|
مساعدة في مخطط عائلي من الخبراء عزيزي ابو علاء بعد المداولة مع الاهل وجدت ان لا رغبة عندهم بركوب القطارات من جديد لاننا فعلا تعبنا منها يعني امس تونا راكبين قطارين بولزانو فيرونا ثم نزلنا وغيرنا القطار من فيرونا لميلان لذا نستبعد كل ما يحتاج قطارات ماذا عن الموفي لاند والسفاري؟ Sent from my iPhone using Tapatalk |
السفاري وموفي لاند يقعان بين بحيرة جاردا وفيرونا .. يعني بتحتاج قطار .. اذكر لي ايش الاماكن اللي زرتها في ميلانو علشان احط لك بكره غيرها .. |
مساعدة في مخطط عائلي من الخبراء فقط المول وتاخرنا فيه حتى الخامسة بعدها ساحة Gae بعدين كورسو كومو بعدين رحنا الدومو تغدينا او تعشينا وتمشينا والان راجعين للشقة Sent from my iPhone using Tapatalk |
العذر منك اخي متميز مابقدر افصل اليوم لاني تعبان وعندي التهاب في اللوز مع حراره .. تعرف تغيرات الجو السيئه وتوني جاي من المستشفى اولا: palazzo lombardia ومنظر بانورامي للمدينه وحاول تفطر في البرج علشان تغير جو ثانيا: حديقة سيمبيوني simpioneوفيها قصر سفورزيسكو sforzesco للحاكم الفرنسي .. وفيه اكواريوم صغيره في الحديقه ماعمري دخلتها لاكوايوم بس اذا سعرها معقول جربها وعطنا خبرها .. خذ معاك خبز لاطعام البط في الحديقه فهو ممتع ثالثا: اذا مداك مر على طريق via della spiga وتمشى فيه ممتاز .. رابعا : تختمها في حي النافيلي navigli للقنوات المائيه تروح على ٦ المساء تتعشى في احد المطاعم على القناة وتاكل جيلاتو او ايسكريم قبل العوده للفندق .. مكان ممتع للغروب انا عارف انه مافيه تفاصيل بس والله بودي بس احس تاثير المسكن والمضاد مو مساعدني على الكتابه اتمنى لك يوم جديد جميل واسمح لي على القصور |
اقتباس:
سلامات ياغالي وماتشوف شر وابدا مافي اي قصور معذور يا غالي واعتذر منك لاني مشغلك معي حتى في مرضك جزاك الله خير وشافاك Sent from my iPhone using Tapatalk |
على فكره اذا تكمل من مخرج الحديقه المواجه لقوس النصر وتمشي سيده على شارع دانتي توصل الدومو |
هلا اخوي بشر عساك احسن ان شاء الله والله اليوم رحنا البرج طلع مقفل وما يفتح حسب كلامهم الا في ديسمبر وايام الاحد بس ضربناه مشوار رجلية بعدين عجزنا نحصل لو كافيه واحد فاتح وهذا اللي صادمنا من يوم الوصول كثير شوارع ومحلات ما تفتح لا صباح ولا ضحى ولا ظهر ولا مسا ما ادري متى يفتحون والشوارع اشبه بالخالية مافيها الا حنا جدا كان الشي صادم رحنا لشارع فيا ديلا سبايجا وتمشينا وجلسنا بكافيه فطرنا فيه بس اسعاره مبالغ فيها يمكن عشان شارع ماركات Sent from my iPhone using Tapatalk |
اووووه والله ان ذاكرتي تعبانه .. الاجازه الرسميه في كل ايطاليا تبدأ ظ، اغسطس وتنتهي ظ،ظ¥ اغسطس وهذا اسوأ وقت للمدن في ايطاليا يعني الارياف احسن .. انا الحمدلله احسن مع الادويه وشكرا لسؤالك عزيزي متميز هذي كيف فاتتنا والله اني آسف من جد على نسيان هالملاحظه .. المشكله انا ما اسافر ايطاليا في هالفتره لهاسبب الا ماندر اذا كان ماعندي وقت الا فيها .. انت للأسف في اسوأ وقت في ميلانو .. اجل اما انك تقضيها تسوق او خارج المدينه احسن .. انا افضل انك تروح بحيرة جاردا بكره .. ايش رايك؟ او تروح كومو ومنها تشوف مركب لبلاجيو وترجع كومو .. الظاهر فيه حتى باصات يوميه اسأل موظف السكن يمكن يساعدك ... بيلاجيو جميله بس صغيره ... كومو كبيره بس انا شخصيا ما احب اجوائها ومو معنى هذا انها مو حلوه .. فيها التلفريك مع منظر جميل وممكن تاخ جوله بالمراكب يوروك قصور المشاهير .. وممكن انك تزور لوغانو في سويسرا معاها .. بيكون يومك فيه حركه وطويل بس جميل .. الحين الخيارات عندك اكثر من خيار علشان نرتب لك اليوم التالي بعد اذا تبغى تروح اوتلت فهو خيار ممتاز فانت قريب من مجموعه كبيره من افضل الاوتلتات في شمال ايطاليا فيه باصات يوميه تطلع للاوتلتات وخاصة سيرفالي اللي انا اشوفه كوجهة نظر شخصيه لاغير الافضل في كل اوروبا يبعد 90 كلم وهو ممتاز جدا وعندك اوتلت فيكولونجو بالقرب من نوفارا اي على بعد 40 كلم من ميلانو وهو صغير نوعا ما ايضا فيدينزا fidenza باتجاه بارما ممتاز التسوق في شارع بيونس ايرس ايضا جيد وهو يعود بالانسان للزمن الماضي حيث كان الشارع الاهم في ميلانو للتسوق سابقا .. |
مساعدة في مخطط عائلي من الخبراء قول كلام غير دة يا راجل بقا تقلي اظبطلك البرنامج وبعدين تقولي نسيت ان ايطاليا تأجز في اغسطس وانت عندك خطتي باليوم من البداية للنهاية اقترحت عليك كومو ولوغانو في البداية قلتلي لا اترك اماكن العرب بوديك اماكن اجمل والان تقولي روح كومو ولوغانو انا كنت ابغا اسكن في جاردا من الاساس وفعلا حجزت فيها وانت الله يهدينا وياك قلتلي كنسلها واسكن في بولزانو كنت ابغا اشوف ريفا وجاردا عموما واروح منها لجاردا لاند والموفي لاند والسفاري وانت قلتلي لا لا انا باللي شفت جاردا ولا باللي رحت لهالاماكن الترفيهية ولا قدرنا نروحلها من ميلان ولا واجهنا اجواء حلوة في التيرول وجلسنا في مدينة كئيبة ميتة بعد الساعة ستة مافيها بقالة نجيب منها بيورو موية او كسرة خبز ضيعنا فيها خمس ايام هباءا منثورا ومثلها في ميلان وجدت نفسي محاصر في الدومو وخيارات قليلة جدا وكل ما رحنا مكان يا نلقاه مقفل او فاضي ويضيع اليوم والباقي كله يحتاج سفر وقطارات تشبعنا وتعبنا منها بما فيه الكفاية اعتقد عزيزي مثل نقطة هامة وهي المواسم والشهور نقطة غاية في الاهمية يجب الانتباه لها بما انك لا تعلم عنها بحكم عدم سفرك اثناءها بالرغم من ان جميع المدن عدا التيرول تغص بالعرب لدرجة تحس انك في احد مولاتنا بالرياض او دول الخليج او حتى الاخوة العرب من باقي الدول عموما انا لا احملك اي مسؤولية وفعلا استفدت الكثير من جهودك الجميلة ولكن الافضل عدم الاصرار والتشديد على الناس بفكرة او خطة والتمسك بها حتى تتجنب مثل هالاحراجات واكيد غير مقصودة وحسن النية موجود بكل تاكيد ارجو ماتكون زعلت وانا ما زلت اقدر لك كل ما عملته من اجلي ولكن هو مجرد احساس بالغبنة من ضياع ايام بلا جدوى ومجرد انتظار العودة لارض الوطن تقبل تحياتي Sent from my iPhone using Tapatalk |
انا فعلا اكرر اسفي لكن يمكن حصل موضوع ميلان بالغلط لانك كنت مصر تجيها وتزورها ولو كانت عندك سياره بسهوله كنت تقدر تتحرك لا كان في الخطه انك تخرج خارج المدينه لان المناطق اللي حوالينها كلها حيه بسبب الاجازه لان الناس تطلع برى المدن الصناعيه وتروح البحر والارياف والبحيرات وانت المشكله ماتبغى تستخدم القطار .. وكان سهل الاستمتاع برى المديه في اماكن جدا قريبه مثل كومو وستريسا والريفيرا وجاردا وغيرها على كل حال مدينه كميلانو حتى مع الاجازات لن تجدها مقفله بالكامل فلاتزال الحياه فيها حركه ايضا ملاحظه انا لا اصر على الناس وانا انصحهم واذا تذكر دائما كنت اكتب لك في النهايه ان القرار عندك وانت حر في الاختيار اما التيرول فانا لا زلت لا اعلم ماحصل وكيف لم ينجح مشروعك هناك فالمنطقه غايه في الجمال والروعه والاماكن اللي حطيتها ممتازه وانا شخصيا جلست في بولزانو اكثر من مره كمركز للتنقل ولم تخذلني ابدا .. عندي اكثر من فرد في العائله واصدقاء وزملاء عمل نصحتهم فيها واعجبتهم جدا ورغم اني جلست في اماكن كثيره في الالب الاوروبيه الا ان موقع بولزانو لاستكشاف المحيط كان الاجماع عليه كبير لذلك اخترته لك وانت في المجمل العام لم يكن مقرر ان تبقى في المدينه بل كان المقرر ان تعود فقط للنوم وتخرج منها منذ الصباح وهكذا كان البرنامج ... الحياه في الجبال عموما تنتهب باكرا وهذا شيء طبيعي في كل المناطق الجبليه في الالب لان الحياه تبدأ مبكرا هناك... وانا لحد الان لم افهم ما الذي واجهك فيها .. مره اخرى اكرر اسفي ان تسببت لكم باي ازعاج لكن بعض الشوائب الصغيره احيانا تسبب بعض الارباك والفوضى .. |
| الساعة الآن 08:22 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO