شبكة و منتديات العرب المسافرون - ¤§¦ رحلة استكنان .. في أرض الزعفران ¦§¤

احسنت في التراجع عن تكملة الطريق الوعر
بعض الاماكن نشوفها في قوقل ماب او بعض التغطيات
لكن ننصدم بالطريق المتعب الي يكرهك في الطلعة
و الاماكن كثيرة الي ممكن نستمتع فيها بطريق أريح

انا رحت لمرتفعات قريبة من افلاني بعد اظن اسمها قوكوران
هذي احداثيتها https://goo.gl/maps/mBVRXUMi3on5HeCeA
نفس المرتفعات الي رحتها انت لكن الظاهر قوقل ماب غدر فيك هههه
كان الطريق اسهل من الي صورته انت

تخيلت اني ممكن اشوف مثل حيدرنبي ولا سلطان مراد مثلا
هذي بعض الصور

https://www.arabtrvl.com/up/uploads/...7048371634.jpg

https://www.arabtrvl.com/up/uploads/...7048371745.jpg

لكن ماكان فيها شي مميز ، جميلة لكن ماتستحق العنوة
يمكن لانها ماكانت في موسمها والله اعلم .

ورحنا بعد ارياف ثانية وادي اسمه سكرسو, نفس الاسم في اوزنجول
لكن هذي منطقة ثانية بعيدة عن افلاني , قبل ماتوصل صفران بولو وانت جاي من انقرة
هذي احداثيتها https://goo.gl/maps/b1p3nEoJuJEWZM8M7

وهذي بعض الصور

https://www.arabtrvl.com/up/uploads/...7049612041.jpg

https://www.arabtrvl.com/up/uploads/...7049612222.jpg

https://www.arabtrvl.com/up/uploads/...5704961243.jpg

آثار الخريف واضحة بالرغم من اننا مازلنا في الصيف

https://www.arabtrvl.com/up/uploads/...7049612594.jpg

https://www.arabtrvl.com/up/uploads/...7049612655.jpg

هالمنطقة الي قلت لك كنت افكر اسكن فيها
لقيت فندق وحيد وفوق الجبل لكن يوم وصلت
هذي احداثيته https://goo.gl/maps/cYAjmw84xGHBv9Ak9

انصدمت ان الصور خداعة وان الاستقبال شايب معصب مادري شفيه هههه
كأننا مقتحمين عليه في بيته الخاص ماعجبنا لا أسلوبه ولا المكان
شربنا شاي في حديقة الفندق واحقاقا للحق المنظر جميل جدا من الفندق
لكن مافيه شي ثاني الا اطلالته وهذي بعض الصور

https://www.arabtrvl.com/up/uploads/...7050094941.jpg

https://www.arabtrvl.com/up/uploads/...7050095122.jpg

https://www.arabtrvl.com/up/uploads/...7050095313.jpg

https://www.arabtrvl.com/up/uploads/...7050095484.jpg

ثم نزلنا صفران بولو وسكنا في الفندق الي كتبته لك في الرد السابق

جميلة افلاني كشتنا في هذي البحيرة
خل البحيرة على يسارك ثم تكمل لآخر الطريق
في مساحات خضراء حلوة في الجانب الثاني من البحيرة
وكان فيها ناس مخيمين واحنا فرشنا الزل وسوينا الشاي الكرك
وخذنا فواكة من سوق القرية وكانت رحلة ممتعة

https://www.arabtrvl.com/up/uploads/...7048371211.jpg

https://www.arabtrvl.com/up/uploads/...5704837142.jpg

https://www.arabtrvl.com/up/uploads/...7048371523.jpg

شهر اغسطس لكن الجو جميل خاصة اذا حجبت الغيوم الشمس

في نفس الطريق لو كملت اعتقد نص ساعة او اكثر شوي
بتلقى قرية داداي الي سكنا فيها 3 ليال في منتجع اسمه اكسير
هذي احداثيته https://goo.gl/maps/p9vvjsQfUtg9Fe8C7
مميز باسطبلات الخيول الي فيه و ارياف جميلة
اتوقع في الوقت الي انت رحت فيه اجمل من الصيف بعد

هذي بعض الصور

هذا الاستقبال
https://www.arabtrvl.com/up/uploads/...7048372339.jpg

هذي بعض الجلسات في حديقة المنتجع
https://www.arabtrvl.com/up/uploads/...0483724111.jpg
شجر التفاح في كل مكان وطايح على الارض محد له

https://www.arabtrvl.com/up/uploads/...0483723710.jpg
هذا مطعم الفندق الي نفطر فيه بوفيه مفتوح

https://www.arabtrvl.com/up/uploads/...7048372298.jpg
البقر - اعزكم الله - يتمشون في القرية ماخذين راحتهم

اجرنا الدراجات الهوائية من عنده ورحنا لين بحيرة قريبة كيلوين تقريبا
خذت منا بالدراجة ربع ساعة لكن طريق متعب على ارتفاع بسيط بالسيارة ماتحس فيه

https://www.arabtrvl.com/up/uploads/...7048371876.jpg

لكن بالدراجات هلكنا هههه :12:

https://www.arabtrvl.com/up/uploads/...7048372087.jpg

اماكن كثيرة جميلة وتستحق الزيارة
لكن في النهاية لفينا لفينا واستنتجت
ان مافي اجمل من ارياف الشمال التركي حقيقة

سامحني اخوي نواف
زاحمتك في تقريرك
كسلان افتح موضوع جديد وماعندي كلام كثير اقوله << كل هذا وماعنده كلام كثير هههه

الله يعطيك العافية ونترقب التكملة