع لازم يعطونج تذكرة راحة واستجمام لج ولابو نووف لاماكن طبيعه تستمتعون فيها وتسترخون وايد حلوه الانشطه بس طبعا للشباب والصبايا اما احنا ندور الراحه الحين ننتظر اخر اجزاء الرحله الجميله واللي استفدنا منها شكراا لج على الادعية في نهاية كل جزء جزاك الله خيرا [/ SIZE] |
******* الجزء السادس / العودة إلى دبي .. دار الحيّ :e022: بسم الله، والصلاة والسلام على رسول الله أهلا وسهلا بعضوات وأعضاء وزُوّارالمنتدى الكرام اليوم هو الخميس 30-8-2018 https://www.arabtrvl.com/up/uploads/...2070304281.jpg استيقظنا مبكرا للاستعداد للذهاب إلى المطار، وجاء مدبر ومدبرة المنزل كالمعتاد الساعة 9 صباحا، استلموا مفاتيح الفيلا وساعدنا ماثيو في إنزال الشنط للسيارة، وشكرناهم على حسن تعاملهم وأداؤهم لعملهم. وكنا في الليلة السابقة ونحن راجعين البيت مرينا على محطة البترول عبّينا السيارات، علشان لازم نسلمهم بخزان ممتلئ مثل ما استلمناهم، وإلا بيخصمون مبلغ من بطاقة الإئتمان. وبعد كنت نظفت السيارات بعد ما رجعنا، مثل ما أسوي تقريبا كل يوم أو يومين، لأن مع وجود الصغار في السيارات فترات طويلة لازم في فتات بسكوت وشيبس وغيره تحت الكراسي. https://www.arabtrvl.com/up/uploads/...2193527741.jpg والتنظيف مهم علشان نعطي انطباع حَسَن عن السياح العرب بشكل عام، وبعد علشان اتأكد إن خذينا كل أغراضنا من السيارات، مثل شواحن الموبايل، أجهزة اللاسلكي، النظارات الشمسية وغيرهم. تحركنا حوالي الساعة 9:30 صباحا متجهين إلى مطار كيب تاون الدولي اللي يبعد عن البيت حوالي 30 دقيقة، https://www.arabtrvl.com/up/uploads/...2047959784.jpg وكان موعد الطائرة الساعة 1 الظهر. نزلنا عند بوابة المغادرون وأخذنا الشنط، و راح زوجي و بنتي لتسليم السيارات لمكتب شركة ثريفتي، والإجراء كان سريع، ما أخذ غير دقائق فقط . وكانوا عائلة أخو زوجي سبقونا إلى المطار. وأثناء ذلك توجهنا مع الشنط إلى كاونتر استرداد ضريبة المشتريات ** Tax Refund مع العلم بأن الفواتير ما تحتاج للتسجيل قبلها في أي مكتب (مثل بعض البلاد الأخرى)، المهم يكون مكتوب عليها فاتورة ضريبية Tax Invoice والفواتير اللي قيمتها أكثر من 5000 راند لازم المحل يسجل عليها اسم وعنوان المشتري. https://www.arabtrvl.com/up/uploads/...2047959712.jpg الحمد لله ما كان في طابور طويل، ولما وصلنا للموظفة أعطيتها كل الفواتير، اللي كنت من قبل كتبت عليهم من الخلف اسم العائلة والدولة، لتسريع الاجراءات، وطلبت مني جواز السفر وتذكرة العودة. قامت الموظفة بالتدقيق على الفواتير وطلبت رصيد الدفع بالبطاقة الإئتمانية للفواتير اللي مبالغها كبيرة، والحمد لله إني حصلتهم عندي، لأني كنت عادة أرميهم، ما كنت أعرف إنهم بيطلبونهم. أما قريبتنا فما حصلت الرصيد لفاتورة وحدة، فقالوا لها ممكن خلال الأيام القادمة ترسل على ايميلهم كشف حساب البنك مبين فيه تفاصيل الدفع لهذه الفاتورة. وبعدها طلبت الموظفة إنها تشوف الأشياء التي اشتريناها، وأنا كنت مرتبة كل المشتريات في شنطة وحدة علشان يكون أسهل لي، وسألتها هل في شي معين تبغي تشوفه علشان أطلّعه، قالت لي لا ، بس بشوف شو الأغراض اللي في الشنطة. طبعا ما طلّعت كل شي بالكامل، علشان بعدين الترتيب بياخذ مني وقت، بس شافت بعض الأشياء، حتى ما كانت تدقق، كنت أقولها ها الكيس فيه كذا، وها الكيس فيه كذا. وبعدين كان علينا الانتظار لين ما هي تدخّل الفواتير في الكمبيوتر، فقلت لها بنسير لكاونتر وزن الشنط وبعدين برجع باخذ الأوراق. خلصنا إجراءات وزن الشنط واستلام بطاقات الصعود للطائرة وبعدين رحنا لبوابة التفتيش وعدّينا منها، ونسيت أرجع استلم الأوراق!!! بس الحمد لله اتذكرت فجأة قبل ما نوصل لكاونتر الجوازات :14: ورجعت بسرعة أخذتها بعد ما استأذنت من موظف المطار. أما أخو زوجي وقريبتنا فكانوا استلموا أوراقهم قبل ما يسيرون لكاونتر الوزن. فنصيحة مني لا تسوون مثلي :1: إلا إذا كنتوا متأخرين على موعد الطيارة وتبغون تستغلّون الوقت بدل الانتظار، مع العلم نحن ما كنا متاخرين، بس قلت نستغل الوقت. بعدها أنهينا اجراءات الجوازات، وسرنا لكاونتر تابع لمكتب استرداد الضريبة نستلم بطاقة الإئتمان، لأن الضريبة المستردة تكون على هيئة بطاقة إئتمان فيها المبلغ المسترد بالدولار أو اليورو (حسب رغبتك) مع الرقم السري، ويمكن استخدامها في أي مكان بالعالم لشراء أغراض أو السحب النقدي من أي جهاز صراف آلي، ويتم تفعيل البطاقة بعد السفر بحوالي أربعة شهور، وتكون صالحة لمدة سنة. أخذنا جولة سريعة في السوق الحرة اللي فيه بعض المحلات والمطاعم. https://www.arabtrvl.com/up/uploads/...5204795985.jpg https://www.arabtrvl.com/up/uploads/...2047959763.jpg https://www.arabtrvl.com/up/uploads/...2047959826.jpg *************** *************** اللّهم لك الحمد والشكر، فبفضلك علينا تيسرت كل أمورنا واستمتعنا بهذه الإجازة الجميلة :18: انتظروني في الجزء الأخير من التقرير :13: بيكون عن الأماكن اللي زرناها في رحلاتنا السابقة، بعطيكم فكرة عنها، مع بعض الصور. سُبْحانكَ اللَّهُمَّ وبِحَمْدِك ، أَشْهَدُ أَنْ لا إِلهَ إِلا أَنْت ، أَسْتَغْفِرُكَ وأَتوبُ إِلَيْك |
اخر الأيام تكون دايم حزينه ايام كانت حلوه ومغامرات وفعاليات سويتوها كثير ------------ ، ويتم تفعيل البطاقة بعد السفر بحوالي أربعة شهور، وتكون صالحة لمدة سنة. ------ وش فيهم معقدينها كاش وخلاص اما اجلس انتظر 4 شهور بعد ما ارجع من السفر على شان اصرفهم ------------- متااابعين معاك الجزء الأخير |
اقتباس:
آمين وإياكم جميعا يارب :e437: بارك الله فيج وجزاكِ الله خير على كلامج الجميل. الحمد لله، كل شي كان حلو واستانسنا في ها الاجازة. إذا عيالج يحبون المغامرات، طلعي كفّارة واستودعيهم رب العالمين وخليهم يجربون :1: على الأقل القفز بالمظلة من الجبل،، هذه حتى الأطفال اللي من عمر 3 سنوات يسوونها، ووايد يستمتعون بهذه التجربة. |
اقتباس:
بالعكس، جنوب افريقيا مناسبة للعوائل، الكبار والشباب والصغار. يكفينا نحن الكبار اللي ما عندنا حب المغامرات إن نستمتع بالمناظر الحلوة والجو المنعش :18: ونشوف عيالنا مستانسين، ولله الحمد... وفي وايد فعاليات وأماكن جميلة غير اللي فيها المغامرات. وصدقتي، الواحد بعد كل رحلة مع العايلة يحتاج اجازة بروحه اسبوع عالأقل، لكن ما كل ما يتمناه المرء يدركه :14: الوقت والظروف في الغالب ما تسمح. |
اختيار موفق للفيلا في كامبس باي اطلالتها جدا رائعة و ما شاء الله كبيرة و فخمة برافو عليهم انهم تسلقوا راس الاسد مغامرة جدا رائعة للي عنده لياقة اجراءتهم جدا سهلة في استرجاع الضريبة بس الدفع افضل كاش لاني انا الى الان ما سحبت المبلغ جلست انتظرهم و نسيت الموضوع |
اقتباس:
هيه والله، ما كان ودنا الإجازة تخلص،، لكن في نفس الوقت الواحد يشتاق لبلده ويكون يبغي يرجع بسرعة لبيته. بالنسبة للبطاقة، ما أعرف ليش جذي اجراءاتهم، بس اللي فهمته إنهم يبعثون الفواتير لجهة ثانية تراجعها وتتأكد منها، وبالتالي الموضوع يطوّل. |
اقتباس:
الحمد لله، عندهم خيارات كثيرة من الشقق والبيوت الحلوة. بس كيف ما استخدمت البطاقة لين الحين؟!! مب كأن صلاحيتها انتهت. ما وصلك ايميل منهم بتفعيلها؟ |
اقتباس:
نسيت البطاقة و ما لقيتها الا بعد 6 اشهر والى يومنا هذا ما سحبت المبلغ كل يوم اقول بكره بس اتوفع يمددون المدة في حال الطلب |
الحمدلله انج ما نسيتي اوراق الضريبه بس صج معقدين ليش بطاقه ثانيه طيب ارسلوها على بطاقتي البنكيه وخلاص علشلن اشوفها وما انساها مثل بوغسان هههه الله يعطيج العافيه وبانتظار الجزء الاخير باركالله فيج |
| الساعة الآن 05:53 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO