|
يعطيك العافيه بداية حلوة في كتابة التقارير والصور حلوة اترك مسافه بين كل صورة وصورة عند نقلهم بالتابلتك مستمتعين معاك |
اقتباس:
فعلاً والله موقعها ممتاز جداً وقريبة من شارع التسوق في نهاية شارع الشقة تبدأ محلات كثيرة وفيه سوق اسمه ارندل arandel قريب من هالاسم.. وما يحتاج تكاسي المشي حلو ورياضة وتخسيس للسمين [emoji1] وجوهم يساعد صراحة [emoji1303] تحياتي أرسلت بواسطة iPhone بإستخدام Tapatalk |
اقتباس:
تحياتي |
ياحلو مانشستر والارنديل وساحة التروماي ومحل بريماك الكبير الحلوو والمطاعم بالساحة والنافوره والمستعرضين هناك ذكرتنا وشوقتنا عليكم بالعافيه بس يلا زيد الصور والكتابه |
اقتباس:
واخذت نصيحتك يا ام حسين بشراء تذاكر القطار مبكر من النت وهذا افضل من ناحية السعر واريح للمسافر. تحياتي |
تكملة رحلتنا 21 مرفق الأخوة والاخوات الكرام راح اكمل تقريري المتواضع هنا لعدم وجود صور لكل المواقع اللي زرتها للأسف ، واعتذر منكم والعذر عند كرام الناس مقبول ولا أخالكم إلا فالطليعة.. والعوض في المرات القادمة بمشيئة الله تعالى.. وبكتب عن الاماكن اللي رحناها وبنزل الصور بعدها اتمنى تقبلونه كمعلومات وليس كتقرير :12: رحلتنا كانت الى لندن لمدة خمسة ايام وبعدها طلعنا الى مانشستر بالقطار لأن رحلة العودة من مطار مانشستر الكئيب ولا انصح بالسفر منه اجراءات بطييييئة ومعقدين مررررة يفتشون الشنط اليدوية اكثر من مرة ، وتفتيش شخصي لكل المسافرين واخرونا بتفتيشهم حتى قلت لهم الرحلة باقي عليها 45 دقيقة، ومطار صغير. من وجهة نظري مانشستر احلى من لندن واهدأ واهلها ودودين وتعاملهم زين ، سكنت في شقق لاريزيرف حسب تجربة احد الاعضاء هنا وفعلا شقق راااائعة وممتازة جدا للعوايل ، وقريبة من بقالة وشارع التسوق مثل ما ذكرت سابقاً ولا تحتاج تكاسي.. لقيت هناك صاحب تكسي شايب باكستاني اجودي اسمه نديم تعاملت معه للمشاوير البعيدة اتصل عليه ويجي على طول وهذا رقمه للي يبيه 07599692524 ، رحنا زيارة لنادي مانشستر علشان الشباب اللي معي الله يحفظهم ويحفظ ما عطاكم (صور) ، وكذلك رحنا مكان تسلية اسمه escape hunt وهو عبارة عن غرفة تدخل فيها مع عيالك وتحاول تحل اللغز حتى يفتح الباب لكم وفيه متعة للعيال صراحة (صور).. وهناك حديقة هيتون بارك فيها اكثر من ممشى والجو يساعد وفيها حظيرة لبعض الحيوانات اكرمكم الله وبعض الطيور (صورتين).. وفيه مطعم باكستاني اسمه اكبر افضل من المطاعم العربية واكلهم ممتاز جداً (صورة).. واخيراً اشكر لكم سعة صدوركم وشكرا على ما تقدمونه من معلومات مهمة للمسافر. تحياتي |
يعطيك العافيه ماقصرت فريق مانشستريونايتد ملعب اولدترافورد معروف للكثير وقريب يم مول ترافورد الكبير الممتع ماشاءالله ربي يحفظ الشباب لازم يستمتعون بالرحلات للملاعب الحديقه جميله والمطاعم الهنديه والافغانيه تكثر قيشارع العرب اسمه رشم وتحصل فيه كل ماهو عربي واسلامي بس ديرواا بالكم تروحون له في ليالي العيد يصير هناك مسيرات وزحمة سيارات وحتى الشوارع تسكر صارت فيني انا وولدي توهقنا سنة 2012 مستمتعين بكل ما تعرضه اخي الكريم |
اقتباس:
الحمد لله على السلامه اخي وان الله تكونون استمتعتوا بالرحلة للأمانه لي صديق ايضاً تكلم عن مطار مانشستر وعن الاجراءات المزعجة فيه ، لا اعلم لماذا ؟! الغريب ان الاجراءات في مطار هيثرو ليست كذلك ، بالرغم من ان مطار هيثرو أكبر وأشهر وعدد الرحلات اليومية كبير جداً ! بعد تجربتك اخي هل تنصح بإستخدام القطار بدلاً من السفر بالطائرة من مطار مانشستر ؟ مع العلم ان الرحلة بالقطار طويلة تستغرق تقريباً 5 ساعات |
اقتباس:
الله يسلمك يا ام حسين ويخلي لك اولادك ويجعلهم قرة عينك.. شكرا لك على دعواتك ومشاركتك الجميلة. تحياتي |
اقتباس:
الله يسلمك اخوي الحبيب ، الحمد لله استمتعنا والله في مانشستر مدينة حلوة وجوها روعة هالايام.. مطار مانشستر مزعج بصراحة جداااا من تجربة معهم ، واعتقد ان السبب عدم توفر اجهزة متطورة للتفتيش في مطار صغير مثل مانشستر لكن مطار هيثرو على مستوى كبير من التقنية والكنترول على كثرة الطائرات عليه.. القطار مريح وحلو ، لكن اخذ درجة اولى افضل واريح ومتوفر فيها الوجبات والمشروبات.. تحياتي |
| الساعة الآن 10:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO