|
بمناسبة نزول الرواتب ايش البنك اللي تتعامل معاه وعطنا تقييمك له من 5 |
راتبي ينزل على الاهلي وندمت أني غيرت من بنك الانماء حولت لأن الأهلي جنبي تماما المهم أنه أسوأ بنك في اقتطاع الرسوم حتى لو تقول عندي استفسار يقولك ادفع بعدين نرد عليك الراجحي بنك الكل وخدماته الالكترونية ممتازة بس النفسية شوي تعبانة محتاج يحفز الموظفين الانماء توب التوب الكترونيا وتعاملا ناوي ارجع له بمشيئة الله |
نسيت أقولكم الانماء عنده بطاقة المسافر وهي ممتازة جداً بأربع عملات أساسية وهي كانت سبب تحويلي له |
معليش جيت في نهاية السنه :24: ينزل رتبي في البنك الأهلي ومرتبط معهم بقرض يالله ييسره وينتهي ونفتك من الألتزام أنا أفضل البنوك الي تعاملها إلكتروني و بعد تجربة كثير في البنوك اشوف إن افضل البنوك من ناحية التعامل بنسبه لي الاستثمار و الانماء وبطاقاتهم الفيز السفر و المسافر |
طبعاً من خلال تجارب لعدة بنوك عندي حساب في الأهلي "لا يتزل عليه راتب و لا شئ .. بس مخليه علشان التحويل و بعض المصاريف " و الخدمة ( -5 من 5) تخيل خدمة التحويل سريع بين البنوك توصل خلال دقائق و الأهلي تأخذ حوالي ساعتين إذا هم سريعين الراجحي .. فتحت فيه حساب علشان كان لهم فرع في نفس مبني الشركة و بصراحة خدماتهم الألكترونية ممتازة .. بس لا يصير لك شئ عندهم و الله تتمرمط من النفسيات !!! حسابي الرئيسي في بنك الجزيرة .. و الخدمة ممتازة و أعطيها 5-5 في السنوات الأخيرة أصبحت خدمات الأونلاين هي التى ترفع تقييم البنك أما الخدمات المباشرة اللى يستلزم الذهاب للبنك علشانها و الله أصبحت قليل .. حتى أنه أصبح كل البنوك تقدر تصدر و تعيد أصدار البطاقات من الأجهزة ... بنك الأستثمار لديهم خدمة أصدار بطاقة السفر من الجهاز و أيضاً سحب الدولار نقداً من بعض الأجهزة بسعر الصرف 3.75 ريال |
اقتباس:
الجزيرة بصراحة جربته بالقروض و الفيز خدمتهم لك عليها خدمة العملاء بطيئة جداً و الاون لاين مافيها تطوير كثير الرسائل النصية تتأخر في السحب و الإيداع صدقت الأن إذا الخدمات الاون لاين ممتاز و عندك دعم لكل جديد تنجح عندك الواجهة للحساب إذا كانت أحترافيه راح تكون ممتاز الاستثمار و الانماء ممتازين و عندهم بطاقة العملات المتعددها وبعض البنوك متجها نفس الفكره الي يميز الاستثمار سعر الدولار ثابت |
اقتباس:
صادق خدمة الأيداع النقدي بأجهزة الصراف سيئة في عطلة نهاية الأسبوع فيه فرع قريب من بيتي .. كل نهاية أسبوع عطلان و الناس تتسلط ما تودع إلا في الويكند ... "مره جربت أودع و رحت بعد صلاة الجمعة و أودعت المبلغ .. و لا أخذت أيصال .. المهم بعد 5 دقائق جتني رسالة سحب من رصيدي بنفس المبلغ شراء !!! أتصلت بالبنك قالوا راجع الفرق اللى أودعت فيه يوم الأحد المهم راجعت الفرع .. و ألاقي حوالي 50 شخص عندهم نفس مشكلتي المهم طلبوا مني أعبئ ورقة مطالبة بأسترجاع المبلغ !! عبئت الورقة على مضض و سلمتها و المهم أن المبلغ ما رجع إلا بعد 3 أيام من تقديم الطلب !!! و بعدها توبة أودع نقدي عندهم مهما حصل ... أما بنك الجزيرة .. غريبة و الله أنا أتعالمل معهم لي قرابة 8 سنوات من بداية تعاملي و خدمتهم جداً ممتازة في كل شئ حتى على فكرة عندهم بطاقة فيزا عملات مثل الأستثمار و الأنماء و سعر الدولار ثابت 3.75 ريال للدولار و أسعار الصرف جداً ممتازة بالنسبة لبعض العملات |
اقتباس:
بخصوص بنك الجزيرة هذا الي صار معي وهذي قصتي معهم رفعت شكاوي إلي موسسة النقد و لا في فائدة ما عندهم إلا عرض القرض و القرض بنك الانماء يعطي عروض وفي الأخير نقلت لبك آخر فقط أقلها ضرر فقط لراتب و القرض البنك الأهلي يعني في القرض بس نقلت عندهم عشانه فروعه قريبه من البيت و إلا من ينزل الراتب اسحبه لبنوك مثل الاستثمار و الإنماء |
صباح الخير على الجميع ما شاء الله أثريتوا موضوع البنوك بالمعلومات المفيدة بس خذوها من واحد عنده حساب في كل البنوك السعودية سامبا والأهلي : على قائمة الأسوأ واستغلالهم واضح للعميل والتقييم 1 من 5 الراجحي : اعطيه 3 من 5 الاونلاين ممتاز لكن الموظفين لا ، محتاجين تدريب وتحفيز الاستثمار : نجح في بطاقة السفر أما عداها فهو بنك أقل من عادي أعطيه 2 من 5 الجزيرة : نجح في الاسهم كبداية لكنه مبتدئ في الخدمات البنكية 2 من 5 العربي : اشتهر بأنه بنك المتقاعدين لكنه الأفضل في القروض 3 من 5 الرياض : اشتهر بأنه بنك الحكومة لكنه تغير كثيراً ومن الأفضل في القروض أيضاً 3 من 5 الفرنسي : يحاول ايجاد مكان له لكن خدماته سيئة 2 من 5 البلاد : معروف أنه بنك العمالة بسبب التحويل من ويسترن يونيون أعطيه 2 من 5 الأنماء : بنك عصري ومتجدد خدماته ممتازة اونلاين وفروع أعطيه 4 من 5 :e032: |
السلام عليكم و رحمة الله و بركاته .. :e118:"صباح الخيرات و المسرات":e118: |
| الساعة الآن 08:26 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO