|
اقتباس:
انا كم مره اقول لكم ان اخر فرصه ( حفظه الله ) هو مثلي الاعلى هذا الرد به عده دلالات اولها هي : امكانية ان تكون جنتل مان يخدم كبار السن بكل نبل وشهامه ومن الغد تتحول لرجل عصابات خارج عن القانون تركب المترو بدون فلوس لله درك .. تعجبني الازدواجيه بشخصيتك .. والله تصلح مقطع لفلم امريكي يكون اخر فرصه بشخصيتين .. يبحثون الشرطه كثيرا عنه كرجل خطير ... وماعلموا ان من يبحثون عنه هو ذاك الجار الطيب لمركز الشرطه الذي يلقي التحيه عليهم كل صباح :17::14: وايضا موقف المترو هو تطبيق عملي للمثل العربي الشهير ( ان لم تكن ذئنا كلتك الذيابه ) احتزم ذيبان وضرب بالقوانين الاستراليه عرض الحائط وامتطى المترو وعبر به ارجاء المدينه .. :e01e: ونزل بكل جبروت ولم يتلفت حتى :e201: امششش ( صوت شيله ) :::: يقول احد الذيابه القدامى في الغرب مانصه : وضعت القوانين .. لتٌخرق ::::: وصباحكم خير و:e04c: رمضان مبارك على الجميع |
اقتباس:
اهلا بالاخت نمارق .. اختيارك للاسم جميل .. اتذكر مقوله : نحن بنات طارق نمشي على النمارق :) ونعود للرد فاقول : لربما كانت تلك المساعده البسيطه العابره بالنسبه لكم تعني له الكثير .. المشردين خلف كل منهم قصه تحطم انسان وغالبا السبب اللي يودي الى هالحال هو المخدرات ( عدوة الانسان الاولى ) ولاحول ولاقوة الا بالله .. اتفق معكم في عطائكم له فليس كل محتاج هو ( نصاب )احيانا الحاله تشرح نفسها |
بالضبط ابولجين ماكان نصاب لان اخوي طبيب ويعرف الحاله الصحيه وعياله الصغار تعلموا من الموقف وايد اشياء زينه |
هلا ومسهلا على الجميع في سنة 2016 سافرنا سفرة عائلية الى بانكوك وفي كل مره ننزل نتسوق لازم نشرب عصائر صادف أثناء نزولنا من أحد محطات المترو بائعة عصائر فتوقفنا عندها لشرب العصائر الطازجة المنعشة في جو حار ورطب والبائعة كانت تتحدث بالإشارات :23: المهم قررنا ما نشرب الإمن عندها مسكينة كسرت خاطرنا المهم في أواخر سفرتنا قلنا نروح نشرب ونربحها المهم الحرمة المذكورة أعلاه طلعت تتكلم وبطلاقة طبعا المنظر كان مضحك للغاية :32: |
الله يعطيكم على نيتكم |
اهلا بالجميع والله يرفع عن العالم هذه الجائحة في 2012كنت ادرس في مانشستر واللغة وقتها بسيطة واول سفرة لحالي وصفر معلومات ما اعرف شي الا انهم قالو لي البريطانيين نفسيات :32: وحفظت هالسالفه تاخرت بالمعهد وبعدها فرفرت بالسنتر وراح الوقت يوم جيت برجع للبيت الفلوس اللي معاي ماتكمل قيمة التذكرة وبطاقة الصراف بالبيت خايف على فلوسي لا تنسرق هههههههه ( اذا بتروح لمكان اسحب على 90% من النصايح عشان تستمتع ) المهم جمعت كل ما املك وركبت الباص وعطيت السواق كل اللي عندي عدها وقال ما عليش ماهي كاملة حاولت فيه اذا وصلت البيت اكملك الباقي قالي لا وهو يجمع فلوسي ويمدها لي واعطيه النظره الحزينة:21: مع النقاش اللي كان بينا صار الطابور زحمة شوي وكان وراي رجل عطى السواق باقي القيمة وحط يده على كتفي قال dont worry بغيت اصييح من الفرحة :32: |
هههههههههههه هذا درس لك يا دحمي عشان تبطل الفرفرة اللي مالها داع |
حزنت عليك منزجد الناس تبالغ بكلامها عن البريطانيين والتعميم لغة الجاهل |
دحمي .. سالفه النصائح ذكرتني اول مره اروح للفلبين قريت عنها فوجدت التحذير وانهم مجرمين ومستوى الجريمه منتشر والقتل ( قد ) يجدث بالشارع وان تكلمت مع احد دبسك بقضيه مخدرات ( مدبسه باوراق الدعايات ) واحذر واحذر .. حتى رحت وانا متحيزم من الرهبه واخرتها ( الفلبين) فلبينو .. بس يضوحكون :1::1: :::: الاماراتي والبكماء هههههههههههه |
مرة في تويتر فوجدت حساب بنت :1:تستغيث بالناس وتقول انها اخر سنه بكلية طبيه اهليه وان ابوها توفي وامها قبله والان هي عند جدتها وتبي لها 6000 ريال رسوم الكليه والا بيطردونها وتضيع كل سنواتها اللي قبل والمبلغ اصلا كان 12000 وواحد سدد لي النص وباقي النص وانا يتيمه وضعيفه حال و و و المهم انا صراحه انجرح قلبي .. مااحب سوالف البنات وضعفهن ويتيمه بعد .. راسلتها قالت انت من وين قلت القصيم قالت انا بكليه بتبوك ( 1000 كيلو ) عني حتى مااقول ابمر الكليه.. و تكفى ووالله مالي بالدنيا احد .. و و و وان بغيتني اذا توظفت ارجعهن لك و و و المهم نويت احول لها من جد .. وباخر لحظه سبحان الله .. توفيق من الله ... سألتها عن اللي حول لها .. قالت اليوم حول لي 6000 قلت طيب ممكن اشوف رسالة الايداع واحولك الان قالت انا بالكليه ومدري كيف وعلى الجوال الثاني الرساله قلت لارجعتي صوري لي الرساله واحول قالت اخر موعد اليوم وبيفصلوني و و ( بدأت الرواية تصير ركيكه ) شديت شوي بالحوار ..المهم انهارت السالفه وهرب ( الله لايوفقه رجال كان او امراه ) :::: انصدمت لي كم يوم من بساطتي وسرعة تاثري لكن لله الحمد كانت درس ورسالة لنفسي ( اثقل شوي) كلنا نقول اننا فاهمين وواعين لكن احيانا سبحان الله تجيك لحظات تتاثر بقوة |
| الساعة الآن 02:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO