|
بسم الله الرحمن الرحيم :jmfyg: اليوم الواحد والثلاثون 14 يوليو اصبحنا واصبح الملك لله لا اله الا الله محمد رسول الله الاماكن المراد زيارتها : جولة بشارع العرب والقبة الفلكية حديقة الطيور والزهور :kn: صحينا اليوم الساعة 7 صلينا وجهزنا نفسنا ونزلنا نفطر واحنا على الفطور حسون يسال وين بنروح اليوم قلنا لهم الجدول وفي اثناء الحوار قالوا البزورة مانبغى نروح مكان فيه مشي والكل قام يتشكى ويعطوا اقتراحات انهم يقعدوا لوحدهم بالفندق قلنا تمام نغير الخطة ابو حسن قال طيب عجلوا فطرنا وطلبنا اوبر واتجهنا لبوتراجايا :kn: وصلنا دخلنا المسحد وصلينا ركعتين وبعدها مباشرة لمكتب التذاكر وقصينا التذاكر وانتظرنا 10 دقليق وبدانا جولتنا بمركب خاص كانت جميله جدا ورائعة والجو لطيف ومرت سريعة تمنينا تكون اطول خلصنا منها وطلبنا اوبر واتجهنا لمول ioi :kn: وصلنا المول واخذنا جولة قالوا البزورة يبغوا يلعبوا قررنا ننقسم رحت انا مع الصغير قسم العاب الاطفال كيدز زوون وراح ابو حسن مع الكبار قسم العاب 21 قصوا التذاكر ودخلوا لعبوا وانبسطوا للساعة 3 :kn: بعدها الكل جوعان وتم الاستعانة بقوقل ماب اخترنا نتغدا في منهاتن فيش ماركت مطعم مجرببنه ومضمون خلصنا الغداء ولله الحمد بعدها اخذنا جولة بالمول وبعدها رحنا صلينا :kn: وواتجهنا لصاله التزلج قصينا التذاكر ودخلنا كانت الزحمة متوسطة استمتعنا بالتزلج واخذنا راحتنا خرجنا الساعة 9 والكل منهك كنا بحاجة لكوفي وكنا محتارين بين كوفي على البحيرة وبين كوفي ديب اند ديب اخترنا الاخير لانه مجرب والزحمة اقل من الثاني خلصنا وطلبنا اوبر وعلى الفندق وبكذا انتهى يومنا المزحوم :kn: تقيمي للمول 20/20 جميل وكبير ويعتير متكامل والاسعار متفاوته والمطاعم والكافيهات متنوعة والترفية مناسب لجميع الاعمار الصغار والمراهقين والكبار يوجد سينما وفيه كوفيهات مطلة على بحيرة ونافورة المكان جميل متصل فيه فندق الميرديان مافيه زحمة كثيرة والعرب فيه قليل ممكن بسبب بعده عن منطقة شارع العرب بس اقترح للي يروح بوتراجايا يمر عليه تقيمي لمنهاتن فيش ماركت 20/20 كل شي تمام الظعم والسعر حتى مساحته اكبر من فرع مول البراميد فقط يعيبه التاخير بالطلب والزحمة تطفش تقيمي لديب اند ديب 20/20 مايحتاج المعروف لايعرف يعجبني الكوفي او المطعم اللي يحافظ على جودته في جميع فروعه تقيمي لساحة التزلج 20-19 روعة جميلة وممتعة للكبار والصغار بس مساحتها اصغر من مول البراميد تقيمي للالعاب 21 20-19 عجبني بالالعاب التكيف وانها متنوعة المستويات تناسب الاطفال الطوال اللي عنده طفل قصير لايروح ويتعب نفسه والي مايحب نظام الالعاب دي لايروح :kn: مصاريف اليوم الواحد والثلاثون جراب لبوتراجايا = 37 رنجت تذاكر القارب بكج = 138 رنجت جراب لمول ايوا = 10 رنجت تذاكر التزلج = 250 رنجت غداء فيش منهاتن = 150 رنجت تذاكر الالعاب = 194 رنجت تذكره كيدزون = 20 رنجت كوفي ديب اند ديب = 100 ررنجت خفايف وموية للفندق = 40 رنجت جراب للفندق = 40 رنجت المجموع = 977 رنجت :jmfyg: في حفظ الرحمن ابو حسن و ام حسن |
بسم الله الرحمن الرحيم :jmfyg: اليوم الثاني والثلاثون 15 يوليو اصبحنا واصبح الملك لله لا اله الا الله محمد رسول الله الاماكن المراد زيارتها : جولة بشارع العرب والسباحة الاستعداد للمغادرة :kn: صحينا اليوم الساعة 8 صلينا وجهزنا نفسنا ونزلنا نفطر وقعدنا نسولف ام حسن ماودكم ترجعوا الصغير ماما لا نبغي نقعد ببيتنا هنا 😆 ليه طيب ولولا مين يقعد عندها خليها تركب الطيارة مع ستي وسيدي ويطلعوا السماء ويجوا عندنا طيب ليه ياولدي 🤔 عشان هنا بييتنا فيه مسبح ونروح ملاهي و و و و 😓 سوني والله وحشني السوني بس 🙃 وميمي عادي مو مره نفسي ارجع ونفسي اقعد عشان لسه ابغى اروح اماكن ثانيه 🙃 ابوحسن طيب ايش رايكم اليوم مافي خروج بس سباحة 😍😍😍 كلهم فجاءة شبعوا مايبغوا يكملوا فطور 😂 قلت اقعدوا او مافي سباحة افطروا بعدين تسبحوا :kn: بعد الفطور هم نزلوا يسبحوا مع ابوهم وانا طلعت ارتب العفش وااسجل النواقص على الظهر طلعوا صلوا الظهر ونمنا للعصر صحينا كلنا جوعانين ركبنا اوبر واتجهنا للتايمز سكوير على طول اتجهنا لناندوز وكان الحمد لله شبه فاضي طلبنا وجانا الطلب سريع واتغدينا ولله الحمد :kn: اخذنا جولة بالمول واشترينا شنطتين بعدها مشينا لشارع العرب عشان في غرض من عند صديق ابوحسن واخذنا لفة لين بعد العشاء وطلبنا اوبر واتجهنا لمول كي ال سي عشان في اغراض بنستبدلها واتعشينا عند فول شيك والساعة 11 طلبنا اوبر واتجهنا للفندق وبكذا انتهى يومنا :kn: تقيمي للبرجر 20/20 ضروري الكل يجربه اطعم برجر في ماليزيا بس سعره ارتفع تقيمي لناندوز فرع التايمز سكوير 20/20 جميل وهادي افضل فرع دخلته من ناحيه الديكور والهدوء وسرعة الطلب لدرجة يجيب النوم من كثر الهدوء بس رايق الفرع ذا انصح فيه :kn: مصاريف الثاني والثلاثون جراب للتايمز سكوير = 10 رنجت غداء ناندوز = 130 رنجت جراب لكي ال سي = 10 رنجت عشاء برجر شيك = 100 رنجت جراب للفندق = 10 رنجت المجموع = 260 رنجت :jmfyg: في حفظ الرحمن ابو حسن و ام حسن |
بسم الله الرحمن الرحيم :jmfyg: اليوم الثالث والثلاثون 16 يوليو اصبحنا واصبح الملك لله لا اله الا الله محمد رسول الله الاماكن المراد زيارتها : السباحة المغادرة للمطار :kn: صحينا الساعة 7 جهزنا نفسنا ونزلنا افطرنا وبعدها قلت للبزورة خلاص اليوم نرجع السعودية فرحوا بس عندهم طلب اخير يبغوا يسبحوا قلت عادي مافي مشكلة بس السباحة ساعتين قالوا طيب قعدت معهم وابو حسن راح يجيب كم غرض :kn: طلعتا الشقة الساعة 11 حطيت الملابس بالنشافة ولبست البزورة واخذوا لهم غفوة جاء ابوهم 12 واحنا جاهزين صلينا واكلنا من الخفايف تصبيرة المتبقية من الليل وقفلنا الشنط وعملنا تشيك اوت وطلبنا اوبر وعلى المطار :kn: وصلنا المطار وغلفنا الشنط واتجهنا لكاونتر الخطوط كانت الساعة 3 ولسه مافتحوا والبزورة جوعانين قررنا نروح ناكل ونرجع طلبنا من ماك واكلنا وجينا وقدامنا طابور ايش طوله المهم جاء دورنا عندنا 5 شنط كلها حجم وسط في شنطة واحدة وزنها 31 قالوا ماتدخل لازم تعيد تفتحها وتفضي بصندوق او تشتري شنطة جديدة وتفرغ فيها رحت كلمت موظف الخطوط انه انا جاي من السعودية بشنطتين وزن 31 وشنطة وزن 26 قال ممكن يسمحوا بمطاركم هنا سياسة المطار ماتسمح مو سياسة الخطوط الناقله المهم دفعت 200 رنجت او 260 ناسي والله ساعتها مشوا الشنطة :kn: وصلنا عند البوابة وقاعدين ننتظر ولااحد جاء المفروض الاقلاع الساعة 7 واتاخرنا قرابه ساعة او ساعة ونص ناسية والله قررت ساعتها اعطي عيالي مسكن لان كلهم يقولوا فيهم نوم وتعبانين قلت عشان يناموا بالمرة بعدها اقلعنا واول مره احس بالطيران وجاني توتر وصداع مره تعبت اسوا رحلة رحلة العودة فعلا تعبت وطول الرحلة مصدعه ووصلنا جدة ولله الحمد الساعة 1 مساء ركبنا تاكسي وعلى البيت حطينا الاغراض وطيران عند اهلي اخذت بنتي ورجعنا بيتنا ولله الحمد انتهت رحلتنا الطويله نسبيا :kn: تقيمي للخطوط السعودية 20/19 في تقدم وجميله يكفي ان الطيارات فيها مصلي او يهتموا بدقه المواعيد فقط او اقل شي يبلغونا :kn: مصاريف اليوم الثلاثون جراب من والى الفندق = 20 رنجت اوبر للمطار = 200 رنجت تغليف الشنط = 120 رنجت غداء ماك = 80 رنجت تاكسي من جدة لمكة = 200 ريال المجموع = 420 رنجت + 200 ريال :jmfyg: في حفظ الرحمن ابو حسن و ام حسن |
بسم الله الرحمن الرحيم :jmfyg: التقيمات تقيم فندق امباسادورا : 18/20 الايجابيات الجناح اللي اخذناه نظيف ومرتب ومنظم ومجدد وكل شي بيرفكت فيه ومتكامل من كل شي والاستقبال سريعين بالتشيك ان والتشيك اوت يوجد سوبر ماركت صغير داخله يوجد خدمة غسيل ذاتي بالفندق الامن ممتاز السعر جدا مناسب الفندق جدا جدا جدا هادي للامانه حتى المنطقة حوله هادئة وتعتبر المنطقة مخدومة نوعا ما احس تقريبا يتوسط المنطقتين شارع العرب والبرجين لان كنا نروح بجراب لاب منطقة منهم بنفس السعر السلبيات الشباك لايمكن فتحه فقط شباك الصاله مكان الافطار من وجهة نظري جدا جدا سي اتمنى يغيروه والمكان مكتوم وصغير المسبح مكانه غلط وصغير الافطار محدود ومتكرر بس مشبع وتلاقي شي يناسبنا كعرب :kn: تقيمي لكوالالمبور مدينة تنبض بالحياة متنوعه جميله متكامله الخدمات يعيبها الجو مو دايم مناسب بالذات فترة الظهر وكمان الزحمة بس صراحة هالمره فعلا فعلا عشقت كوالا لان تقريبا كل يوم مطر خفيف او هتان عكس المره السابقة احس مازلت للان مارحت اماكن كثير فيها متنوعه ممكن الواحد يقعد فيها ايام ومايمل لابد يلاقي نشاط او مكان يروحه تناسب كافه الاعمار والاذواق بس ممكن اروحها مره ثانيه وثالثه jmfyg: في حفظ الرحمن ابو حسن و ام حسن |
يعطيكم العافيه كفيتوو ووفيتوو صحيح رحلة طويله بس جميله استمتعنا معاكم وناندوز دايم لذيذ بانتظار الصور ليكتمل جمال التقرير الرائع شكراا لتقييماتكم والاسعار اللي تحطونها بنهاية كل جزء شكراا لكم |
الله يعطيكم العافية أستمتعنا معاكم جدا جدا لكم منا خالص الود والإحترام والتقدير ،،،، |
دليل سفر مميز:72: اعتمدت كخطة لرحلتي القادمة بأذن الكريم |
قواكم الله ما قصرتوا على هالتقرير الشامل ما شاءالله خط رحله ممتاز وأماكن حلوه وتقييماتكم احلى الله يعطيكم العافيه على الجهد المبذول في التقرير وأتمنى لكم سفرات سعيدة دمتم بحفظ الرحمن |
اقتباس:
|
ما شاء الله تبارك الله رحلة ممتعة وجميلة اخر مره زرت ماليزيا في عام ٢٠٠٧ كانت رحلة رائعه مدتها ٢٠ يوم لاحظت اماكن ووجهات جديدة للسياحة تشجع الواحد يزورها مرة ثانية وفقكم الله وشكرا على التقرير الجميل والممتع |
| الساعة الآن 02:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO