|
متميز بتواجدك وحضورك الدايم الرد بالكلمات مهما كانت رائعة لاتعطي حق ماكتبت هنا :e32b: لي عودة للتقرير |
تغطيات جميلة ابو صلوح بالنسبة لي البازارات سبحان الله ما أجد أي ميول لها رغم إني متأكد إن فيها أشياء تستحق الزيارة ولكن مجرد اختلاف ميول وإهتمامات تعجبني كثير المطاعم اللي وسط حدائق لأنها تعطي السائح فرصة يبقى وقت طويل بالمكان بحيث يستمتع كل أفراد العائلة وبالمرة فرصة يتناولوا وجبة غداء أو عشاء متحمسين فعلاً نشوف المزيد من أماكن بورصة بعدستك المميزة |
اماكن حلوه وفي انتظار المزيد ما شاء الله عليك بالنسبة الى رفع الصور لو كنت تشتغل في كمبيوتر مكتب تنزل كل الصور الي عندك على ملف في سطح المكتب وترفعهم من موقع التحميل بسهوله وهذا الشي ميزته انك تحط صورة وتعلق بسهوله عكس tapatalk للهواتف تم الإرسال من SM-N950F باستخدام Tapatalk |
لا شكلك تتخيلني خال قحطه ههههه بس احب اشوف تقاريره وكتاباته واسلوبه قريب من اسلوبي في كتابه التقارير تم الإرسال من SM-N950F باستخدام Tapatalk |
ماشاءالله حلو المبيت بالاكواخ وحمام السباحه اكيد العيال بيطبون فيه بورصه وايد كويتين شارين شقق فيها وتلاحظ عمارة كامله كلها كويتين هههه يعني بورصه مالتنا ههه حلو انك غيرت عن الاماكن المعروفه وبتراوينا اماكن ثانيه واولها الحديقه والبازار والمنطقه الجديده اللي عند الاكوابارك وايد باين حلوه القعده فيها وممتعه حسافه مو حاط صور للشقه بالنسبه لبرنامج التابلتك انا كانت عندي نفس المشكله للصور ان يختار الصوره العاشره وانا ابي الاولى بس بعد ما حدثت البرنامج صار تمام وحاطه عن هالموضوع في البوابه العامه موضوع مثبت |
اقتباس:
يامرحبا بسعادة نائب المدير حفظه الله :1: الحمدلله كانت رحلة موفقة وصدقت الاكل ماتمل منه في تركيا وكل مدينة لها أكلاتها وطريقة الطبخ تختلف مب في الطبخ بس حتى في امور ثانية مثل الحصاد او الصناعات يقولك مثلا بورصة تشتهر بالكرز ، اماسيا بالتفاح ، مرسين بالبرتقال ، صفران بولو بالزعفران ، اوردو بالفستق , اسبرطة بالورد والافندر وفي الأكلات بورصة تشتهر بالاسكندر ، غازي عنتاب واورفه بالكباب ، طربزون بالسوتلاج لدرجة ان بعض المدن يكون شعار المدينة بالشي الي يشتهرون فيه واحس ان بينهم تعاون يعني محد ياكل سوق الثاني :1: هههه خالي يمون والله يرده بالسلامة آمين ويحفظ لك كل غالي عليك جزاك الله خير على الدعاء :e304: اقتباس:
اقتباس:
حياك الله ياخوي الفاضل بن قوت أسعد بمرورك وتعليقاتك مانستغني عنها حياك الله وبياك . |
اقتباس:
حياك الله ياخوي نواف تصدق حتى انا والله ما استمتع فيها احس اني متوتر طول الوقت من كثر الزحمة وهذا يصرخ ان عنده تنزيلات وهذا يمر عليك شايل اكواب الشاي لازم تفتح له طريق وانت تكون خايف على عيالك وعلى اغراضك اصلا لأن مثل هالاماكن يجيها كل من هب ودب ويكثرون فيها الي يدهم خفيفه والسكيرتي فيها ضعيف لازم تكون مبالغ في الحرص على كل شي يوم رحنا بازار فلوريا جاملت الاهل 5 دقايق ثم ماقدرت اتحمل قلت لهم انتبهوا على نفسكم واغراضكم وخذت العيال ورحنا ساحل فلوريا وجلسنا في الحديقة لين يخلصون من التسوق لكن تصدق نفتقد مثل هالأسواق البسيطة في بلادنا كل يوم يفتح مول جديد واسواق اكبر من الي قبلها وماركات عالمية واسعار نار والناس تشتري ولا تقول شي والحريم الكبار خاصة مايحبون التسوق في المولات يحبون مثل هذي الاسواق اكثر ان شاء الله بتشوف كل خير حياك الله ياخوي نواف اقتباس:
حياك الله ياخالي بخصوص رفع الصور انا جربت من برنامج الجوال في واحد من تقاريري كتبته كله بالجوال لكن مادري شلون ما أحس بمتعة الكتابة مثل لين اكتبها بالكمبيوتر وضاع وقتي وانا اعدل اماكن الصور لين زهقت اقتباس:
هههه صدقتي العيال منقعين في البرجه طول الوقت ومثل ماقلتي بورصة وايد كويتيين وفي منطقة اسمها شيكرجه تمركزهم اكثر فيها وترى القطريين صاروا يزاحمونهم فيها ، والله يرزقنا ونروح نسوي زحمة معاهم بعد هههه اي والله بورصة فيها وايد اماكن حلوة لكن العيب الي يسونه الناس انهم ياخذون سواق من اسطنبول يوديهم التلفريك والقرية العثمانية ويرجعهم بس فالناس خذت فكرة عن بورصة انها صغيرة ومافيها الا هالمكانين اي والله حسافة مادري شلون ماصورتها انا الريّال الوحيد فربكة وايد اتصالات وشيل الشنط وحالة مافي وقت للتصوير غالبا ان شاء الله باطلع على موضوعج واذا عرفت احل المشكلة بانزل باقي الصور من الجوال دايركت مشكورة ويعطيج العافية |
السلام عليكم نستأنف التقرير في اليوم التالي في بورصة قررنا الفطور برع الشقة وكنت محتار بين عدة مطاعم منهم مطعم كايا او قانيتا او دري بهجة وكلهم جنب بعض وبنفس النظام تقريباً جلسات جميلة على مجرى الماي جربت منهم مطعم قانيتا وكتبت عنه في تقريري ( إلى حيث يقودني شعوري ) وهذا احداثيته في قوقل ماب https://goo.gl/maps/Jd6sdKG1qiBcgPGn6 أو القرية العثمانية ونظام المطاعم فيها نفس البيوت القديمة والفطور العثماني المعروف والمنوع - وكانت لي تجربة في تقريري (ندمت على زيارة تركيا في يناير؟) - وهذا احداثيتها في قوقل ماب https://goo.gl/maps/aknotDmQ8MYEuWJB8 أو بالقرب من شلال سعيد ابات يمدحون مطعم نساء القرية للفطور وهذي احداثيته وهذا احداثيته في قوقل ماب https://goo.gl/maps/p5u5f9d3r55EYUiv9 لكن في الأخير اخترنا مطعم سير وصفا في طريق جبل اولوداغ على اساس بنروح لباقي المطاعم في الايام التالية وفشلت الخطة لأننا تفطرنا باقي الأيام في الشقة للأسف =) وهذا احداثيته في قوقل ماب https://goo.gl/maps/mTaoAzgaynGW6N7y6 https://www.arabtrvl.com/up/uploads/...6516423212.jpg اخترنا مطعم سير وصفا على طريق جبل اولوداغ وله اطلاله حلوة على مدينة بورصة والي فهمته انه كان مطعم بسيط وتم تطويره حديثاً ويكون مزدحم جداً نهاية الاسبوع خاصة وقت العشا https://www.arabtrvl.com/up/uploads/...5651642321.jpg احنا زرناه وقت الفطور وميزته كثرة جلساته تقدر تختار داخل او برع وديكوره واطلالته والطعم لذيذ https://www.arabtrvl.com/up/uploads/...5164232574.jpg عيبه بطئ الخدمة ولازم تطلب فطور على العدد حتى حق الاطفال يعني احنا كان يكفينا حق 4 لكن يجبرنا نطلب حق 6 والبيض والسجق مب مشمولة في الوجبة لازم تطلبهم بروحهم https://www.arabtrvl.com/up/uploads/...5164232193.jpg https://www.arabtrvl.com/up/uploads/...5164232715.jpg https://www.arabtrvl.com/up/uploads/...5164232846.jpg https://www.arabtrvl.com/up/uploads/...8999658415.jpg وبعد وجبة لذيذة واطلالة جميلة ونسيم الجبل الي يرد العافية - اللهم لك الحمد - انطلقنا إلى وجهة أخرى https://www.arabtrvl.com/up/uploads/...5164233027.jpg غابة اتاتورك https://www.arabtrvl.com/up/uploads/...5164233369.jpg وفيها العاب اكستريم بارك ، عجيبة اتوقع بتكون المزار الاول في بورصة السنين القادمة https://www.arabtrvl.com/up/uploads/...5164233510.jpg وهي عبارة عن العاب حركية داخل غابة اتاتورك ، وهالغابة فيها اماكن جميلة حق قعدة وشواء https://www.arabtrvl.com/up/uploads/...1642341114.jpg https://www.arabtrvl.com/up/uploads/...5164233198.jpg ابرز الالعاب الي في اكستريم بارك الزحلاقية الصيفية مثل الي موجودة في اوروبا https://www.arabtrvl.com/up/uploads/...1642339513.jpg https://www.arabtrvl.com/up/uploads/...4900379711.jpg والحبل المعلق والنطاطيات العاب تناسب الكبار والصغار https://www.arabtrvl.com/up/uploads/...1642336611.jpg غير الاكشاك والمطاعم وعربات الاسكريم ، المكان حي وممتع https://www.arabtrvl.com/up/uploads/...1642338212.jpg https://www.arabtrvl.com/up/uploads/...4899964131.jpg https://www.arabtrvl.com/up/uploads/...8999653212.jpg ثم رحنا السوق المسقوف وشارع الجمهورية وانا اعتقد انه افضل مكان للتسوق في بورصة وغطيته في تقاريري السابقة عانيت في موقف السيارة لان سيارتي كبيرة واغلب المواقف مارضت اني ادخل لان سقف السرداب قصير لكن لقيت اوتوبارك خلف السوق بعد مالفيت على السوق كم لفة ، وهذي من عيوب ان الواحد يسوق بنفسه . https://www.arabtrvl.com/up/uploads/...1642342615.jpg دخلنا في شارع الجمهورية ثم مشينا إلى السوق القديم والسوق يغلق بدري والحريم ماتكفيهم ساعتين وثلاث :56: https://www.arabtrvl.com/up/uploads/...5164234517.jpg https://www.arabtrvl.com/up/uploads/...1642343816.jpg ووعدناهم بأسواق أخرى وكان حلاً مرضياً من الطرفين ولله الحمد =) اليوم التالي مكان ريفي جميل أشبه بجمال الشمال التركي https://www.arabtrvl.com/up/uploads/...4899964526.jpg والخروج إلى مدينة اسكيشهير وفي الطريق إليها مكانين يستحقون الزيارة فترقبونا |
اعتذر عن التوقف عن تكملة التقرير إلى شهر سبتمبر بسبب اجازة العيد والسفر نلقاكم على خير :69: |
اقتباس:
الله يعطيك العافيه تم الإرسال من SM-N950F باستخدام Tapatalk |
| الساعة الآن 04:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO