|
اقتباس:
نفس قصتي مع الجوازات الامريكية في ابو ظبي كل اخواتي وبنتي عدوا التفتيش إلا أنا ... تفتيش خاص وهذا كان قبل سنتين ، ماكان فيه كورونا بس هم يقولون اختيار عشوائي واجراء روتيني يعملوه في الجوازات من باب الأمن |
الحلقة الرابعة في اليوم الثالث قررنا نروح الى desert hill outlet و هو يبعد تقريبا ساعه من ارفاين و الطريق جميل هاي واي بين جبال و يعتبر الاوت لت في منطقة صحراوية ف الجو كان ابرد بكثير من ارفاين الاوت لت كبير و ينقسم الى قسمين ف من الصعب انك تخلص الاوت لت في يوم واحد لكن قلنا نروح القسم الاول و ان احتاج نرجع للقسم الثاني راح نخليها ليوم ثاني هالمره فطرنا في البيت و جهزنا اغراضنا و اتجهنا للاوت لت.. الطريق جدا ممتع .. تمتع بالمناظر الجميله و اللون الاخضر مع الجبال .. بعد وصولنا نزلنا للاوت لت و على قولة الوالدة (اللهم اجعل غزونا مبارك) انا قلت بس راحت الدراهم هههههه تسوقنا بكثير من المحلات و الخيارات كثيره و رائعه و اغلب الماركات العالمية موجوده مثل: Gucci Belenciaga Boss و غيرها من الماركات اللي صعب تلاقيها في كل اوت لت بعدها قررنا نتغدا في الفود كورت اللي بالمجمع و قررنا يكون غدانا من الشهير five guys اول ما خلصنا غدا كملنا غزوتنا على قولة الوالده.. و على الساعه خمسه و نص مع مغيب الشمس بدينا نتعب و قررنا نرجع و هنا كانت المصيبه :31: حطيت عنوان السكن في قوقل ماب و زي منتو عارفين العم قوقل يطلع لك الطريق الاسهل و اللي ما يكون عليه زحمه.. اخذت الطريق و كان بين حواري في البداية و فجأه و انا بالظلمه و مافي لمبات بالشوارع لقيت نفسي بين الجبال في طريق واحد رايح و واحد جاي و اللفات ضيقه و كثيره:10: كنت اشوف الشاحنات جايه بوجهي ولا انا عارف بتدخل فيني ولا لأ.. حالة التوتر زادت بالسيارة و اقدر اسمع صوت خفيف من الخلف و هو صوت الوالدة تدعي و تقرأ قران .. التوتر زاد و انا اشوف الجبال كل مالها تضيق علي و الطريق يصغر و انا بالفان و اول مره اسوق فان و ظلمه ف بديت انكتم و يدي تعرق و النفس يقل لان الوضع ظلمه و لمبات الشاحنات اللي بوجهك تعميك و بعد عشرين دقيقه من الارهاق النفسي و النظري و المعنوي لقيت نفسي ولله الحمد في هاي واي كبير و خارج الجبال و فجأه النفس رجع و العيون هدت و ختمنا القران ههههه كملنا طريقنا للشقة و كانت الشوارع زحمه ف اخذ الطريق مننا تقريبا ساعه و نص و لكن رجعنا بالسلامه ولله الحمد هذا كان يومنا الثالث و راح ارجع لكم بالحلقة القادمة و رحلة سان دييجو و حديقة الحيوانات و ما بعدها الى اللقاء |
الصراحة على وصفك مادري ليش مايحطون ليتات على الشوارع الخطرة الله سلمكم الحمدلله |
من أفضل وأجمل الآوت ليت اللي زرتها وتسوقت فيها آوت ليت مدينة لوس انجلوس .... جميل جداً وكبير واسعاره في متناول الجميع الحمدالله على سلامتكم .. وفي سبيل التسوق والسوق كل شيء يهون :32: |
صحيح بعض طرقهم ضيقة ولا فيها اضاءة لكن الحمد لله عدت على خير ومو كل مرة نمشي مع قوقل مابز بعض الاحيان يوديك لطرق ريفية متعبة |
:32::32::32::32::32::32: بدايه حلوه ومشوقه حلوه مغامرة الخط السريع والجبال ، الله حفظكم متابعه |
حمد الله على سلامتكم من بعد الغزو :e023::e023: الله سلمكم من هالطريق الضيق..:21: وهذا احد أسوأ عيوب شوارع أمريكا في الليل مافي أنوار ولمبات بالشوارع يامال الفقر ..على كثر مايشفطون فلوس وعلى كثر ما ياخذون منا كسياح تاكس وضرايب حتى على شفطة الهوا ياخذو ضريبة ومن مواطنيهم بعد وعجزانيين لايحطون أنوار بالشوارع ؟؟ ويعتمدون على الأضواء البعيدة الصادرة من المنازل والمحلات وأنوار السيارات :e15a: السواقة بالفان أول مرة في طرق وعرة مجهود عقلي وبدني.. الله يعينك عشان كذا نحاول نطلع من الصبح ونرجع على بداية الظلام لأن مسويين ليزر بعيوننا وإضاءات اسيارات تتعبنا بالليل .. ولكن أحيانا تضطر ترجع متأخر بسبب الزحمة والعطلة بالشوارع.. لذلك أحب اعتمد على القارمن اكثر من قوقل مابز أحسه أفضل واطمن قلب.... استمتعنا بالحلقة ويارب تضبط معاك عملية تنزيل الصور لنستمتع بالتقرير أكثر واكثروعشان أم حسين الغالية تستانس بعد:e328: حفظنا الله وإياكم من كل شر ومكروه :e304: |
هههههه الله يحفظها الوالده ذكرتني في امي لاسافرنا ومنطقه فيها جبال بالضبط تختم القرآن الآوت لت هذا وايد حلو وطريجه حلو بعد عليكم بالعافية المشتريات اغلب الشوارع ظلمه عندهم |
و الله يا أخوي طارق .. بالفعل بعض الطرق في أمريكا بالذات بالليل متعبة من جد .. و ذكرتني في أخر زيارة لي لأمريكا وصلت أحد المدن بالطريق قبل نوصل أورلاندو .. و نزلت فندق مع العيال و بعد ما أرتحتنا قررنا نطلع نتعشأ و كان أقرب مطعم لنا لازم سيارة المهم ركبنا السيارة و أطلع من بوابة الفندق أبي الشارع و ألف يسار أثاري لفتي كانت غلط لأني ما أنتبهت بسبب ضعف الأضاءة و شوي إلا أشوف كومة سيارات مقابلتني في الأشارة المقابلة .. صرت عاكس الطريق ..ولولا ستر الله و حفظه لنا كان علوم .. المشكلة مو في عكس الشارع طلعت !! وش يفكني من اللى معاي أستلموني كل ما نطلع أنتبه .. شوف السيارات قبل .. ترا فيه رصيف .. ترا الشارع رايح جاي .. فيه أشارة قدامك :32::32::32: قسم بالله ذلوني لين رجعنا |
اقتباس:
:32::32::32: مسكين يابو معتز...حاسة فيك...صادنا نفس هالموقف بألمانيا..وأنواااع الذل عاد طوول السفرة لين رجعنا بالسلامة:32::53: الحمدلله ربي حفظكم..والحمدلله ما طلع لكم شرطي ويزيد الطين بلة ونكد |
| الساعة الآن 05:53 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO