بالنسبة لدولة البرتغال و دولة أسبانيا للسعوديين لازم غير إنك محصن باللقاح كامل الجرعات هناك شرط ضروري جدا جدا جدا. لازم أيضا تكون مسوي فحص كورونا سواء ال PCR و مدته ٧٢ ساعة من تاريخ المغادرة او فحص كورونا antigen و مدته قبل تاريخ المغادرة ب ٤٨ ساعة. حتى لو كنت في وحده من هذي الدول و بتروح منها لأخرى.
ترى ما يتعرفوا بأي شهادة لقاح برا الإتحاد الأوربي هذي تجربتي الشخصية. الشيء الجيد إنه إذا كنت في لشبونه عندك في المطار نفسه مركزين تقدر تسوي فيها الفحص و أحد النوعين حقت الفحص يطلع لك في ساعتين و الثاني في ٢٤ ساعة. و أيضا في مدينة لشبونه نفسها في ال city center تلاقي كثير مسوين أماكن على أطراف الساحات و المترو لفحص كورونا.

الفحص حق كورونا إللي ذكرته في لشبونه في المطار او مركز المدينة طبعا ماهو و أنت قادم للشبونه، لا هذا و أنت هناك و بتروح تغادر لدولة أخرى في الإتحاد الأوربي

الفحص بين دول اوربا
 

يعطيكم العافيه جميع و عساكم عالقوه
عندي استفسار بخصوص فحص بي سي آر
هل هو ضروري في التنقل بين دول اوربا؟
مثلا انا طالعه من لندن الى باريس او العكس و بعدها الى بروكسل
هل هذا يتطلب فحص عند التنقل لكل بلد؟
سواء كان بالسياره او القطار؟؟

نفس السؤال، افيدونا الله لا يهينكم، من باريس لامستردام بالطيارة يحتاج PCR ؟

الله يعافيكي عزيزتي نورتي المنتدى
في دول تشترط الفحص حتى لو ماخذة الجرعات كاملة بسبب تفشي الوباء هالفترة

في حركة جميلة من تطبيق توكلنا تظهر لكي شروط السفر لكل دولة
توكلنا ، الخدمات ، متطلبات السفر الصحية ، الجنسية ، دولة المغادرة ، دولة الوصول ، تاريخ المغادرة ، تاريخ الوصول ، استعلام
بعد كذا تطلع لكي جميع المعلومات اللي تخص الدولة المرغوب زيارتها

للتوضيح على مشاركة قبل ١٠ أيام بخصوص هل دخول أسبانيا للسعوديين من دولة أوروبية يحتاج فحص كورونا وقتها ذكرت الموقف مع موظفة خطوط الطيران اللي قالت لازم و سويته، لكن بعد ماوصلت مدريد ما أحد طلبه مني في المطار فقط سألوني محصنه و قلت نعم طلبوا اوريهم الجواز الصحي. يعني نعم مثل ما ذكرت الأخت أم أحمد سابقاً مايحتاج للسعوديين عند دخول أسبانيا فحص كورونا سواء رايحين لها مباشرة او من دولة أوروبية أخرى.