|
اقتباس:
الله يمسيك بالنور و السرور يا ابو نواف .. ما شاء الله أنت مع بدايات الشاشة الملونة .. |
كان فية جوال قديم نتداولة مع اخواني تخيل يوم عندك جهاز وبكرة مافية جلسنا على هذا الحال مدة ههههه حتى فرجها الله علينا :32: ولاترجعنا للماضي الاسود خاصة في بداية ابو كيمرا ومارافقتة من تحريم وغيرها |
اقتباس:
أجل الخصوصية كانت "صفر" :29::29: دق و أسكت إلى أن يرد عليك صاحب الجوال :32::32::32: إلى الآن نفسي أعرف وجه التحريم اللى صاحب جوالات الكاميرا ليه؟؟ |
اقتباس:
كانت رجعية لا حدود لها و انفصال تام عن العالم الخارجي اتذكر كنا مجموعة من الاصدقاء جالسين في كوفي شوب فقال واحد : ديوث اللي يشتري لزوجته جوال وكان قد درس في امريكا معنا ما حبيت أرد لكن بعد انتهاء الجلسة سألته على انفراد لمعزته عندي هل تعرف معنى ديوث ؟ قال أكيد ومن ما يعرف معناها قلت : بس أحب أتأكد يمكن أخطيت في النقل ولا شئ ولا غرابة عندي انه كان من أوائل من اشترى جوال لزوجته والى يومنا هذا ينقل أخبار الواتساب دون أن يعي معناها أو حتى يقرأها قلة الوعي المجتمعي هي من روجت للتحريم وتقبلته دون مناقشة |
بالفعل كان في فترة سابقة .. البعض يكرر و ينقل ما يسمع بدون تحقق أو أقتناع .. و ينطبق عليه المثل القائل: "مع الخيل يا شقراء ... " |
اقتباس:
اهلا بصديقي ابو معتز اسعد الله مساكم جميع اول جوال اشتريته كان الكاتيل كان جوال مصيبه يارجل يفقع الاذن فقع وكان مشهور بقوة التغطيه حتى وانت في حفره تآكي يجيك الارسال :10: مره دقوا علي البيت يبون اغراض وانا مطفيه وصلني الاتصال وانخرشت :41: الضحك مو في الجوالات ،،، الضحك في البياجر كنا نتقاط في بيجر واحد وحنا ثلاثه مشفرين نفس الرقم وكنا نقول للي نعرفه اذا بغيتوني زود رقم 5 على رقم البيت على شان اعرف انك تبيني وادق عليك ههههههه وكان الثاني يقول لأهله اذا بغيتوني زودوا على رقم البيت 9 على شان اعرف انكم تبوني :e048: سوالف سوالف والاسكانر اللي يتجسس على المكالمات كان له صولات وجولات ايام زمان عرفته ؟:e317: |
:32::32::32::32: الله يسعدك يا ابو عبدالله7 و بالفعل الكاتيل كان من أقوى الجوالات أيام ضعف التغطية .. لدرجة أنه طلعت عليه أشاعات أن المجال المغناطيسي حقه ممكن يسقط الطائرات من قوته :32::32::32: (دعابة) أما البياجر حدث و لا حرج .. أول ما طلعت كانت لها سوالف .. و لا يقهرك إلا إذا جاك تنبية و تنخرش توقف تدور تلفون .. و تجي و تلقى واحد ماسك التلفون "و الهلل صف" يعني المكالمة مطولة :32::32: https://pbs.twimg.com/media/DYtrL3vX0AElVVN.jpg أما سكانر المكالمات ... بلاوي :32::32::32::32::32: |
واللي واقف جنبه يسمع الكلام كله هههههه من حظ أصحاب البقالات ذيك الايام المكالمة بريال ولا تطول وكمان تشتري من عنده اتذكر واحد يشتغل في الاتصالات أول ما تركوا البيجر وبدوا يوزعون ارقام جوالات وأخذ رقم واشترى جوال زي السيناو كان يقول اللي يبغاني اخاويه يسجل اسمه يمشي ماسك الجوال بيده و نافخ صدره ولا عمر أحد اتصل عليه أصلاً كل اللي يعرفهم ما عندهم تلفونات مو جوالات :32::32: |
بارك الله فيكم ارجعتو لنا زمن غابر لكن كنا اقوا واصلب في تقبل الوضع فرحتنا بما حصلنا علية دون الطمع اكثر نفرح بالشي كثير الان لم نعد نفرح بما نملك بل أصبح الفرح بما يملكة المشاهير والاغنياء لم نعد نحس بنعمة ماقسمه الله لنا كل شهرين جوال تم الإرسال من SM-N960F باستخدام Tapatalk |
|
| الساعة الآن 09:20 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO