|
اقتباس:
و الله و أنا أخوك .. الأيطاليين شوي دقيقين في موضوع تأجير السيارات لذا نحنا قلنا أحرص أنه يكون معاك Credit Card ... و موضوع الحجز حالياً ما عندك مشكلة بتمشي العملية و بيحجز لك السيارة في بس في وقت حجز الوديعة لازم يكون البطاقة Credit و ليس Prepaid لأنهم يخافون أنهم ما يقدرون يحصلون أي مبلغ لهم إذا أحتاجوا تغطية أي مصاريف فيه حل .. أنك تأمن تأمين شامل أي يصبح عليك التحمل (0) و تشحن بطاقتك بمبلغ يغطي الوديعة و زيادة و تعطيهم أياها و أن شاء الله تمشي أمورك ... اقتباس:
للأمانة أنا شخصياً حجزت السيارة في رحلتي الأخيرة إلى أوروبا من شركة سيكست بالرياض و دفعت قيمة الأيجار بالرياض و أستلمت السيارة من ميونخ و أثناء التسليم في ميونخ طلبوا مني 300 يورو وديعة و حجوزها على بطاقتي و قبل كم يوم شيكت على البطاقة وجدت أن المبلغ أعيد للبطاقة بالكامل ... نقطة حبيت أوضحها لك فيما يتعلق بموضوع البطاقات المحفورة أي الحروف و الأرقام البارزة .. أعتقد أنه لا يهم أن تكون بارزة لأن في السابق كانت تطلب أن تكون بارزة كي يتسنى للبائع السحب اليدوي على الجهاز لنسخ البيانات و لكن حالياً أصبحت كل شئ ألكتروني و كل البطاقات بها الشريحة الذكية التى تحتوي على جميع بيانات حامل البطاقة و مصدرها ... بالتوفيق |
تمام ذكرتني يالغالي انا بالنمسا فعلاً قلت لهم التأمين صفر شامل ممكن هذا السبب اللي ماخلاهم يركزون ع موضوع الفيزا كثير شكرررررراً كثير راح احجز السياره طيب التأمين افضل احجزه عن طريق الموقع او اخليه عند المكتب افضل بمعني من الموقع احجز فقط السياره ومرتبه للطفل واذا وصلت للمكتب استلام السياره اقولهم ابي تأمين شامل صفر او ماينفع لازم من الموقع من البدايه ؟ او افضل من الموقع عشان ارتفاع السعر وكذا ؟؟ او مايفرب سوا من الموقع او المكتب وهل التأمين الشامل يرجع لي مع التامين اذا ان شاء الله رجعت السياره سليمه او سعر التأمين شامل الحجز مايرجع |
توكل على الله و أحجز السيارة و أذا كنت بتحجز عن طريق موقع Car rental فالأفضل تحجز السيارة بدون تأمين و عند الأستلام تطلب التأمين الشامل من نفس الشركة .. أما أن كنت بتحجز من موقع الشركة مباشرة فأحجز السيارة شامل التأمين (تحمل صفر) ... بالنسبة لمبلغ التأمين الشامل لا يعاد عند أعادة السيارة حتى ولو لم يتم أستخدامه فقط ما يتم أعادته لك مبلغ الوديعة ... بالتوفيق ... |
تمام جزاك الله خير وشكراً |
اقتباس:
العفو أخوي Badr-232 ... و أن شاء الله تكون رحلة سعيدة ممتعة .. خصوصاً أن أيطاليا بلد جميل و ممتع و يستحق الزيارة |
الاقتباس غير متاح حاليا ان شاء الله والله يجزاك خير اتعبناك معانا بكثر الاسئله والاستفسارات لكم الدعاء ان شاء الله بظهر الغيب وفقك الله |
ممكن ماعليك امر روابط مواقع لحجز السياره اللي مجربهم وممتازين ومضمونين لاني عند كتابت اسم الموقع بجوجل يطلع لي كذا موقع صراحه تهت بينهم ولم اعد اعرف الموقع المقصود او الموثوق ارجو منك طرح روابط المواقع عشان ابحث فيهم افضل سعر واعتمد التاجير وبخلي التامين هناك بالمكتب افضل ادفعه بالموقع فقط بحجز السياره تماتيك وكرسي طفل فقط وشكراً لك كثير واعتذر على كثرة اطلبات |
بصراحة أنا مسجل عضوية بموقع شركة سيكسيت و حجزت معاهم مباشرةبدون المواقع الوسيطة .. و رحلتى الأخيرة كان حجزي من مكتبهم بالرياض و دفعت مبلغ الأيجار هنا و أستلمت السيارة في ميونخ و هناك فقط دفعت قيمة تأمين المساعدة على الطريق + تانكي البنزين + الوديعة المستردة و أستلمت السيارة ... الموقع الموسيطة المعروفة و اللى الأغلبية تحجزون عن طريقها : https://www.rentalcars.com/en/ و بالتوفيق ..... |
تمام شكراً |
وعليكم السلام ايجار السيارة باوروبا ضروري جدا تسحيب الشناط والطفل عند محطات القطارات والباصات مرهق ويسلب متعة السفر انت مسافر تريح مو تعني عمرك، استأجر لو ب10 الاف لو تجرب ضنكت باصاتهم وازعاج الصينيين بتندم كثير. انا نزلت مطار ميلانو قبل اسبوع، كنت قد حجزت اون لاين مع Sixt كانت تجربة سيئة بكل المقاييس لعدة اسباب: التعامل السيئ جدا + عدم الالتزام بحجز الاون لاين واجبروني على الابقريد حتى مع رفضي واصراري قالوا لي الغ حجزك ماعندنا الا ابقريد + رفضوا مسبقة الدفع + طلبوا رخصة دولية. الخلاصة معاملة سيئة وتعقيد رهيب ومع ذلك كان ايجار السيارة قرار موفق. انا طلعت من بنك الرياض ماستركارد تيتانيوم بدون رسوم السنة الاولى عرض انصحك تاخذها احتياط الطلبات كشف حساب اذا راتبك مو عندهم فقط. اذا رحلتك هالاسبوعين، انصحك تغير الخطة كومو ما تسوى زرتها قبل كم سنة كلها لاجئين افارقة وبالليل الوضع مريب وحصلي فيها كذا موقف معهم كرهتها، سيرميوني زرتها قبل ايام حارة وجميلة لكن يكفيها المرور فقط اذا ماعندك خطة لزيارة قاردا لاند. |
| الساعة الآن 06:17 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO