|
[B][SIZE="6"]السلام عليكم ورجمة الله فتي الجبل سوالي لماذا لاتصلح للعائلة النية هناك زياره لها بالعائلة تحياتي لك وللجميع [/S[] |
الحمدلله على سلامة الوصول يابو لجين وإن شاء الله تكون اقامة طيبه خالية من المنغصات ترجع بالسلامة . ذكرت ان الشعب حليلين وكلن بحاله ولكن حدثني عن العرب المقيمين في البلد ! هل هم حليلين ؟ والا مثل ماهو دارج في البلدان الاوروبية من علوم النصب والاستغلال عند البعض منهم ؟ ، ، كيف تشوف اوضاع الكورونا والاحترازات ضدها ؟ هل الوضع مطمئن ؟ وهل تتنقل بكل حرية بدون هاجس العدوى ووسوسة الاصابه؟ ذكرت ان مافيه اوبر عندهم ، ولكن هل فيه تكاسي اجره ؟ وهل السائقين ودودين ؟ وهل هم من اهل البلد؟ ، ، عوداً حميداً يا صديقي :e01c: |
اسعدالله صباح:e301:كم ابولجين نحن بانتظار التقرير عن البانيا وكوسوفو . |
طمنا عنك أبو لجين يومين وانت مختفي |
ابو لجين بصراحة كم نسبة اقتناعك بالبلد ؟ وهل تشعر بالندم :52: |
اقتباس:
محرك الطياره بس عدل الصور قبل ما تنزلهم |
ابو لجين فين اختفيت |
اي والله صار فترة مختفي ان شاء الله يكون بخير |
يا بو لجين طال عمرك ابطيت علينا ، "نحن هنا" ترى فتى الجبل والبراري والقفار جاهز لو انك تبي فزعة خبل تراني اخذ الخطوط قطوع ما يردني لا عرق ولا ذاري ولا هيال ولا حقنة ولا قعدة ولا رباض والسموك سيلفر يتراقص عند الباب انت اشر وابشر بسعدك |
اقتباس:
وهذي طريقة رفعك لها ؟ لا بالله ربحنا خلها سوالف أحسن :) :) |
توني أشوف التقرير زين تسوي انا بعد ما قدرت أصبر وسافرت للاردن |
إن شاء الله يكون بخير ابو لجين |
بصراحة اقلقنا عليه ولد بريدة عسى المانع خير الله يرجعه بالسلامة لأهله وذويه:e520: |
السلام عليكم .. ومساءكم خير حفظكم الله جميعا اخواني واخواتي .. اني ببريدة الان ابجمع الصور وانزلها .. قابلتني موجه الحر في بريده واحاول الان التأقلم .. احاول اتقمص شخصيه الضب .. وانظر للعالم بتفائل :13: |
و عليكم السلام و رحمة الله و بركاته ... يا هلا أبو لجين ... "أسفرت و أنورت .. و أسفهلت و أمطرت" الحمد لله على السلامة .. و عوداً حميداً |
الحمد لله على السلامة ابو لجين |
اقتباس:
ارحب يا بو لجين الله يستر لا يغار الرياض من حرارة بريدة ويحتر زيادة ... 46 طيبة https://www.arabtrvl.com/up/uploads/...7592978261.png |
اقتباس:
الحمد لله على السلامة ابولجين .. عسى السفره على ما يرام .. سؤال على السريع : ما هي الاجراءات المطبقه في مطار الملك خالد اثناء العوده |
الله يسلمكم ... جميعا .. الحنيفي والا مايغار ماورا هالارقام الا الغليان هههههههههه الاخ ضفهد .. مافيه اي اجراء .. ورقة عبيناها في الطيارة وسلمناها وحنا نازلين لبوابة فحص حراري سريع ( مرور) فقط الباقي نفس الاجراءات العاديه |
اقتباس:
تسلم ابولجين .. وش مضمون الورقة .. هل هي خاصة بالحجر المنزلي |
اقتباس:
مالك لوا .. الورقه اسمك كامل ورقم الرحله ومنين قادم ورقم الجوال ..(حسب كلام الموظف )واضح انها روتينيه .... بعدها بخطوات فيه سسترات ( ممرضات) وبوابه حراريه تمر منها وتسلم الورقه وانت ماشي |
|
واضح ان ماني حق رفع صور ابد :-) نستقبل اسألتكم فقط :25: |
الحمد لله على السلامة يابو لجين منور المنتدى :e032: لو عندك صور بترفعها شوف مركز التحميل فوق الاعلانات ضيف الصور وهو يصغرها بس الصورة الطولية قبل رفعها تفتحها في برنامج الرسام وتسوي لها حفظ فقط https://www.arabtrvl.com/up/uploads/...1027881111.png بعد رفع الصورة على مركز التحميل تنسخ وتلصق رابط المنتديات في موضوعك https://www.arabtrvl.com/up/uploads/...1029270381.png |
المشكله انها بالجوال وحملت كم وحده وطلعت كل صورة برابط لوحدها ومعظمهم غير مستقيمه ( مصور فاشل حفظه الله) |
يارجل اترك الصور والعب ع المضمون :63: اولاً الحمدلله على سلامتك وليش انقطعت باقي ايام الرحله الى الوصول ؟ ماعندهم نت مجاناً ؟ والا انت ماعندك وقت للدخول في النت ؟ قارن جورجيا واذربيجان والبانيا بعين رب الاسره الذي يريد ان يمتع ابنائه قبل نفسه ويقضي ايام ممتعة ؟ هل العرب المقيمين كثُر في البانيا ؟ وماهي جنسياتهم ؟ وماهي نشاطاتهم ؟ وكيف ترى تصرفاتهم معك إن وجدوا ؟ هل ستعود الى البانيا برفقة العائلة ؟ |
طيب يابولجين .. عطنا تقرير الرحلة مفصل بدون صور جعلك تسلم .. خل غيرك يستفيد .. وخصوصا من اجراءات كوفيد |
الحمد لله على السلامة ابو لجين مثلما ذكر ابو عبدالله استفسارات عامة اهم شي ليش غبت بعد عبورك الحدود لكوسوفو وايضا تقييمك للبلد مقارنة مع أذربيجان. |
اقتباس:
اقتباس:
............ وتقبل تحياتي |
اقتباس:
اهلا بالعم ضفهد دام ظله والله يارجل قد اكون ذكرت هذا في الموضوع لكن باختصار من الرياض لازم فحص كورونا ( ان كنت بتدخل لدبي ) لو كنت بالترانزيت فقط لن تحتاجه مع ان موظف الطيران ممكن يجنكر معك ويسبب مشكله ولكن خلك مجهز نسخه من الشروط من موقع الشركه نفسها .. بمعنى انا وانا راجع قابلت الموظفه قالت وين pcr قلت فانيال دستنيشن عندي الرياض وانا مواطن سعودي فما علي فحص قالت اي واحد طالع دبي لازم فحص .. وصار جدل واستدعوا المشرفه واعطيتها صورة من الشروط المكتوبه في موقع فلاي دبي .. فقالت خلاص فعلا ماراح يدخل دبي : في البانيا من شكل المطار تدري ان الامور سهالات .. سلام عليكم السلام ولاك بالصاله ولا احد يسألك لاكوفيد ولا غيره ( لولا الحياء ماختموا الجواز ) :14: عندهم حجر بالليل من 10 الى 5 الكمام ماتشوفه الا نادرا ولا احد معبره / كوسوفو : مافيه لافحص ولا كمامات ولاتشوف احتياطات زياده ولا باي مكان ::::: اختصارا : من يوم تعدى دبي الى كيلو مقفي :14: انسى كوفيد وسوالفه لين ترجع ... حتى شعبيا الناس ماتتباعد تمرني الباصات المغرب راجعه فل والله مادروا ونحن كخلايجه نفهم بعض .. انا اشعر بك :24: مشحون من سالفه كورونا واللي يقولك لااا انصحك بالسفر حاليا واللي يقولك اووو لاتسافر الا عام 2099 و و وو سوالفنا ذي / يارجل انا هالسفره اخذت اجازه حتى من سوالف كوفيد هههههههههههه |
اقتباس:
كما قلت يافلان .. نويت استمتع هههههه وتعودت على الوحده شوي :24: وبالتاكيد البلد بسيط وعادي جدا ولكنه يظل اوربيا .. واحسن من اذربيجان مع ان التنقل فيه بالسياره ماهو مريح جدا .. الطرق ماهي ذيك الاتساع وتاخذ وقت غير طبيعي في التنقل |
الله يعطيك العافية الغالي ابولجين وما قصرت وبيض الله وجهك على هالمعلومات |
وفيه نقطه مهمة .. المفروض حملت قوقل ماب للدولة اللي بتزورها .. وبكذا راح يشتغل معك قوقل ماب بدون الاتصال بالانترنت |
والله ياصديقي .. انا حاجتين مااستغني عنهم في السفر السياره والانترنت ... جوجل ماب صحيح يتحمل بدون اتصال لكن ايضا تحتاج تبحث وتستخدم مواقع اخرى مسانده كترب ادفايزر والمواقع الاخرى .. التي تدعم اختيارك لهذا المكان او ذاك ... المعلومه بالانترنت تكامليه .. تحتاج الى لوكيشن وصور وتعليقات وغيرها .. فما اتخيل رحله بدون ان يكون معك اتصال انترنت وخصوصا ان الاسعار في بلاد الفرنجه ( رمزية ) |
:e32d: |
الحمد لله على السلامة يابو لجين ... وإجازة سعيدة لا ادري أهو خير أم شر أني طحت على موضوعك ... ما قد فكرت في ألبانيا إلا بعد ما شفت تقريرك قبل شوي وعلى طول بحثت عن رحلات إلى تيرانا ولكن قبل هذا هل البلد ما يصلح للعوائل بشكل نهائي يعني أنت شفت شي ما يناسب العوائل أبداً ..علمني وش السبب لانه ما فيه غير ألبانا فاتحينها بحري في أوروبا ؟ دخلت على اشتراطات اغلب الدول كلها متشددة إلى الآن . وهل تنصح باستئجار السيارة من المطار أو عند الخروج من تيرانا لأنه حسب ما فهمت منك أنهم يختلفون عن باقي دول اوروبا ؟ والأهم هل الأرياف آمنة أو لأ ؟ الشوق لأوروبا يجذبني مثل المغناطيس حتى وإن كان في الصيف والحر ولكن على الاقل نقضي إجازة العيد هناك أما الإجازة السنوية نتركها إلى وقت هطول الثلوج بإذن الله . |
شكرا |
اقتباس:
الله يسلمك ويسعد ايامك وجيتك كلها خير ان شاء الله .!! بالنسبة للجزء الاول .. وهي عدم مناسبتها للعوائل الامر نسبي .. ليس هناك في الشارع امر غير معتاد انما قلت ماقلته بحكم ان الحجاب الكامل ( غطاء الوجه ) غير موجود نهائي في الاسواق والميادين .. وهذا الامر سيكون مزعج جدا للنساء المحجبات مع ان الشعب مسالم ممكن تكون درجه الاستغراب اقل من اي مكان اخر .. / السياره بتجلس يومين مثلا في تيرانا لن تحتاجها ان سكنت حول الستي سنتر .. والامر راجع لك .. ولكني من واقع قراءه تجارب الناس في هالمجال انصح بالابتعاد عن المكاتب المحليه ( التامين لديهم غير واضح ) وكذلك بعضهم يسوي لك مشكله لو تطلع بالسياره طريق غير معبد .. وهو امر شائع في كل الدول وانا انصح كل الاخوان هنا وفي الواقع ان لاتجعل 200 او 300 ريال زياده تمنعك من استئجار سياره امنه .. امانك اهم شي .. تاخذ لك من مكتب تعيس يسبب لك مشكله بالوف الريالات.. / استاجر من شركه دوليه محترمه ( انا اخذت من انتربرايز ) Enterprise وهي شركتي دائم في اوربا وتامين شامل وعطوني سياره ماشيه الف كيلو فقط ومكتبهم بالستي سنتر .. ولهم مكتب بالمطار .. واعتقد ان السعر واحد ( مطار تيرانا ماله انظمه زي اوربا او ضرائب ) / الارياف في البانيا جميله جدا وامنه 100% .. لكن حاجز اللغه لاتتوقع ان تجد احد يتحدث الانجليزيه الا نادرا .. / واوافقك الرأي ان اوربا لها سحر خاص (شرقيها وغربيها ) تشعر انك سائح حقيقي هناك .. انا جاي تائب من الاسفار .. بعد اللي طاح بالراس لكن اشوف لي ليلتين وانا اتجول بين سكاي سكنر وبوكنج مااااش هدير الطائرات والنداء الاخير له لذه . وبالتوفيق لك وللجميع |
اقتباس:
شكرا لك .... |
ما شاء الله .. رحله موفقه::3: |
| الساعة الآن 01:16 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO