|
. . . مساء الورد ،،، كان المفترض أطلع عليها في تاريخ 30 أغسطس ،،، لكن الحمد لله على كل حال ،،، تم إلغائها بسبب حالة كورونا ،،، الآن كلمونا وراح نطلع عليها بإذن الله الأحد القادم ( 13 سبتمبر ) ونقول يارب ،،، يتمم الأمور ،،، الأسعار غير جذابة طبعا ،،، لكن الناس محتااااجة تسافر وتغير وجو ،،،، رحلة ال3 أيام ما عليها أقبال ورحلة ال4 عليها أقبال بنسبة 65-75 بالمية وهو رقم طيب بلا شك ،،، الأسعار زي ما ذكرت غير جذابة لكن للامانة ، لو كانت الرحلة أطول شوي كان تكون مناسبة جدا خصوصا أنها بنظام الرحلات الفاخرة ( أقل غرفة فيها جناح مطل على البحر بمساحة 29 متر ) المقارنة مع رحلات الكروز المعروفة ( السفن العملاقة ) غير منطقي + كونك راح تطلع علها من السعودية ، هذا يعني ما تحتاج حجوزات طيران دولية + فيزا + ترتيبات سكن يوم وبعد راح أكتب عن تفاصيل أكثر هنا وربما في تويتر والأكيد أن التغطية راح تكون لايف في سنابي دعواتكم أصدقائي |
اقتباس:
يا هلا و مساء الخيرات أخوي ماجد "أبو غسان" منور ما شاء الله تبارك الرحمن الله يسر لكم الرحلة و بنكون سعداء بالتأكيد في متابعة الرحلة لايف معاك و طمعانين أكثر تظيف لنا حساباتك في تويتر و في السناب لمن لا يعرفها تمنياتنا لك أخوي ماجد برحلة موفقة سعيدة |
فكرة ممتازة جدا وجديدة على السياحة السعودية لكن سبحان الله دايما بدايتنا في كل معلم سياحي نطلب الحد الاعلى من الربح وهذا ينعكس على السمعة ويصرف النظر عن الشي والامثلة كثيرة كان لي صديق من السوشل الميديا (سنابي ) تمت دعوتة وعمل مسح كروني وقبل الموعد بيوم تكنسلت الرحلة اعتقد او رحلة مخصصة ل اصحاب السوشل ميديا وسوف نشاهد كامل التفاصيل كاملة :e32f: هلا وغلا ب اخي العزيز ماجد الفهد وان شاء الله نستمتع ب احلى تقرير مفصل ومن غيرة ماجد في جمال التقارير وفقك الله في رحلتك |
اقتباس:
شكرا كلامك ودعاك وعسى ما يخلينا يا طويل العمر بالمناسبة هذي راح تكون رابع رحلة كروز وبصراحة رحلات الكروز فتتتتنة ، على الرغم من عدم إقتناعي فيها من قبل لكن بعد ما جربتها عام 18 إنفتنت فيها :) حسابي في سناب و تويتر https://www.snapchat.com/add/majed.alfahad https://twitter.com/majedalfahad/sta...803131905?s=12 أما التغطيات فموجودة في يوتيوب بنفس إسمي ( ماجد الفهد ) |
اقتباس:
هلا بالحبيب والأمير وأتفق معاك قلبا وقالبا يا صديقي ،،، لكن أكرر ، هذي مو رحلة كروز عادية تصنف بأنها Luxury cruse ويقصدون بها رحلات فخمة أو فاخرة وعادة السفن اللي تقوم برحلات مثل هالنوع لا تحمل عدد ركاب عالي ولا يوجد بها فعاليات كثيرة مقارنة بسفن الكروز المعروفة نوعية المسافرين كذلك غير ، وهم يستهدفون من يبحث عن الهدوء والفخامة في نفس الوقت ،،، السعر مبالغ فيه جدا ، لو كانت كروز عادية ،،، لكن كبداية ، نقول بلدنا مليان ثروات وجزر ومعالم تستحق بصراحة البنية التحتية لا زالت في البداية ونحتاج سنوات وسنوات عشان فعلا نجذب العالم باللي عندنا وبزيدك من الشعر بيت ،،، عارف ليش الكروز الكبير والمعروف ما جابوه ؟ 1. البنية التحتية للمرافئ والموانيء غير جاهزة وتحتاج إعداد خاص لمثل هذه السفن 2. الأوضاع الحالية ( كورونا ) لا تحتمل عدد ركاب عالي ( من 3000 -5000 راكب ) ، بينما هذي حدود 400 راكب ، فالسيطرة على عليهم وعلى فحوصاتهم وكذا راح تكون أسهل وأدق. 3. تخيل مثلا ، عندك 3000 راكب راح ينزلون لمدة 6-8 ساعات في ينبع أو حتى نيوم ، وين راح توديهم ؟ هل المعالم السياحية ومناطق الجذب والإهتمام جاهزة ؟ بخصوص الدعوات ،،، أبشرك أنا وبعض رفاق الدرب ( بعضهم مشاهير ) طالعين على حسابنا ، أحدهم دافع مبلغ 25 ألف على أحد الأجنحة وبسبب المشكلة اللي صارت سووا له ترقية لجناح قيمته 45 ألف !!! :) فيه بعض المشاهير جاتهم دعوات مجانية من شركة البحر الأحمر وبعضم من هيئة السياحة وبعضهم من عطلات السعودية الأهم إنه رحلات ال3 أيام ما عليها إقبال وراح تشوف دعوات كثيرة عليها أما رحلتنا ال4 أيام فالأقبال أكبر ، فمو محتاجين يسوقون لها أصلا إلا بشكل محدود جدا هالكلام طبعا مستحيل أقول له في السناب لكن أنتم ربعنا ولا عنكم ستر وغطى :) تسلم لي حبيب ألبي |
اقتباس:
بالتوفيق أخوي ماجد اتفق معك في السعر انه غير جذاب (صحيح وفرنا تذاكر وفيز نوعا ما لأن المسافر من الدمام مثلا بيدفع تذكرة بحدود 1000 ريال غير وسيلة نقل الى ميناء الملك عبدالله ) ومن وجهة نظري مبالغ فيه حتى لو السفينة فاخرة مقارنة بمدة الرحلة ومحطات التوقف والانشطة الممكنة فيها كان من الأفضل البداية بالسفن المعروفة لترغيب الناس بها النوع من السفر وجذب شريحة أكبر مقارنتها بالسفن الأخرى اتفق معك فقط من ناحية الفخامة لكن عندي الاهم مضمون الرحلة رحلة + وجبات مجانية + فعاليات موجودة في كل الكروزات فلماذا اتكلف عشان جناح ولشخصين فقط بمبلغ يقارب 13000 ريال (لو كان الجناح ل 4 أشخاص بنفس السعر أو أغلى قليلا مقبول) رحلتي في يناير2020 (7 أيام في أوروبا أنا وعائلتي 5 أشخاص كلفتنا 12000 ريال مع الضرايب كابينة ببلكونة) لاحظت ايضا أن الأجنحة الكبيرة تتسع ل 4 أشخاص فقط ، بعض السفن العملاقة توفر أجنحة ل 6 أشخاص أو أكثر لكن في النهاية هي تجربة جديدة وتثري السياحة الداخلية وان شاء الله تتطور للأفضل (كتبت ردي قبل ما اشوف ردك السابق على مشاركة أخي أبو نواف ، كفيت ووفيت أخي ماجد واتفق معك في نوعية المسافرين وعدهم بالنسبة لهذا النوع من السفن والرحلات دمت بود ) |
وحتى لو كتبت ردك بعد أو قبل ردي أتفق معاك تماما ،،، أنت ودك تنجح فكرة الكروز بالسعودية،،، لازم الأسعار تكون مغرية وتحاول تجذب الناس وتقنعهم فيها حتى لو كان المتوفر السفن الفاخرة وع فكرة ، لو كانت الكروز في زمن غير كورونا كان أكيد راح أقول إنه ممكن اجانب كثير حابين يشوفون البحر الاحمر ويكتشفوا الثروات الرائعة هناك لكن نحن في زمن الجائحة و95 بالمية من الركاب مواطنين ولذلك ، يا إنك تنزل الأسعار أو على الأقل مسار الرحلة يكون أطول ونشوف فيه معالم أكثر النقاش في هذا الموضوع لسا بدري الرحلات راح تستمر لمدة شهرين أو 3 إن لم تخني الذاكرة وبعدها راح تكون الرؤية أعمق وأشمل ربي يسعدك حبيب ألبي اقتباس:
|
اقتباس:
الله يسعدك حبيبي ماجد ورحلة موفقة يا رب وفي انتظار تغطيتك لها في المنتدى وفي السناب وقول للمستشار يخف عليكم :3: |
هههه سم وجزاك الله خير اقتباس:
|
الاسعار للاسف مبالغ فيها بشكل خيالي والفترة قليله والاماكن عاديه جدا في عام 2015م طلعت الكروز مابين اسبانيا وفرنسا وايطاليا لمدة 8 ايام شامله السكن بغرفه فندقيه فخمه داخليه بدون شباك مع الوجبات الثلاثه والفعاليات الترفيهيه داخل السفينه كانت التكلفة المادية لشخصين 5500 ريال فققققط ولما وصلت السفينة عرضوا عليه برامج قروبات خاصه بالسفينه باصات ومرشدين سياحيين مع بعض الوجبات في جميع المدن الشخصين ب 1500 ريال فقط بمعنى كامل الرحله كلفتني فقط لشخصين 7000 ريال شاملة السكن بالسفينة والفعاليات داخلها مع الوجبات الثلاث وايضاً الرحلات السياحيه داخل المدن شايفين فرق الاسعار خيالي |
| الساعة الآن 10:38 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO