|
اقتباس:
اتعامل معاك معاملة العراف استغفرالله امزح سفرنا بداية ذوالقعدة |
السلام عليكم ورحمة الله أسعد الله صبآحكم بكل خير ، ، ، ، |
وعليكم السلام ورحمة الله وبركاته اعترف بدأ الملل والروتين يتسلل لعائلتي الصغيرة حلول سريعة ياجماعة الخير انا اموري تمام والحمدلله كل يوم اصحى على امل ان يجي رمضان ونرجع لحياتنا الطبيعية لكن الابناء هم المعضلة يبغون يطلعون يبغون اكل من برا بالعربي طفشوا |
عندنا وعندك خير الامور متشابهة عند الاغلبيه تعودنا على الخروج مابين الفتره والاخرى وخصوصا اطفال هذا الجيل حيث مللهم سريع وطلباتهم كثيره وفرت لهم كل وسائل الترفيه من كيرم وضومنه والاونو وحتى لعبت معاهم جماد وحيوان ونبات وانسان وقبل الدوام اروح للبقاله واشتري لهم اغراض التسالي من كاكاوات وبطاطسات وعصائر واخر شي فعلت لهم النت فليكس على شان يشوفون لهم مجموعه افلام مع اني متحفظ على النت فليكس على شان ماتظهر لهم لقطات غير لائقه . ومره وحده في الاسبوع اشيلهم وناخذ فره في المدينه بدون نزول اشتري لهم اللي يبون واعطيهم وهو في السياره :e12f: واللي عنده افكار يعطينا |
والله ياابو عبدالله اني تساهلت بأشياء كثيرة من سهر وخرابيط حتى الميانة طاحت طيحه جامدة بيننا ياابوعبدالله صرت اسوي قهوة عربية للمبزرة 15 و13 سنة وانوع بأصناف الاكل المقلي واللي مامنه فايدة بس عشان ارضيهم لكن الوضع بدأ يخرج عن السيطرة احتاج دعم خارجي افكار جديدة زي ماقلت لكم الاعمار 15 و13 وسنتين عاد ام سنتين هذي لحالها قصة الله يحفظ لنا ولكم ذرياتنا ويصلحهم ويبعد عنهم السوء |
... |
السلام عليكم و رحمة الله و بركاته ... موضوع الحجر المنزلي .. طبعاً هو أمر مستجد علينا و الكثير يعانون من تطبيقه على أبناءهم خصوصاً المراهقين منهم و من أعتادوا الخروج حتى لو كان للمدارس .. فهي كانت بمثابة المتنفس لهم في مقابلة زملاءهم ... طبعاً .. تجربتي قد لا تكون مقياس بحكم أن أبنائي في مرحلة عمرية تسمح لهم في أختيار المناسب لهم فهم و الحمد لله كبار و أنا و والدتهم تركنا خيار عمل البرامج خلال فترة الحجر المنزلي لهم .. فكل يوم يحمل لنا الجديد .. مثلاً أحدى بناتي .. لديها قروب العمل و طوال الوقت يتواصلون في مسابقات ذهنية لبعض المسائل و الألغاز.. و تشاركنا في بعضها من باب التسلية و من جهة أخرى كي تكسب مع قروب عملها .. أبني الأخر .. مسئول الأفلام و الممول الحصري لها في البيت فهو من يختار .. بقي الأصغر .. فهو لديه تصريح مفتوح طوال اليوم .. بأستخدام البلاي ستيشن و الجوال و السناب و كل وسائل التواصل مع زملاءه في المدرسة (زملائه محددين و معروفين لدينا بالأسم) في ظل الظرف الحالي: لابد أن نغيير من بعض القيود التى فرضناها سابقاً على أبنائنا كي نكسبهم هذه الفترة و أن شاء الله تعدى هذه الأزمة بأقل الأضرار و تعود الحياة لطبيعتها ... بالتوفيق ... للجميع |
اقتباس:
بخصوص الرحلات مادري اذا عندك علم اولا سمعت ان الخطوط السعوديه والإماراتيه ألغو جميع الرحلات إلى نهاية يونيو هل صحيح او لا انا ماجاني شيء واتصل ع المكتب اللي حاجز منه مايرد |
أخوي زورق الأمل .. حسب الأعلان الأخير على موقع الخطوط السعودية لم يتطرق لموضوع الألغاء أو عودة الرحلات و لكن يفيد بأنه يمكن الألغاء بدون رسوم و أستعادة القيمة أو الأحتفاظ بالتذكرة لأستخدامها في وقت لاحق على نفس خط السير خلال سنة من تاريخ السفر المحد في التذكرة و أدناه تجد نص الأعلان في موقع الخطوط السعودية ... https://www.saudia.com/covid-19?intc...virus-campaign |
اقتباس:
الى الآن التوجه عير واضح الخطوط تجهز نفسها حالياً لرحلات متتابعة لجلب الطلاب والسياح العالقين في امريكا و اوروبا بمشيئة الله مع دخول الصيف راح ترجع الأمور لطبيعتها وهو يبدأ تقريباً من 20 مايو حسب علمي |
| الساعة الآن 11:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO