هلا بكم جميعاً وشكراً على التشجيع ....

كان عندي وقت فاضي قلت اشغل نفسي بدورات اللغة الألمانية ثلاثة أيام بالاسبوع بمعدل 24 ساعة في الشهر ... المعلومات قيمة وصححت بعض المعلومات اللي عندي واستفدت كثير وعديت هذا المستوى قبل شوي انتهينا من اختبار القراءة والسماعي (طلع اختبار القواعد ضمن اختبار القراءة ) والدرجة اللي حققتها للقراءة والسماعي 60 من 80 أما اختبار المحادثة فهو تقييم من المدرس كان الساعة 7 بتوقيتنا على الزووم كل واحد لحاله مع المدرس ، جبت درجة كاملة وما علمني كم هي درجة المحادثة بالضبط فقط قال درجة كاملة يقيس على الاخطاء اللغوية لما تجاوب وبكره بيرسل الدرجة النهائية لكل الطلاب . اللغة صعبة وما تقارن بالأنجليزي .. درجة اختباري للغة الأنجليزية في الجامعة 100/100 ِA+ لكن هذي اللغة تختلف في تركيبتها واول مرة ادرسها عن طريق مدرس ومع منهج محدد .

قبل لا ادخل الدورة كنت بدخل المستوى A1-2 قلت ليش ادخل من البداية ولكن الحمد لله إني دخلت المستوى الأول A1-1 ولو ما سويت كذا ممكن ما أعدي المستوى الثاني لو دخلته مباشرة الاسئلة دقيقة ومحددة .

بخصوص استفسارك يابو غسان ... الدورة للمستوى الواحد كانت بـ 100 دولار والآن صارت بـ 95 يورو هذا السعر للمستويات الأولى وتزيد مبالغ بسيطة مع التقدم بالمستويات . الطالب اللي ما ينجح يبقى بنفس المستوى حتى ما يعطل زملاءه وفيه دكاتره ومهندسين يدرسون عنده وكل واحد له هدف من الدراسة أنا هدفي اضيفها كلغة ثالثة في الـ CV .

https://www.arabtrvl.com/up/uploads/...230305361.jpeg

توصلون بالسلامة