|
الحمدلله رب العالمين "دعوها فإنها منتنه " قالها الرسول الكريم عليه وعلى آله الصلاة والسلام لن ترتقي امة ولا دولة تستعبد شعبها او تضطهدهم او تميز بين اعراقهم ابدا ابدا . ، ، ، لا يهكرون المتظاهرين مواضيعكم عن امريكا ويمسحونها من المنتدى :22: |
الحمدلله على نعمة الأمن والآمان |
بمناسبة احداث امريكا حاليآ حصلت تقريبآ نفس الاحداث هذه او مشابه لها عام 1992 في لوس انجلوس لمدة عدة ايام .. بس اعتقد كانت فقط في لوس انجلوس او كاليفورنيا ولي نفس الاسباب تقريبآ الله يحفظنا بحفظه و يديم الامن و الآمان على بلداننا |
لان العنصرية متغلغلة في مجمتع البيض الأمريكي خاصة في الجنوب ويسمون رد نك (الرقبة الحمراء) تم الإرسال من SM-N960F باستخدام Tapatalk |
الجنوب تاريخه طويل في هذا المجال .. و الرئيس ابراهام لينكولن محرر العبيد في القرن التاسع عشر .. دخل في حرب مع الولايات الجنوبية عشان هذا الامر بالذات .. لأنها رفضت الغاء الرق و انفصلت عن الولايات المتحدة و شكلت دولة مستقلة .. فحاربهم لينكولن و رجع الولايات الجنوبية المنفصلة الى الاتحاد الامريكي مرة ثانية .. الموضوع له جذوره التاريخية في امريكا و الغرب بشكل خاص .. بس الي حاصل حاليآ متعلق بأمور أخرى و تدخلات مني و مناك .. والمنتدى ليس مكان لذكرها اهم شي الله يديم علينا نعمة الاسلام و نعمة الآمن و الآمان .. |
السلام عليكم و رحمة الله و بركاته .. ":e032:صباح الخــــــــير :e032:" https://data.whicdn.com/images/338886639/original.jpg |
صباح الخير على الجميع منور يابو أحمد المغاربي هذي كلها حركات انتخابية تنتهي في 3 نوفمبر مع انتخاب الرئيس الجديد كانت لي مع العنصرية قصة هناك في حدود 1985 كنت مسافر بالسيارة من تلسا اوكلاهوما الى سانت لويس ( 6 ساعات ) سيارتي كانت ترانس ام اللي يذكرها كانت زي دوج تشارجر مشبوهه عند البوليس قبل الوصول بساعتين وقفت السيارة وصارت تشتغل وتوقف شافني البوليس وقف عندي وطلب الرخصة والاستمارة سألني وش لونك ؟ قلت له أبيض قالي مو صحيح لكن أنت ما أنت أسود راح اكتب ملون بس عندك مشكلة رخصتك موقفة كيف تسوق ؟ قلت له مستحيل موقفه ما ارتكبت اي مخالفة و قبل كم يوم راجع من بلدي قال تعال معاي على المحطة وهناك خيرني بين أن ادفع غرامة 650 دولار كاش أو انتظر بالسجن لين يجي القاضي بعد شهر في زنزانة ما تصلح للاوادم فكرت بالموضوع ما لقيت قدامي حل الا اني ادفع الغرامة وبعدين اتفاهم معاه من حسن حظي كنت راجع من السعودية ومعاي فلوس كاش حول 800 دولار بجيبي دفعت له ونمت في موتيل والصباح رحت للمحطة طلع فيه سلك مهزوز بس ربطه بـ 10 دولار هذا السلك كلفني 650 دولار ههههههه بعد ما سحب كل فلوسي رجعت لاكلاهوما والغيت الرحلة ومن هناك استشرت المسؤول في الجامعة قال هذا عنصري رد نك روح جيب خطاب من ادارة المرور ان رخصتك ما عليها توقيف ونتفاهم معاه واطلع لاكلاهوما سيتي حول ساعة بالسيارة واجيب خطاب أن رخصتي سارية كلم المسؤول مركز الشرطة وقال لهم هذي الاوراق تثبت أن المخالفة غير صحيحة وتصرف الشرطئ كان خاطئ نحتاج منكم اعتذار و ارجاع كامل المبلغ اعتذروا له على الهاتف و وعدوا بمحاسبة الشرطي وبعد يومين رجعوا كامل المبلغ لسه ما انتهت الحكاية وين رايحين !!! انا حاط بريدي على الجامعة وكنت راجع من السعودية رحت اشيك على البريد و القى رسايل لي وحدة منها من المرور فتحت الرسالة و القى انذار بتعليق رخصتي بسبب كثرة المخالفات مدري كيف البنت طبعت خطاب أن رخصتي ما عليها توقيف ههههههه حطيت الانذار بجيبي وخرجت بهدوء طلعت أنا العنصري والرجال كلامه صحيح بس عاد حقك لا يروح خذه بالحق ولا الباطل هذي حكمة اليوم :32::32::32: |
هههههههههه والله ماشيه معك حلاوة ياعمده شكل البنت شافتك وانلخمت وقالت هالمزيون الشرقي الملامح مايستاهل البهذله والغرامات :e048: وطبعت وهي مسحوره بالنظر اليك ايها القادم من بعيد :36: |
اقتباس:
ههههههههههههههه كله من البنيه .. تخادت ( ارتبكت ) ما شاء الله بو غسان 1985 .. ما شاء الله تبارك الله في سفرة لنا لأمريكا زماااان في التسعينات مع العائلة و كان ابوي يسوق السيارة و مسرع و زخنا اعتقد الرادار .. وكنا راجعين اعتقد من اتلانتيك سيتي الى ديلاوير او فيلادلفيا رادار متحرك اعتقد .. العموم لحقونا الدوريه .. و وقوفنا وخالفونا .. مدري للرادار ولا عشان مسرعين العموم الشاهد من الموضوع .. من شاف الشرطي صورة ابوي بالغترة و العقال في الليسن ( الرخصة ) ولا يفرح الشرطي و يستانس .. وقال ودي ازور دوباي خخخخ .. و تصورنا وياه بعد هههههه يعني موقفنا كان حلو مع الشرطة الامريكية و كنا مضعين الطريج بعد و قالوا لنا تعالوا معانا ندليكم الدرب و بالفعل دلونا الطريج المؤدي الى فيلادلفيا او ديلاوير |
اقتباس:
هوووبا .. جيت على العوق بو غسان .. 100% هذا الي بغيت اقوله امس في مداخلتي .. |
| الساعة الآن 08:21 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO