السلام عليكم ورحمه الله وبركاته ،،،، اسعدتم مساء ،،،، وكل عام والجميع بالف خير وصحه وعافيه ،،، استفسار بسيط انا وصولي باذن الله بيكون على مطار اسطنبول الجديد الوصول بيكون تقريبا الساعه العاشرة ليلا وناوي احجز من بكرة على طرابزون الرحله بتكون بعد الظهر ان شاء الله ،،، بحثت بالبوكنك عن فنادق حول المطار الجديد مافيه خيارات كثيرة يبدولي المنطقة غير مخدومه وفيه فندقين بالمطار بس غالين جدا واحد تقريبا 550 ريال بدون افطار والثاني ب 700 ريال وبدون افطار ،،،، السؤال هل احجز الذهاب والعودة على الخطوط التركيه من مطار صبيحه افضل بحيث اسكن قريب من المطار او عادي احجز بعيد من مطار اسطنبول باكثر من 50 كيلو بس متخوف من الزحمه وايضا بتكون اجرة التاكسي عاليه ،،، علما بان الخطوط التركيه عندها رحلات الى طرابزون تقلع من مطار صبيحه واسطنبول ،،،، ولاحظت ان اسعار الفنادق بتركيا غاليه الوسط سعره من 400 ريال وطالع بعكس ماقيل لي ان السكن رخيص بتركيا . ولكم تحياتي

الله يسعدك كتبت كل الي في خاطري
والحبايب ماقصرو
ردود مميزه
الله يسعدكم
متابعك اول بأول

الله يحفظك يالغالي ،،، شكل مخطننا واحد ياعزيزي ،،، هل حجزت الفنادق او لسى ، وهل عندك جدول جاهز لمخطط الرحلة ، أحاول أنا أخطط وأضبط لكن المشكلة مع مشاغل الحياة والداوم عجزت ألاقي متسع من الوقت لتفصح التقارير ،، لكن الله ييسر ويسهل الأمور .
:e303:

تقسيم الايام يكون كالتالي
6 ايام الشمال التركي
3 ايام بورصة
2 يوم صبنجة
3 ايام اسطنبول
اسطنبول كثير فيها زحمة ناهيك عن الحرارة في الصيف
بخصوص التأشيرة الأفضل اونلاين سهلة جدا جدا و5 دقائق تكون جاهزة أيضا تجنبا للزحام والطابور في المطار
واستخدم الفيزا هناك وصرف بعض الدولارات وحولهن إلى ليره عند الوصول

وايضا الطيران الداخلي عند طيران اناضول ممتاز وسعره أفضل من التركي وبيجاسوس ويعطي كل شخص 15 كيلوا للشحن

:e449:نعم الفنادق في تركيا رخيصة جدا خصوصا الثلاثة نجوم . انا ساكن في فندق ثلاث نجوم راقي مع الافطار ب مية و اربعين  ليرة في قلب بورصة .
وخذها قاعدة في تركيا لا تحجز من بوكينق ابداً الا اذا لقيت عرض حلو .
غالباً فنادق تركيا في بوكينق اغلى من الواقع بنسبة كبيرة . العام الماضي اصدقائي حجزوا في الشمال التركي من بوكينق و عند الوصول وجدوا ان الفرق في الأسعار يصل الى مية وخمسين ليرة بين الواقع وبين بوكينق ( و بدون مكاسر ) .
لذلك لاتحجز ابدا من بوكينق الا اذا لقيت عرض حلو ( صديقي مثلا لقى العام عبر موقع بوكينق فندق في اسطنبول منطقة شيشلي عشر ايام ب الف وخمسية ريال . الفندق تصنيفه تقريباً اربع نجوم ) .
بالنسبة لمطار اسطنبول الجديد نعم موقعه بعيد عن اسطنبول . و ما ادري ليش حجزت عليه رغم ان الرحلات الرخيصة من السعودية على طيران ناس و طيران بيجاسوس تروح على مطار صبيحة .
المهم .
اذا تبي تحجز بمطار اسطنبول الجديد اسكن حول المطار فيه فنادق كثيرة رخيصة . لكن لاتبحث في بوكنيق .
ادخل قوقل ماب و اكتب otel
و هذه بعض الفنادق لقيتها لك في قوقل ماب حول مطار اسطنبول في ديرة اسمها أرناؤوط كوي Arnavutkoy


هذا مثلاً مكتوب ب ميتين  ليرة الغرفة واتوقع لو تتصل بهم اقل
https://goo.gl/maps/ub9Mijyv8t6k74fM9

وخذ هذا جنبه
https://goo.gl/maps/hw946JCUyZmgGB7T7


واذا تبي تروح من مطار صبيحة خيار ممتاز . لكن اذا وصلت مطار اسطنبول لاتروج بالتكسي غالي جدا . رح بالباص فيه باصات فخمة جدا تروح لكل مناطق اسطنبول . رح بالباص لمنطقة بندك Pendik لأنها الأقرب لمطار صبيحة و مليانة فنادق وتقع على البحر و يوجد حافلات تاخذ المسافرين من المطار الى منطقة دايركت مباشرة و سعر الشخص فقط ظ£ظ  ليرة . و اول ما تنزل من الباص خذ اقرب تكسي وعطه عنوان الفندق و دقايق وانت عند الفندق . وانت بالخيار تبي بالسعودية تحجز مباشرة من موقع بوكينق في منطقة بندك Pendik او تاخذ تكسي من هناك و تروح للفنادق القريبة عندك بخريطة الجوال

هذا مثلاً فندق ممتاز في منطقة بندك و سعر الليلة للشخصين حوالي ميتين وعشرين في الليلة و يقع آمام مسجد ساحل بندك
https://goo.gl/maps/hxffi2116DsJj1Hx5

من تجربة انا دايم اسافر تركيا وما عمري احتجت للفيزا . السياح اللي اغلب برنامجهم في الشمال التركي ولا يتسوقون من المولات بمبالغ كبيرة الفيزا غير مهمة لهم الا في مسئلة استئجار السيارة او في حال ارادوا التسوق بمبالغ كبيرة