يسعد مسائك ياعمده
والله يابو غسان مسجل في النادي سنة وثلاث شهور قرب يخلص الإشتراك ما بقاء إلا شهرين و النادي مسوي عرض جدد سنه و بيعطوني سته شهور مجاني بصراحة ودي اغير النادي بكبره ابشوف نادي صالته ممتازه وله فروع و ارقى ومافي ناس زحمة

نحتاج تجاربكم في افضل نادي

تخيل طول فترة الإشتراك مارحت إلا الثلاث شهور لنادي و الباقي كل مامريت فرع جلست اناظره كرونا و الاشغال و الضغط النفس ما يرحم تخلص شي يطلع لك شي وبالذات السنتين الي مريت فيهم إلى نهاية السنه هذي مررره ضغط ما اقول إلا الله ييسرها وتزين النفسيه وينشرح الصدر و تخف الالتزام و المسؤولية

اما الأكل و اوازن مبتعد عن المكرونات و المقالي غير القيمات هذا مستثنيه و الباقي السمبوسه بالفرن و مبتهد عن الأخباز و المعجنات اشرب عصير شمندر بالعنب مع الفطور و اقيس الوزن كل يوم قبل ما انام وبعد ما اصحاء من النوم و الحمدلله وزني في السليم يزيد كيلو وينقص كيلو





( تجاربي مع الخياطين و الأقمشة )

جربت افخم الخياطين و في الأخير اقتنعت و استقريت علي النحو التالي:

1 ـ اشتري افضل و أحسن الأقمشة من السعودية أو الكويت طاقة لمجموعة ثياب أو كسوة ثوب او ثوبين إذا حبيت اجرب ويكون القماش رسمي وصناعة ممتازة انجليزي او ايطالي او سويسري او ياباني



2 ـ ابحث عن افضل الخياطين الي يأخذون المقاس صح على الجسم و افصل عندهم ثوب واحد و لما يعجبني المقاس اروح لأحد الخياطين الي اعرفهم واعطيه القماش و الثوب الي فصلته وعجبني مقاسه و اقوله شفت هذا الثوب طبعاً ما أكون لابسه مكوي ومعلق اجيبه له و اقوله ابي الطاقة تكون نفس مقاسات هذا الثوب



3 ـ منها توفير لأن المحلات الي اروح لها لي عندهم غالية مثل الي أنت ذكرته يابو غسان من 650 و طالع لثوب الي قماشه ممتاز و للأسف المحلات تضرب بسعر القماش و لما تبحث عنه بره تحصل الخياط مدبل السعر هذا لثوب الي قماشه ممتاز اما باقي الأقمشة الخياطين يبون يربحون ما يقدر يجيب كل الأقمشة الممتازة ما يربح يجيب غالي و رخيص و يضرب بالسعر بس لما تتعمق في الاقمشة تعرف الجودات و الأنواع وملمس القماش و لونه و وقفته و هيبته بارد او خفيف او او تروح لمحلات الاقمشة و تتنقاء و تروح لواحد يأخذ مقاسك صح و يرسم الثوب عليك لا ضيق و لا وسيع ولا قصير او طويل تفصل موزون على جسمك



اما في رمضان او قرب المواسم اكره التفصيل و السوق زحمة و غثاء و شغل مش حالك كانت هذي عادتي و عادة الأغلب لقرب رمضان او العيد نروح نفصل الأن الحمدلله ارتحت بهذا النظام اقمشة على كيف كيفك و بمزاجك و تفصيل ممتاز و توفير و الحمدلله




عذراً طولة طولت عليك يابو غسان يالغالي

يستغلون الحظر عارفين إذا رفع الحظر طارو الناس وسافرو وطارت الدراهم معهم :17:

يسعد ايام يابو معتز



طريقتي في الثياب ذكرتها لأبو غسان

اما البدل صعب البسها لأن اغلب وقتي لبد يكون لبسي رسمي سواء في المكتب او زياة عائلية او او البدل اخليهم للمشي او الشيلهات او السفرات او طلعت بر او سفر يعني في مكان أخذ راحتي فيه

و الثياب و التفصيل عند الخياطين مره غالي و الاسعار مولعة ولا في رحمة للمستهلك كل يبي يستغل المستهلك لبد من تغير عادتنا في التسوق و طريقة الشراء الله يرحمنا برحمته

حياك الله يابو نواف ماشاء الله عليك هذا المشي أكيد في الكورنيش او الواجهة البحرية

الله يحفظ الوالد ويبلغك فيه و يتربا بعزك ويرزقك بره وبر اخوانه
هههههههه ماهم بصاملين أهلكتهم مشي هههههه


كل ما جيت ابشترك في وقت اللياقة الله ما يكتب لي فيه ومحتار في الصالات و النوادي وين الواحد يسجل فيه و والوضع الحالي كرونا مخوفني اروح النادي ابي نادي يكون خفيف و مافي زحمة

أما ادوات في البيت شريتها و لا استفدت منها الجو في البيت ما يساعدني

أنا من النوع الي احب الإسترخا الاستجمام و المساج وساعات احب بعيد عن الصخب يعني جلسة في الريف الاوروبي المناطق حول انترلكن او بادن بادن او كابرون



الله يزينه و تزين ما ودك يابو نواف بخروف مشوي بالطريقة البوسنية :17: او هرفي محمر ذااايب





مثل ماذكرت لأبو غسان و ابو معتز


محل بلان و لا قماش عجبني عنده المشكلة اغلب المحلات الغالية اقمشتهم ما تعجبني ما اشوف عندهم قماش زين إلا كم نواع فقط وهذا الكل يعرفه و اسعارهم دبل الدبل وطريقتك ممتاز بس جربت تأخذ الثوب الي فصله لك بلان و تعطيه الملكي تجيب له القماش و الثوب و تقوله سو مثل هذا الثوب بالضبط بدل ما تروح خياط هنا و هنا و الفارق 50 ريال بس

نفس جوي يازين المسبح و الجاكوزي و السونا الستيم و الكرسي الحراري و الود ودك الواحد يفرك و يسبحك نفس الحمام المغربي او التونسي

السلام عليكم ورحمة الله وبركاته

الأخوان في السلك التعليمي :13: معلمين

بإذن الله تزين و تتيسر الأمور و الكل يسافر و ينبسط و يغير جو



السعودية حاضر بعض الدول من الذهاب إليه مثل الامارات سويسرا و اللمانيا و فرنسا و ايطاليا و بريطانيا و دول آخر إذا رفعو القيود عن السفر لكثرة الاصابات فيها و تفشي كرونا فيها

ياهلا بالغالي ابو معتز



طريقتي نفس طريقة أبو نواف بس تفرق إني ما ابي اضحى بالقماش الي شريته فاجرب من نفس المحل ثوب واحد



وهذا اسويها فقط إذا تغير مقاسي فقط لكن إذا المقاس كما هو لا زل مناسب علي فقط اشتري القماش و اروح للخياط مع اخذ الثوب الي بيفصل عليها لتأكيد و خلا



إذا تغير المقاس سويت الطريقة الطويلة



ههههههه طريقتي لفه بس مرتاح معها و المقاس مرتاح فيه





نعم البس حسب الشخص ما يناسبه و ما تعود عليه


انا ما يعنين رأي الناس لكن البيئة الي أنا فيها تحكم كثير بالتقيد باللبس و أحب لبس لكل مناسبة ما يناسبها و الثوب أحبه لأنه أغلب وقتي و شغلي رسمي فأبحث عن الأجود و الأجمل و التفصال و المقاس الممتاز يعني اتفنن فيه