|
اقتباس:
بس التعديل في المخطط جدددددا صعب لان مرتبطة ب طيران داخلي بين المدن 3 حجوزات كلمت السفاره ف ابو ظبي قالتلي باذن الله تصدر الفيزا الاربعاء 11/7 ورحلتنا الاحد 14/7 يعني خياري الوحيد احجز طيران لابو ظبي واستلمها من هناك الخميس ويظل افضل واقل خساره من تغيير المخطط والحجوزات وقالت احتمال بسيييييييط تخلص قبل بيومين تابعي معانا بس وصول الجوازات لحده يحتاج 3-4 ايام ف اخاف ماالحق اخذها الخنيس لان رحلتي الاحد الفجر ضروري استلم الجوازات الخميس بحد اقصى انت لا تغيرين حجوزاتك اتعوضي الله ف فلوس الموعد وشوفي اذا تقدري تسوي الحجز اللي قالو عليه الاخوان ع الطيرات العماني اللي بدون دفع وشوفي اقرب موعد ف الفرنسية او الالمانية لانها تطلع بسرعه ما شاء الله كثير طلعت خلال اقل من 5 ايام عمل شوفي التجارب ف المنتدى وسوي حجوزات فنادق مسترده غير مدفوعه وحجز سياره وكانك رايحة هذه الدولة طلعي تاشيرتك بعدين الغيها وهناك عاد اذا سالوك قولي اضطريت اغير المخطط لظرف طاريء او اي شي لان صراحة مااتوقع يخلصونك النرويجيين قبل رحلتك لبريطانيا غير انهم بيتعاملون حسب وصولك للنرويج لكن فعليا انت تحتاجين الجوازات قبل لانك رايحة بريطانيا كويس عرفتي عن التاخير قبل تقدمين عشات تلحقين نفسك وتقدمين من سفاره ثانية |
والله بريطانيا ارسلو وشكلها ما بتتاخر هذا والضغط اضعاف النرويج الخوف يستقعدون لنا بالمطار لو اخذت الالمانيه مثلا الوقت ابدا مايكفي ولو خذت من سفاره ثانيه اظطر اروح لنفس الدوله وهنا صدق تكاليف اكثر �� |
اختصر عليكم خلاصة اللي صار معي اخذت الفيزا 42 يوم الين استلمتها اوراقي الين وصلت السفارة في ابوظبي اخذة 5 ايام والين رجعت 4 ايام تخلل المدة 3 ايام اجازة عيد الفطر في السفارة في ابو ظبي تامين السفر تكافل الراجحي رجعو فلوسي بعد ما طلبو مني التامين الجديد دفعت قيمة تذكرة الذهاب دبل بعد ما الغيت القديمة لاني اخذتها قبل فترة طويلة الرجعة التعديل كلفني 225 ريال بعد هذي التحربة فترة السماح للتقديم ع الفيزا 3 شهور قبل السفر قبل 90 يوم وانا عندهم في مكتب التاشيرات اقدم اوراقي ونقول لعلها خير ان شاء الله والله يعينكم يالي باقي معلقين وحاولو تتواصلون مع السفارة متعاونين جدا" واتمنى لكم رحلة سعيدة |
اقتباس:
رحلة سعيده ومعوض خير يارب هما متعاونين خصوصا الاخت الاماراتية بس في اشياء احيان مايقدرون يتصرفون فيها ويسرعون الاجراءات كانو محتاجين يكونو اكثر تنظيم لمواجهه ضغط العمل الله ييسرها من عنده انا بالنسبة لي لو اضطريت مثلا اخذها من ابو ظبي دفع تذكره ذهاب واياب حوالي 1700 ريال افضل بكثير من تغيير الحجوزات اغير تذاكر ل 5 اشخاص واغير سكن وانا حاجزه مر فبراير ممكن ما الاقي اي خيارات مناسبه |
اقتباس:
4 ايام الين وصلت الرياض ؟!!! لانه انا كلموني السفاره ف ابوظبي انها خلصت الاحد قلت اكيد الخميس تكون وصلت جده وقلت ارسلوها ومارحت اخذتها من ابوظبي وشكلهم شحنوها الاثنين ومن يومها انتبع يقولو ف الطريق للرياض المشكله رحلتي فجر الاحد يعني لو ماوصلت جده بكرا لازم اغير موعد الرحلة والله ندمت مااخذتها من ابو ظبي بس الاغلبيه وصلتهم جده ف 3-4 ايام |
الف مبروك الفيزا تروحون وترجعون بالسلامة نعم اخذت اربع ايام الين وصلت الرياض طبعا انا اتصلت على المكتب الموحد ورفعو لي طلب استعجال تسليم الجواز لما شرحت لهم ان رحلتي الجمعة وكان وقتها الثلاثاء والحمد لله ثاني يوم اتصلو على 11 الصباح قالو تعال استلم |
اقتباس:
خلص الاحد استلمت الاربعاء اتصلت ع المركز الموحد وفتحو لي طلب استعجال تسليم لما علمتهم ان رحلتي الجمعة والف مبروك الفيزا ورحلة سعيد تروحون وترجعون بالسلامة |
احد الاصدقاء قدم ع الفرنسية الاسبوع الماضي طلعت الفيزا بعد ثلاث ايام عمل لا وعطوه 4 سنوات ما شاء الله توبه يالنرويج ما عاد اقدم عليكم :e433::2: طلعو ريحتنا تقول مقدمين هجرة ماهي سياحة |
احد الشباب اللي معي ع الطيارة قدم ع الفرنسية لانه عارف ان النرويج يتاخرون وضبط حجز فندق في فرنسا اطول مدة نشبو له شوي في المطار ولكن الحمد لله دخل |
كذالك شخص اخر تخطئ مشكلة تاخر فيزا النرويج وطلع فيزا من التشيك وصل هناك ختم جوازة وراح النرويج |
اقتباس:
استلمتها الحمد لله بس كانو جداااا بخيلين اعطوني مده السفر فقط باليوم والتاريخ 27 يوم من 14/7 ل 9/8 بالزبط تفس حجز التذاكر |
اقتباس:
|
https://www.schengenvisainfo.com/visa-sticker/ / هذا رابط مهم جدا للاطلاع عليه بخصوص الفيزا ممكن يكون عندك منع من دخول بعض الدول يكون مكتوب - (رمز الدولة) يعني ممنوع تدخلها والموضوع خطير جدا والناس ما تنتبه لها ولا مركز التاشيرات يعلمك وفيها غرامة وحضر السفر للشنقن |
اقتباس:
اول مرة يقدم ؟ |
اقتباس:
|
سؤال للي استلموا التأشيرة النرويجية كم اعطوكم مدة زمنية في الفيزة ؟ |
| الساعة الآن 10:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO