|
امريكا معشوقه الجميع اشتقنا لها واااااايد مبين التقرير من بداية مشوق والتفاصيل والمعلومات قيمة جدا ضحكت على سالفة الجناط ترى كلنا في الهوا سوا :1: بالنسبة لموقع airbnb افضل من بوكينغ ؟؟ لاني ولامرة جربته |
اقتباس:
انا والله استغرب من اللي حرم نفسه من جمال أمريكا ويتعذر بطول المسافة وتفوته متعة العيش في ربوع اجمل دول السياحه حول العالم. القادم اجمل ان شاءالله اخوي نورت |
اقتباس:
عليكم السلام ورحمة الله وبركاته اخوي ابو معتز والله هذا الكلام شهادة على صدري حبيت فعلا نسترجع ذكرياتنا الجميله في أمريكا اللي اعدها جنة الله في الارض، باذن الله مواصل ومواصل اربط حزام الامان واستمتع بما تراه في هذا التقرير |
اقتباس:
مرحبا اختي منيره تشرفت بمرورك العطر ان شاءالله تشوفين كل مايسرك بس خلك متابعة معانا :24:، بس للتصحيح التقرير هذا كان قبل كورونا يعني لما كانت لحد اللحين باديه بالصين بس باذن الله اذا الله كتب في سفرة قادمه بهذا الصيف اثناء كورونا :13: تحياتي |
اقتباس:
مرحبا اختي الايمان نورتي هلا فيك اشكرك على هذا الاطراء وان شاءالله يكون التقرير هذا عند حسن ظن الجميع ههههههههه معاناة موضوع الشنط هذا للامانة انا صار لي تقريبا اكثر من 4 سنوات افكر اني احجز سكن من خلال موقع AIRBNB وهو من وجهة نظري افضل موقع بعد التجربة لحجز الشقق والبيوت وفيه خيارات كثيره ونسبة ضمانه عالية جدا، طبعا هو يختلف عن بوكينغ اختلاف جذري، بوكينغ 90٪ من اللي يعرضه عن طريق شركات وفنادق، اما موقع اير بنب فهو يعرض سكن من خلال افراد وطبعا في تصنيف للناس اللي تعرض من خلال الموقع نفسه و بالاضافة للزوار اللي سكنوا فيه عن نفسي ما راح اتردد في الحجز مره ثانيه من خلاله تحياتي |
اقتباس:
أتفق معاك أخوي العنان ... موقع AirBnb و من واقع تجارب شحصية عديدة في أوروبا و أمريكا يعتبر خيار ممتاز جداً لأنه يلبي أحتاج الأسرة في السفر و بخيارات متعددة و يعتبر بديل ممتاز عن الفنادق لمن يحب الأستقلالية النقطة المهمة هي أن يحرص الشخص على الحصول على تقييم ممتاز من الملاك كي يحصل على فرص تأجير مستقبلية لأن أتباع التعليمات و التقييم من أهم ما يميز الموقع أيضاً الملاك يحرصون على جعل منازلها مكتملة كما يعلن عنها من أجل الحصول على التقييم الجيد و الحصول على فرص تأجير بشكل مستمر |
Doha - Los Angeles 13 ديسمبر 2019 (من فينا هالليلة ينام) https://www.arabtrvl.com/up/uploads/...6084950371.gif موعد الرحلة كان يوم الجمعة الساعة 7:45 الصبح، طبعاً ليلتها كانت حالة استنفار عندنا في البيت، وكل واحد يسأل الثاني حطيت الغرض الفلاني ليكون نسينا نجيب هالغرض (السفر مع البنات جدا مريح :27:) المهم عدا يوم الخميس 12 ديسمبر بخير وسلام بعد ما راجعنا كل الاغراض وتأكدنا من ان كل شي مرتب وجاهز ومب ناقصنا غير التوجه للمطار ✈ ، بعدها الكل توجه لسريره حتى ينام لكن فرحة السفر طغت على التعب والارهاق اللي كنا واصلين له ولسان حال الموقف كان يغني اغنية حسين الجسمي “ من فينا هالليلة ينام والشوق صاحي ماينام”. الساعة 4 الصباح المنبه من اول رنه صحيت عليه:e317: وعلى طول قمت خذت شاور وصليت وقعدت بناتي ويلا يلا الموقف كان يضحك فيه استعجال على هواش وشوية ضحك ، تقريبا الساعه 5 الصباح طلعنا على المطار، طبعا من ليلتها الشناط السايق حطهم بالسياره فركبنا على طول معاه وبعد التوكل على الله توجهنا لمطار حمد الدولي ، والزين ان المسافه بين البيت و المطار اقل من 20 دقيقه. https://www.arabtrvl.com/up/uploads/...6113876961.jpg وصلنا المطار وهني كنت انا وزوجتي جالسين نتراسل على الواتس اب حتى نتفق كيف راح نفاجئ العيال ، محد كان يدري ان احنا رايحين أمريكا غير انا وزوجتي بس اما باقي القبيله مايدرون كنا قايلين لهم بنروح تركيا 🇹🇷 😜، لكن خلاص حبل الكذب بدا يقصر. https://www.arabtrvl.com/up/uploads/...6263973911.jpg المهم بعد مانزلنا توجهنا لكاونتر الخطوط القطرية الا موظفه قبل الكاونتر كانت تتأكد من ان الجوازات فيها صلاحيه وتسأل عن وجهة السفر وانا جالس اساسرها (احنا رايحيين أمريكا) بصوت هادي ، طبعا مابي حد يسمع من العيال ، الا هي جزاها الله خير قالت اووووه أمريكا لا انتوا لازم تروحون الكاونتر رقم كذا طبعا المطار كله سمعها بما فيهم بناتي، طبعا فرحة السفر لهم صارت مضاعفه وهم مب مصدقين اللي سمعوه، باختصار رحنا دخلنا الشنط وخذنا التذاكر وخلصنا من الجوازات وفطرنا في المطار. https://www.arabtrvl.com/up/uploads/...2518931716.jpg https://www.arabtrvl.com/up/uploads/...5627656581.jpg بعدها توجهنا الى اول مرحلة صعبة بالرحلة وهي بوابة التفتيش للدخول لبوابة السفر لأمريكا، اتوقع كثير يتفق معاي ان هالمرحلة جدا تنرفز ومملة لكن الحمدلله عدت بخير وركبنا الطياره وبدا العد التنازلي لل 16 ساعه للوصول الى مطار لوس انجلوس. https://www.arabtrvl.com/up/uploads/...2985011819.jpg https://www.arabtrvl.com/up/uploads/...6306881033.jpg طبعا قضينا الرحلة بين سوالف ونوم ونوم وسوالف والحمدلله ان الخطوط القطريه تقدم خدمة الوايرلس على طياراتها اول ساعه تكون مجانيه وبعدها لو حاب تكمل الخدمه على طول الرحلة تدفع مبلغ رمزي اظن انه كان بين 30 او 40 ريال ، قبل لا توصل الطيارة لمطار لوس انجلوس بساعه وشوي تقريبا قمت دخلت دورة المياه اعزكم الله وغسلت وجهي وبدلت ملابسي ورجعت للكرسي وبديت اعبي النموذج اللي توزع علينا. في الجزء الجاي بنتكلم عن مطار لوس انجلوس وعن استلام السيارة باذن الله |
اقتباس:
بالضبط اخوي ابومعتز فعلا موقع AirBnb فعلا يحتاج منا الالتفات له لانه يعطي خيارات مستحيل الواحد يحصلها في غيره من المواقع ومثل ماتفضلت على الواحد بعد انه يكون حريص ويتأكد من تقييم السكن اللي حاب انه يحجزه |
الحق علي بعرض كوبر فيلد اووووه هذا حلم اشوفه كان يعرض مسلسل له ما اعتقد انتو لحقتو عليه كان عنده سيارة كورفيت وسكنه بالطياره يتنقل فيها بين الدول وناسه المسلسل كان عجيييب ليلة السفر محد ينام وانا اخلي بو العيال ينام عدل علشان اذا قعدته يقوم بسرعه هههه ولا يعاند اما المفاجأة للبنات وايد حلوه ربي يسعدكم دووم مسنترين للاجزاء اليايه بشووق ننطر كوبر فيلد :25: |
فندق لاس فيغاس ممتاز اعتقد موقعه صوب اريا ويديد عدل ؟ والله يا ديزني والله وانا اشوف الصور كل شي تذكرته ياحلوها من ايام سفر كانت يارب ترجع في اسرع وقت 🙏🏽 او قبل السفر لوووويه وخبه ومافي نوم يطير اصلا انا اقعد قبل المنبه من كثر ما بالي شغال واااااو احلى مفاجأة بصراحه زين سويتوا حاسه بردة فعلهم شلون طايرين عسى الله يخليكم ذخر لهم ويحفظكم القطرية اتهبل افضل طيران اووووف اوووف صج المرحله البايخه التفتيش يا الله شنو الواحد تحسه متنرفز ياليت يخففون من هالتفتيش |
| الساعة الآن 06:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO