| Abu Sultan1111 | 23-10-2021 02:56 AM |
دخلت على المركاز ولقيت فاتني كثير من أخباركم ، انشغلت عنكم بسبب دورة اللغة الألمانية .
ما شاء الله أبو معتز إلى الآن في اليونان حلل التقاعد مضبوط وما ينلام هذا هو الصح .
بكره عندنا اختبار اللغة وقاعد اراجع وقلت أريح شوي وادخل اشوف وش مسوين .
الأختبار المباشر مقسم إلى أربعة أقسام ، أول شي اختبار المحادثة وييكون فيه التعريف عن النفس واسئلة عامة وهذا شي تدربنا عليه كثير وقت الدراسة والجزء الثاني اختبار كتابة مباشرة وعطانا موضوع الرسالة اللي بنكتبها "دعوة لعيد الميلاد" ولكن كل واحد يختلف عن الثاني يعني ممكن يقول لي في وقت الاختبار حدد يوم الأربعاء وتاريخ كذا ووقت كذا وعدد المدعويين كذا والعنوان كذا ، علشان يشوف كيف كل واحد يركب الجملة صح أو خطأ . والجزء الثالث قراءة يطلب من كل واحد يقرأ جزء معين مختلف عن الآخر وما حدد لنا شي قال أي شي من المنهج ممكن يجيكم . والجزء الرابع استماع وتعبئة الفراغ . هذا هو الأختبار ويكون مباشر على الزووم وفيه اختبار ثاني بعده عبارة عن رابط ندخل عليه ونجاوب على اسئلة "خيارات متعددة" وبوقت محدد لكل سؤال هذا الأختبار للقواعد .
كثرت شرب قهوة ما ادري وشلون أقدر أنام ههههه .
عموماً ، ننتظر رجوع أبو معتز بالسلامة وننتظره يعطينا تقرير امريكا واليونان . | 