المشاركة الأصلية كتبت بواسطة فيصل (المشاركة 479673) الحمدلله استلمت جوازي صباح اليوم وعطوني 3 سنوات :55::55::55::55::55:

ما شاء الله على البركة ... تستأهل
بصراحة المدد الطويلة تريحك من أجراءات القديم المعقدة ما بين السفارات

المشاركة الأصلية كتبت بواسطة فيصل (المشاركة 479692) الله يبارك لك مشرفنا والله ما هنيا نية سفر لكن قدمت كذا والحين صرت اتحكحك واتطلع اسعارالتذاكر

ممتاز أن الفيزا تكون في الجواز جاهزة
و إذا النية ما فيه قريب .. يحلو السفرة في سبتمبر أو أكتوبر :72::72:

المشاركة الأصلية كتبت بواسطة مندوب العالمي (المشاركة 479863) تحيه طيبه السوال الاول في نموذج جدول الرحلة اذا كانت وسيلة النقل سيارة ولكن لم اقم بالحجز حتى تاريخة هل اقدر اترك خانة رقم الحجز فاضية او لازم اعبية السوال الثاني ابني عمره سنتين وسبق ان اخذ الشنقل وسوالي وش اكتب له في خانه هل سبق وان بصمة للشنقل

هلا


1
ممكن تحجز وهمي من رنتال كار
2
اكتب لا

المشاركة الأصلية كتبت بواسطة ايمي 33 (المشاركة 480357) طيب انا بديت بخطوات الشنجن من موقع السفارة الفرنسية بس جوازي مو معي حاليا عشان اكمل باقي الاجراءات والحمدلله عندي حساب في ابشر :24: طلعت منه تاريخ انتهاء الجواز ورقمه بس وقفت الاجراءات وقلت احجز يوم بمركز VFS عشان اقدم الاوراق فقلت اضرب عصفورين بحجر واحد اسجل بالسفارة واخذ موعد ولا شغلي كذا خطأ ؟ لان اوراقي و طابعتي كلها بالرياض ويبغالي كم يوم حتى اوصل .. ايش رايكم ؟ هل اخذ موعد من المركز ومتى ما وصلت الرياض كملت اوراقي بموقع السفارة ولا ايش ؟ طيب كيف اعمل حجوزات طيران وهمية ؟ وما اخسر فيها ؟

حتى هنا من ناحية تعبئة النموذج شغلك صحيح
لأن النموذج لا يرسل للسفارة ...

حجز الموعد بإمكانك ذلك لكسب الوقت بعد التأكد من الوقت المناسب لك لأن الموعد يتطلب دفع الرسوم و هي 125 ريال للجواز الواحد ...

بالنسبة لحجوزات الطيران .. و الله صراحة من رأيي أنا ما اشوف فيه شئ أسمه حجز وهمي !!
شركات الطيران تطالب المسافر بالدفع للتذاكر مع خيارات الألغاء برسوم حسب فئة و درجة التذكرة فمثلاً الخطوط السعودية لديه أحدى فئات التذاكر يكون رسوم الألغاء 1000 ريال من قيمة كل تذكرة أو 600 ريال في حال تعديل خط السير أو موعد السفر مع دفع الفرق في السعر
و هكذا تختلف الشروط و الأسعار اللى ذكرت تحتسب لأقل فئة في التذاكر ...

أتمنى أن تكون وضحت لك الصورة .. و بالتوفيق