مساء الخير انا عندي استفسار بخصوص الفيزا انا رحت طلعتها انا وعيلتي يوم الاربعاء 29 may واللين اليوم ماجاتنا اي رساله منهم عالايميل انها دخلت السستم او تحت الاجراء مع انو اغلب الناس وصلتهم رسايل بنفس اليوم العصر. وانا سفرتي يوم 22 يونيو فايش الحل بهذا التاخير او كيف طريقة التواصل انا طلعتها من مدينة جده بس انا مو من سكان جدة

طيب اخويا كل الناس جاتهم ايميلات بنفس اليوم واحنا لمن رحنا قالو احتمال ماتطلع قبل السفر لانو ايام الاجازه بالعيد 6 ايام فهاذا اللي خوفنا خصوصا انو طلعناها من الاربعاء وماوصلنا اي شي فخايفه انو في الوقت الضيق تاخير

الله يعطيك العافية ويبارك في جهودكم

استفسار
 

الله يسعدكم اطلعت على بعض الردود السابقة وباذن الله اعمل موضوع مفصل عن تجربتي بعد ما استلم جوازي،،

أنا قدمت تاريخ 23 مايو في جدة بخدمة priority وما وصلتنى اي رسالة حتى الان لا من السفارة ولا من المكتب وصراحة متوتر!
أحد اللي قابلتهم وتعرفت عليه في المكتب نفس الوقت قدم معي ونفس الشئ خدمة priority ولكنه وصله ايميل ثاني يوم انه المستندات تم استلامها وايضا يوم 29 مايو جاته رسالة SMS انه تعال استلم جوازك.

هذا اللي مخوفني انه انا ما سار اي شي بخصوص طلبي،
بكرة باذن الله بطلع من المدينة لجدة واروح مكتب VFS اشوف هل ارسلوا الجواز للسفارة ولا لا؟ واذا ما حصلت نتيجة من عنهم بروح القنصلية البريطانية واشوف ايش المشلكة؟

اي احد عنده تجربة مع القنصلية؟ هل مسموح تدخل ولا ما يدخلونك اذا خصوص موضوع الفيزا؟

اخيرا هل احد سابقا قدم ع priority وما وصلته اي ايميل وطولت اكثر من 5 ايام عمل؟

شكرا جزيلا وكل عام وانتم بخير

يارب ييسر أمركم جميعاً في هذي الليالي المباركه
الفيز هذي المره لعبت بأعصابنا

.

احد عنده خبر متى اخر يوم عمل للمكتب؟ و متى يبدأو دوام بعد العيد؟
هل ممكن يوفرو مكتب خارجي فقط لتسليم الجوازات خلال فترة خارج دوامهم؟
اختي رحلتها اول يوم العيد و ما استلمت جوازها ولا حتى ارسلولها انو انتهى
رغم اني قدمت بعدها و انا وصلني المسج لكن ربي ييسر الأمور

تعقيب على كلامي امس

اختي اليوم راحت مركز الاعتماد
زحمه و الناس كلها متذمره
هم قدمو 4 جوازات مع بعض ، اللي كان موجود و جاهز جواز واحد استلموه
و الجوازات الثلاثه الباقيه في علم الغيب 💔
جلسو ينتظرون السوبرڤايزر ، شيك عالجوازات الثلاثه بالكومبيوتر ، قال لهم بكره توصل و تجو تستلموها ، عاد الله اعلم اذا كلامه اكيد او لكن نقول يارب
و عقبال عندكم .. بكره اظن اخر دوام قبل العيد و هذي فرصتكم

للاسف التواصل معاهم بالايميل مايجيب اي نتيجه
دفعت و راسلتهم ، يردون علي بعد 3 ايام يطلبوني معلومات "انا اصلاً كاتبتها في الايميل اللي ارسلته" بس الطاهر هو رد الكتروني روتيني ، و اكتب لهم المعلومات اللي طلبوها مره ثانيه ، و يجيني الرد بعدين يومين او 4 ايام يقولولي توتصلي مع القسم المختص

يعني ضياع وقت
اللي عنده شي ضروري و مستعجل يتصل فيهم ، لاااا تعتمدون عالايميل

للاسف ما قريت كلامك الا متاخر بخصوص القنصلية،
رحت لهم وطلعت لي الموظفة عند الباب وقالت لي نهائيا احنا مالنا شغل في الفيز ولا اقدر أخدمك ابدا فيها.
انا كان ودي اقدم بدري لكن لانه انا رايح تدريب والمستندات والأوراق ما اكتملت الا متاخر، على العموم خيره والله ييسر لنا الخير أينما كان وكيف ما كان.
وجزاكم الله خير على ردودكم.