طيب قريت ان السعودي مايحتاج كشف حساب وشلون هنا تطلب رصيد فوق ال 25 الف او يمكن انا ما فهمت


عندي اسئلة ياليت تجاوبها


1/ وش مطلوب اجيب معي انا سعودي وابطلع تاشيرة لي انا وزوجتي وبنتي
2/ كم الرسوم لتأشيرة 6 شهور شامل الموعد
3/ يحتاج اترجم دفتر العائلة او لا
4/ هل فيه خدمة اني احتفظ بالجواز معي او مافيه


شاكر لك تعاونك

صلاحية الجواز
 

السلام عليكم ورحمة الله
أرغب باستخراج فيزا سياحة لبريطانيا
مدة ٦ أشهر
والسفر بيكون إن شاء الله في بداية شهر يوليو
جوازي سعودي ينتهي بتاريخ ٦ / ٢ / ٢٠٢٠
هل يلزم تجديد الجواز؟
وشكرا

شكرا على ردك الكريم

مشكلة في تحميل الموعد
 

السلام عليكم ورحمة الله
ما حصلت موعد مجاني خلال هذا الشهر
فاضطريت أختار موعد وأدفع 133 دولار
بعد ما أنهيت الدفع علق الموقع ولا قدرت أحمل الموعد
ولما أدخل مرة ثانية يبدأ معي من جديد ويطلب الدفع
أرسلت لهم إيميل
ولم يتم الرد لغاية الآن
عندكم اقتراح؟

وعليكم السلام


المواعيد المجانية على حسب علمي بعد شهر من الآن، ومحدودة.
عموماً، كثير صار لهم زيك، وأنا كنت بالمركز يوم الأحد وصار لهم كذا، وكأني سمعتهم يقولون جيبي شي يثبت عملية الدفع أو الموعد، ثم بتدفعين هناك برضو وتطلبين استرجاع Refund للعملية اللي سويتيها بالموقع.


المركز زحمة وفوضى بدون مبالغة، وإذا ماجيتي بدري وأخدتي رقم، بتجلسين ساعتين حتى لو الموعد بريميوم.

شكرا على ردك ..
يعني تقترح أروح حتى لو بدون برنت الموعد؟

اقترح عليك تاخذ كشف حساب فيه عملية الخصم اذا ماوصلك شي وتروح لهم وتمشي الامور ان شاء الله

انا حصلت لي هالمشكله وارسلت لهم ايميل قالو جيبي صوره الخطأ وجيبي برنت من البنك انه انسحب المبلغ وبس تعالي على الموعد ودخلت وخلصت اموري