شبكة و منتديات العرب المسافرون - رحلة الأحلام .... ألاسكا

- رحلات الجزر والكروز (https://www.arabtrvl.com/vb/f18.html)

- - رحلة الأحلام .... ألاسكا (https://www.arabtrvl.com/vb/t41649.html)

اقتباس:

المشاركة الأصلية كتبت بواسطة ahm643 (المشاركة 497724)

تقرير رائع ماشاء الله تبارك الله

يسعدني ان التقرير نال على اعجابكم :e032:

اقتباس:

المشاركة الأصلية كتبت بواسطة q8ya metnaqla (المشاركة 498144)

توني كملت التقرير وخلصته
عجبه الرحلة وايد حلوه

منطقة القطار الطبيعه فيها وايد حلوه خصوصا منظر البحيرة

واااو الثلج في النهر عجيب صج تذكرت تايتنك .. بس حسافه ما تنزلون ولو يكون في كاياك احلى وأحلى

الحيتان مبينين بس حسافه لو ناقزين برا الماي شكلهم راح يكون رهيب

وااو ابدعتي امون في التقرير والحمدلله تحقق الحلم و يارب يتحقق حلمج وتلفين العالم

يوم الوداع يضيق الخلق .. طاقم ممتاز في الكروز

فيكتوريا بحطها بجدول كندا ان شاءالله

الله يعطيج على التقرير الثلجي الحلووو

أي والله يوم الوداع يضيق الخلق

الحمدلله حقق حلمي وشفت الاسكا

لو في كاياك كان تجمدنا من البرد الجو كان بارد وايد

الحيتان كانوا ينطون لكن للأسف ماعندي كاميرا اعتمدت على تصوير الموبايل فقط
الله يعافيج حبيبتي ونورتي التقرير :e304:

اقتباس:

المشاركة الأصلية كتبت بواسطة فارس من خيال (المشاركة 501397)

ماشاء الله رحلتك ممتعه بكل ماتعنية الكلمة

أجمل تقرير لعام 2019 بدون منازع ويستحق 5 نجوم واكثر

أجمل وقت لزيارة هالاماكن في هذا الشهر(اكتوبر) الاجواء خرافية وخريفية تو اتابع واحد من الشباب موجود في سياتل الحين وكان على نفس رحلة الكروز في الاسكا

ارسلته تو يكثر صور بحاول اقنعه ينزل تقرير اذا وافق

بسألك عن فكتوريا الكندية حسب كلامك المدينة جميلة مع اني اشوفها صغيره

هل اقدر انزل من الكروز واقعد فيها كم يوم حتى لو راح علي الكروز او اقدر اطلب من مسؤولين الكروز هالشيء عشان اخذ اغراضي معاي وكم يوم تستحق

شكرا ع هالتقرير الفخم :e303:

يا سلام على الكلام الجميل والمشجع

احنا رحلتنا في سبتمبر ومتنا من البرد شلون شهر أكتوبرالله يعينهم على البرد
وتعتبر رحلات أكتوبر اخر رحلات الاسكا بعدها توقف

فكتوريا مدينة جميلة وهادية ذكرتني بالنمسا لكن مافيها شي غير طبيعتها الجميلة على البحر

تقدر تنسق مع مسئولين الكروز بانك ماراح تكمل معاهم برحلة العودة وتاخذ اغراضك وتنزل في الميناء

ياريت تقنع رفيجك يسوي التقرير اكيد راح نستفيد من رحلته
نورت التقرير يا أبو راكان

للاسف الرجال قابلته اليوم بس يقول لو قلتلي من بدري كان صورت ووثقت الرحلة من اولها بس الحين مايمدي اكثر الصور شخصية

وتو اعرف منه انو ينظم مثل هالرحلات كل سنه ويسوي قروبات لامريكا وكندا

يعطيك العافية

تقرير ممتع ورحلة ولا في الاحلام
اهنيك اختي الايمان على هالتجربة الجديدة والفريدة ..
استمتعت جدًا بالتقرير وبالاماكن والتجارب الجديدة ..
شكرًا لا توفيك حقك ..

اقتباس:

المشاركة الأصلية كتبت بواسطة فارس من خيال (المشاركة 503092)

اذا يسوي رحلات وقروبات اكيد ماراح يسوي تقرير عشان لايخسر:24:
استغرب من الناس اللي للحين تعتمد على غيرها بترتيب الرحلة
رحلة الاسكا حجزتها من موقع رويال كريبان والإجراءات سهلة جدا

اقتباس:

المشاركة الأصلية كتبت بواسطة فهد المنيع (المشاركة 503333)

العفو اخوي فهد
حياك الله نورت التقرير

اقتباس:

المشاركة الأصلية كتبت بواسطة سام 2018 (المشاركة 503169)

يعطيك العافية

الله يعافيك يارب
نورت التقرير

نفسي ازورها من زمان الله يهنيك