|
اقتباس:
اي بالنسبة لمطعم MR. MAMAS كمقارنه مع iHop انا حبيت مستر ماماز اكثر البان كيك كان ولاغلطه ويعدون مع اضافات كثيره حسب الاختيار والاومليت بعد كمقارنه مع اي هوب كان احسن منه ،يعني ممكن اعطي المطعم كجودة أكل 8/10. |
LEGOLAND https://www.arabtrvl.com/up/uploads/...3632156546.jpg (ختام تغطية السفرة:2:) في صباح اخر يوم بسنة 2019 قبل لانعرف الكورونا كان لنا موعد مع اخر برامج المتعة في رحلتنا لكاليفورنيا الا وهي مدينة القطع الصغيرة الملونه الل حبيناها واحنا صغار وورث عليالنا حبهم لنا كانت النقطه الاخيره هي ليغو لاند 31 ديسمبر 2019 - 1 يناير 2020 حجزنا فندق مع تذاكر دخول للالعاب، الفندق LEGOLAND Castle Hotel الحجز كان عباره عن سويت اسمه Knights & Dragons Deluxe Suite يكفي لسبع اشخاص يتكون من سرير كينغ وسرير بانك (طابقين) وسوفا بيد، طبعا مع تذاكر دخول الالعاب لمدة يومين ب 5800 ريال، معلومة احنا حجزنا السكن قبل الرحلة بشهرين حتى نحصل مكان في راس السنه لان تعرفون هي فترة اعياد وعطلات عندهم واغلب الاماكن الترفيهية العائلية تكون محجوزرة . نفس ماكان استعراضي لرحلة ديزني لاند راح استعرض رحلة ليغو لاند ، يوجد في ليغو لاند فندقين للسكن للي حاب سرعة وسهولة التنقل وانا عن نفسي انصح بالسكن في احد الفندقين حتى الواحد يقدر يستغل يومه افضل استغلال ويكون سهل له لو حب يرجع من الالعاب للصلاة او للراحة ، بالنسبة لتقييم فندق LEGOLAND Castle Hotel اعطيه 6/10 بصراحة ماعجبنا كثير مع انه اجدد من الفندق السابق واللي هو يتبع ليغود لاند واسمه LEGOLAND California Hotel واللي اقيمه ب 8.5/10، فندق القلعة مكان الفطور ماكان كبير نفس فندق كاليفورنيا وحتى وقتها الفعاليات اللي كانت موجوده بالفندق للاطفال اقل من اللي كانت موجوده بالفندق القديم اما بالنسبة للالعاب فهي جميله وممتعة للاطفال من عمر 4 سنوات الى سن البلوغ وكبار العمر لكن مجمل الالعاب او خل نقول التركيز هي ممتعة اكثر للاطفال يعني وقتها كانت اصغر بناتي عمرها 8 سنوات واكبرهم عمرها 15 سنه فالبنات الكبر ما استمتعوا كثير في هالالعاب مشكلتهم يحبون الالعاب الخطره واللي فيها اثارة عكسي انا بالضبط :63: ، طبعا من ضمن النصايح المهمة للي بيزور المدينة انه ياخذ الفاست باس لانه فعلا مهم مهم مهم وعن مقارنه بين نظام الفاست باس في ديزني لاند واللي في ليغو لاند ، نظام ليغو لاند يتفوق لان الواحد فعلا يستفيد منه اكثر ويشمل تقريبا اغلب الالعاب ويعطيك طبعا خيار حجز فترة الدخول وبامكان الواحد بس بمجرد دخوله اللعبه ان يقوم باعادة حجزها مره ثانيه وبعد مايخلص جولة اللعب يرجع يركب مره ثانية ، فعلا سعره غالي لكن افضل تاخذ انا مثل ماقلت لكم حجزنا يومين اول يوم تقريبا وصلنا للالعاب 4 العصر فما اخذته لانه الالعاب تسكر تقريبا 8 او 9 فكانت لمدة 5 او 4 ساعات فاستحرمت المبلغ لكن في اول يوم ماقدرت العب كثير من الالعاب بسبب الزحمه وخصوصا انه راس السنه لكن ثاني يوم اخذت الفاست باس من اول الصبح وحللته عدل، في نهاية اليوم الاول كان هناك اعلان بانه في العاب نارية في ختام اليوم احتفالا برأس السنه الميلادية طبعاً حضرناه وكان شي جميل وممتع. https://www.arabtrvl.com/up/uploads/...3619229011.jpg https://www.arabtrvl.com/up/uploads/...3619264632.jpg https://www.arabtrvl.com/up/uploads/...0361928353.jpg |
ختاماً اتمنى اني قدرت انقل لكم بعض المعلومات المفيدة اضافة لتنشيط ذاكرة السفر واعداد التقارير ، كما اني اعتذر عن بعض الانقطاعات اثناء كتابة التقرير بسبب الانشغال مع العمل و التحضير للسفرة القادمة، وباذن الله لي عودة مع تغطية السفرة القادمة في بداية شهر سبتمبر القادم بعد العودة ان شاءالله ، كما اني مستعد للرد على اي سؤال او استفسار من الاخوة والاخوات الاعضاء الكرام .. تقبلوا تحياتي العطرة والشكر لكل من دخل وابدى ملاحظة او اضافة او تعليق اثرى به التقرير وزينه. والسلام عليكم ورحمة الله وبركاته |
ابدعت اخوي العنان في هالتقرير الحلو فاست باس ديزني ما حبيتها كلش مالت اليونيفرسال كانت ممتازه ما شاء الله السويت راهي الله يعطيك العافيه والله يحفظكم ونشوف تقرير هالسنه ان شاء الله |
اقتباس:
الله يعافيج اختي الاحلى من التقرير تفاعلكم ومداخلاتكم صحيح موضوع فاست باس ديزني جدا سئ وحرام فيه المبلغ المدفوع، اذكر انه كان قبل في سنة 2010 وحتى2014 احسن بوايد وممكن الاستفادة منه بشكل اكبر اللحين صارت الالعاب محدودة وحتى الحجز فيه بعد محدود . باذن الله لي رجعة مع تقرير جديد بعد ما تنتهي الرحلة الجاية. |
الحمدلله انكم استمتعتم بعرض كوبر فيلد وان فلوسه ماراحت هدر مطعم ماما باين عليه جو عائلي والقبارصة يستاهلون اما دزني متعة للكبار والصغار وليغو صح للاطفال الصغار كفيت ووفيت بهذا التقرير الرائع بارك الله فيك والله يهنيكم بالسفرة اليايه وتستمتعون لاعلى حد بدون منقصات وبالعافية عليكم مقدما وبانتظار التقرير بالتفاصيل |
ما شاء الله .. تقرير من النوع الخفيف على القلب مليئ بالمتعة و الأثارة خصوصاً أنه يتكلم عن أجمل بلاد العالم كفيت و وفيت أحوي العنان .. و نتمنى لكم رحلة سعيدة و عشمنا في التقرير القادم كبير بتفاصيل أشمل للرحلة حفظكم الرحمن في حلكم و ترحالكم |
تقرير في غاية الروعه معلومات قيمة ومفيدة لكل زائر لامريكا سفره سعيده مقدما واكيد بانتظار التقرير القادم هالمره راح يكون بعد الكورونا شكرا على التقرير :e032: |
ماشاء الله تقرير روعة يرجع ذكريات جميلة. حلوة أجواء أمريكا وقت الكرسمس بالنسبة لل AIRBNB في أمريكا لاحظت ارتفاع في الاسعار مقارنة بالسنوات الماضية |
ماشاء الله تقرير ممتع ومشوق وفيه الكثير من التفاصيل المفيده شكرا اخوي عنان |
| الساعة الآن 01:38 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO