شبكة و منتديات العرب المسافرون - بعيداً عن كورونا غسل يدك وادخل شارك

- البوابة العامة (https://www.arabtrvl.com/vb/f15.html)

- - بعيداً عن كورونا غسل يدك وادخل شارك (https://www.arabtrvl.com/vb/t45882.html)

اقتباس:

المشاركة الأصلية كتبت بواسطة Ahmad alkulaib (المشاركة 520373)

أسعد الله صباحكم بكل خير

موضوع جميل ، بوركتِ على طرحه
كنت قبل لحظات أبحث في أقسام المنتدى عن قسم يختص بالفنون
مثل الأدبيات والخطوط والكتب ولم أجد شيء على أمل أن توفر لنا إدارة المنتدى ذلك

أحببت أن أشارككم ببعض الصور

مشاركة رائعة يا أحمد
تقدر تستخدم البوابة العامة يا غالي

اقتباس:

المشاركة الأصلية كتبت بواسطة أبولجيـن فهد (المشاركة 520340)

مازلت اقول ان اخر فرصه هو مثلي الاعلى
انا طول الله اعماركم كنت اشتغل في المانيا فتره .. اروح اتسوح واجيب معدات كبيره
والامور ماشيه والمره الثالثه او الرابعه .. ماكان في مطار فرانكفورت ( بوابه افصاح ) اجباريه
يعني تقدر تمرر اي مبلغ معك مااحد ينتبه

.. المهم رجعت وبعد اسبوعين طرا علي ارجع مره ثانيه
لقيت سياره جيده وسعرها حلو .. وكنت متفق مع الحنشل الاكراد اللي يبيعونها اني ان دفعت كاش يسوون لي خصم بحكم ان الضرائب عاليه عليهم لو حولت لحسابهم (والخصم يجيب لي تذكره وزرقه اسبوع ) لهامبورج

المهم وانا اشري هالكوت السوداء ( تقل حقت عصابات ) الكوت = الجاكيت يعني :)

وانا اخذ معي مبلغ فوق 20 الف يورو

واامشي لفرانكفورت .. المبلغ قسمين عشر الاف في شنطه اللابتوب بيدي وعشره وشوي بالجاكيت.. وترا معي شنطه عزبه فيها قهوة ومعلبات وحليب سائل ابو قوس
يوم اخذت شنطتي وعزبتي وناظرت ولا التفتيش قدامي اجباري بوابه مضيئه للافصاح !!!!!!
ابووووك ياصبي
وبها عساكر واقفين واللي اوربي احمر يخلونه يمر .. طبعا انا الان انتهيت وراحت الشجاعه وامنت انني انتهيت واني سوف يكلبشوني وتخيلت الخبر ياصل السعوديه فهد مسجون بالمانيا ... ياارهاب يامخدرات لاحوووول
تقدمت خطوات نحو العسكري وانا استحضر الشجاعه ( وابو لجين ابوها ) بس مانفعت .. المهم
مريت كما يمر الشجعان اللي رايحين فيها ويوم جيت موازي للعسكري وعيني تتابعه .. وعيني طالعه مع اذني قال ( اكسكيوزمي مستر ) قلت سم .. قال بليز كم هير . ويشر للطاوله المعدنيه اللي جنبه .. ومد يده بحركه سريعه واغلق المسار خلفي بالحزام ( اللي زي حق البنوك )
وهو يلتفت لي
قال بانجليزيه ركيكه ممكن تفتح الشناط .. فتحتها وانا بصراحه ربنا ( والله ماشوف) بس متماسك ..
ادري ان مابها قطع راس ولكن ابنسجن وتروح الفلوس وماادري وش يصير علي ببلد كله قوانين ..
وكنت قبلها بشهر موقع تعهد بالسفاره بالعلم بسالفه نقل الاموال اكثر من عشر الاف .. المهم قال وهو يركز على عيوني كم معك كاش قلت عشر الاف قال اكيد قلت اكيدين وأأشر الى شنطه اللابتوب قلت هنا .. وافتحها قدامه والفلوس بظرف .. طلعها وفرها كأنها يعدها قال ماغيرها قلت ابدا .. ( كذبت ) لكن الدنيا مياله ..
( وربك يعمي الخواجه ) قال افتح العزبه .. وانا افتحها وهو يطلع الحليب وعلبه جبن قال ليش جايبها قلت هذي فطور خفيف فانا لا احب التجديد .. اشر للجدار .. خلفي وانا ادوخ احسبها شي زي الاشاعه قلت بيشوف اللي جوا الجاكيت ( الفلوس) وانا التفت بارتباك قال اقرا التعليمات على اللوحه ..واقرا واذا مكتوب ممنوع اي مشتقات الحليب ( وانا تجيني ذهانه العالم كلها )
قلت يبو لجين فرصتك انطح الصياح بالصياح لارحمت وشتت تركيزه عن الجاكيت وانا اتشجع والتفت قلت لا ماتاخذها لانها ياسيدي مفضله لدي وفطوري التقليدي وارجوك اتركني و و و قال بشموخ الالمان ( القانون كذا ) لاو از لاو ..
قلت يفداك حليب بقر الدنيا كلها ( بسري) المهم جادلته قليلا وتاسف وقال سارميها امامك .. قلت امر الله .. ويرميها جنبه قال تفضل .. يوم قال تفضل والله تقل مبشر بمليون .. وانا اقوم اسكر عزبتي وشنطه لابتوبي .. وماحسبت بالنجاه ..
واعبر المطار كالفشقه ( منطلقا )
وانا اردد المثل البدوي الشهير ( العمر ياشامان )
ومن بكره عند الاكراد بالمعرض وفالينها واشرب عندهم كوفي

وانا جايب الفلوس كاش زيي زي اي خارج عن القانون .. حسيت بشعور العصابات بالافلام يوم يجي الفان وينزلون ويفتحون الشنطه وبها الفلوس وصوت خشن ( لت مي سي ذا موني )

قصص رائعة يابو لجين
وفيها وقع سينمائي وكأن دي نيرو خويك
نحتاج المزيد منها
:59:

ابو غسان ماعلمتنا اسم الفندق بأدنبرة
:14:

اقتباس:

المشاركة الأصلية كتبت بواسطة hussain933 (المشاركة 520389)

الله يكتب فيه الخير عل الجميع

انا بعد سفرتي عل 27 يونيو عل سويسرا وهولندا شهر عسل وان شاء الله انه ماتلغي

وان شاء الله ياااارب يتغير الحال للأفضل :e304:

نفس يوم سفري على مانشستر
الله يكتب الخير
ومبروك ياعريس

اقتباس:

المشاركة الأصلية كتبت بواسطة آخـــرفـــرصـــة (المشاركة 520390)

أبو لجين حطه على يمناك و ابتل
ومن باب البتل هذا

مرة رحت لأثيوبيا ومعي 20 ألف دولار وكانت أول مرة أدخل البلد
بعد ما دخلت واسمع العلوم أنهم يفتشون كل مسافر ويصادرون
أي مبلغ معه ما لم يكون صرّح بها عند دخوله

وتبدأ القصص تنهال علينا هذا وقفوه وسحبوا منه مبلغ كذا
و أنا وقفوني وسحبوا مني مبلغ كذا وكلهم كانوا أحباش ذوي شأن

طبعاً أنا اخذت الفلوس لغرض تجاري لكني لم اقتنع به
وفضلت الرجوع بها

و راحت رحلتي وأنا قاعد أفكر كيف أخرج الفلوس
بلغوني أنه ممكن تسلمها لشخص ثقة هنا في اديس ابابا وتأخذ ورقة ضمان
وتستلمها في جدة بس لعب الفار في عبّي وقلت يا ولد من يضمنهم

قررت أن اطبق خطة قد تنجح وقد ......
لا ما ودي أفكر بالاحتمال الثاني

اتجهت للمطار وقصيت البوردنق وشحنت شنطتي
كنت لابس جاكيت و داس الفلوس بالجيوب الداخلية
أخذت لي كوب من القهوة وقعدت ارتشفه في هدوء
و اراقب اللي رايح وجاي كني انتظر واحد يجي يقبض علي

لين اعلنوا النداء الأول للرحلة و اروح اجلس بالكراسي قبل التفتيش
مبدياً جوازي الأخضر و البوردنق
النداء الثاني ولا حركة
الاعلان النهائي والأخير و أنا ما تحركت

بدأ الموظفين بالبحث عني لين شافني واحد وكأنه عثر على كنز
الأخ معنا على رحلة الخطوط رقم كذا ؟؟
واطالع في البوردنق اتأكد من الرقم وهو يسحبه مني ويقول قوم بسرعة الحقني
وتفتيش سريع لسعادتي ويقولهم هذا من طرفي الرحلة بتفوت عليه
ويردون عليه التحية ويبلغوني أمنياتهم برحلة سعيدة
و أعدهم باحضار هدايا معي الرحلة القادمة
نودع بعضاً من بعيد
هم حصلوا على ما أرادوا و أنا كذلك

* عفواً السالفة ليست للبيع

:e045::e045::e045:

انا وانا جالسة بالبيت تسارعت ضربات قلبي ونشف ريقي وضرب قولوني
ماشاءالله عليك
ابو غسان من هذا المنبر بسميك داهية المنتدى
عليك افكار تخوف
شكلك شارب يومها جبنة اثيوبية

عجزت الاقي مشاريع مع الحبوش غير استيراد البن او العاملات المنزليات

اقتباس:

المشاركة الأصلية كتبت بواسطة طوق الياسمين (المشاركة 520406)

ابو غسان ماعلمتنا اسم الفندق بأدنبرة
:14:

The Chester Residence

https://www.booking.com/hotel/gb/che...fs=1&#tab-main

اقتباس:

المشاركة الأصلية كتبت بواسطة آخـــرفـــرصـــة (المشاركة 520428)

The Chester Residence

https://www.booking.com/hotel/gb/che...fs=1&#tab-main

حجزت معهم .. و قلت لهم:
I’m mn Taraf Abu GhassaN
و يجيني الرد سريع:
Marhaban million
:10::10:

عاد كيف ما أدري ...

:32::32::32:

اقتباس:

المشاركة الأصلية كتبت بواسطة Ahmad alkulaib (المشاركة 520373)

أسعد الله صباحكم بكل خير

موضوع جميل ، بوركتِ على طرحه
كنت قبل لحظات أبحث في أقسام المنتدى عن قسم يختص بالفنون
مثل الأدبيات والخطوط والكتب ولم أجد شيء على أمل أن توفر لنا إدارة المنتدى ذلك

أحببت أن أشارككم ببعض الصور

https://e.top4top.io/p_15390yx4x1.png

https://h.top4top.io/p_1539alkne1.png

مستر احمد انت فنان واختياراتك جميله

اجل ابو غسان واسطتنا كلنا

انا عاد بيصدقون اني من الجماعة

بيرحبون فيني ويضيفوني ويقلطوني على قعود:14:

صباحكم فرح 🕊

https://e.top4top.io/p_1541r9dgg0.png