|
السلام عليكم ورحمة الله وبركاته يعطيكم الف عافية جميعا على المعلومات القيمة عندي تخطيط اطلع بداية شهر 7 لمدة 16 يوم امريكا وحاب استفسر عن كذا نقطة حاب الذهاب يكون من الرياض لوس انجلوس والعودة من نيويورك بحيث تكون 8 ايام لوس انجلوس وضواحيها 8 ايام نيويورك وماحولها هل هذا الجدول مناسب ؟ وماهي الولايه اللي احتاج سيارة والولاية اللي ماحتاج ؟؟ علما باني مسافر لحالي ومتعود :32: وامريكا كانت خطة قبل كورونا سمعت ان لوس انجلوس فيها حجر للقادمين ؟ علما باني متطعم جرعتين كاملة اتمنى تفيدوني بواقع الخبرة وشاكر لكم |
اقتباس:
وعليكم السلام ورحمة الله حي الله بو فيصل.. الله يسهل لك رحلتك وييسر أمرك .. عندي اقتراح بالنسبة للجدول ومطار الإقلاع والعودة والرأي متروك لك في النهاية: أولا: أفضل الذهاب يكون الرياض نيويورك والعودة لوس أنجلوس الرياض لعدة نواحي وأولها حتى تذاكر الذهاب لنيويورك أرخص من لو كان لأي ولاية أخرىمن واقع تجربتي وخبرتي.. ثانيا: نيويورك لا تحتاج فيها لسيارة فأوبر وليفت يكفون ويوفون ..وهي مدينة مزدحمة شوارعها ضيقة ولا يوجد بها مواقف وإن وجدت فهي غالية جدا..ومدينة كل مناطقها السياحية تقدر توصلها مشي حتى لو إنك شاب ولياقتك كويسة مش :47: ههههههه أما لوس أنجلوس فلابد ولزما وحتما سيارة لمزيد من الراحة والمتعة والخصوصية.. ثالثا: 8 أيام نيويورك كثير عليها بصراحة حدها 4 أيام مع يوم الوصول يعني 3 ليال فقط لأن أهم مافيها الباص السياحي بيلف فيك على كل المناطق واجلس واستمتع لاتنزل في أي محطة مافيهم شي يسوى .. وعندك السنترال بارك والتايمز سكوير والفيفث أفنيو والروكفيلر سكوير والبرودواي لو حاب تحضر عرض موسيقي أو مسرحي .. وعندك تمثال الحرية والإمباير ستيت في يوم واحد وصلى الله وبارك .. أما لوس أنجلوس فأقترح عليك تخليها 12 يوم وتسكن في الجنوب لأن الشمال أغلى وصجة ولجة وهومليس كثير وماتحتاج تجلس فيها دام معاك سيارة تقدر توصل الهوليود ساين وشارع المشاهير وبيوت الفنانين والأثرياء بسانتا مونيكا وتزور الثيرد ستريت والفارمرز ماركت يوم الأربعاء وشواطئ سانتا مونيكا وفينس بيتش واللونغ بيتش..وصلى الله وبارك يعني خصص لك يومين للشمال تزور معالمهم اللي ذكرتها لك.. أما الجنوب فعندك ديزني لاند مدينتين تصلح للأطفال أكثر بس لو أول مرة تزور أمريكا روحهم بتذكرة هيب هوب.. وعندك المطاعم الحلال والعربية منتشرة بكثرة والبقالات العربية وعندك إيرفاين ومجمع سبكتروم سنتر .. وعندك هاننغتون بيتش وجزيرة كاتالينا ممكن تقضي فيها يوم واحد وتوصلها بالعبارة أو السيارة بكيفك.. ومجمع فاشن ايلاند وممكن تروح لأكبر أوت لت يبعد ساعتين تقريبا اسمه ديزرت هيل.. ومكن تزور سانتا باربارة وتعتبر ريفيرا الغرب وممكن تروح أيضا سان دييغو يومين بالسيارة وعندك أماكن كثييرة لاتعد ولاتحصى وتجعل عودتك للرياض من سان دييغو إذا لكم خط معاهم او لوس أنجلوس وتسلم السيارة في المطار .. هذا رايي والأمر متروك لتخطيطك وما يناسبك |
اقتباس:
و عليكم السلام و رحمة الله و بركاته .. أخوي Abu_faisil أتفق مع كل نقطة ذكرتها أختنا قطرية كول ... و ترتيبها ممتاز و أؤيد نقطة جعل الوصول إلى أمريكا أولاً إلى نيويورك و سيق أن جربت حتى السعر كان أفضل من عكس المسار ... وصلت نيويورك و رجعت من لوس أنجلوس .. و شوف بعض رحلات الخطوط السعودية بعض الأيام ترجع من لوس أنجلوس للرياض مع توقف 40 دقيقة في مطار جدة و من ثم المواصلة للرياض أفضل من النزول في جدة و الأنتظار و تغيير طائرة للرياض بالتوفيق ... و نتمنى لك رحلة سعيدة |
ولاية كاليفورنيا أعادت فتح الاقتصاد كاملاً وحدثت شروط ارتداء الكمامة للأشخاص المحصنين بالكامل (جرعتين) 👇🏻 https://www.arabtrvl.com/up/uploads/...7851905571.jpg https://www.arabtrvl.com/up/uploads/...7851919392.jpg |
اشكركم جميعا الاخت قطرية كول والاخ العزيز ابو معتز على الاجابة عن جميع الاستفسارات للاسف الخطوط السعودية اوقفت الطيران الى لوس انجلوس وانا ماحبذ الترانزيت كثير وراح اضطر اتوجه لنيويورك ذهاب وعودة وداخلي لوس انجلوس لان عندي تذكرة ماستخدمتها وبحجز فيها بس حاب اتاكد عن موضوع الحجر في كاليفورنيا اكثر من شخص اكد لي هالمعلومة بس موقع السعودية ماذكرها شكرا لكم |
اقتباس:
العفو أخوي Abu_faisil ... توكل على الله ما فيه حجر في كاليفورنيا ... الحياة عادت إلى طبيعتها طالما أنك بتأخذ رحلة داخلية في أمريكا .. أقترح عليك تخلي الرحلة من نيويورك إلى سان فرانسيسكو و تجلس فيها 3 أيام و منها بالسيارة إلى لوس أنجلوس و تقضي باقي المدة فيها و تزور سان ديغو و ترجع إلى نيويورك من لوس أنجلوس و طبعاً تسلم السيارة في لوس أنجلوس بالتوفيق ... و نتمنى لك رحلة سعيدة |
اشكرك اخوي آبو معتز بارك الله فيك :e030::e030: وباذن الله نتحفكم بالتصوير :17: |
اقتباس:
(فعلى الأمهات كتم الغيظ وتناول حبوب الضغط لحين الوصول للمنزل وبعد ذلك قومي بتشليخهم وبردي كبدك بس أيضا بدون صوت عال..) اهم شي كتم الغيظ واطقهم اذا رديت البيت :17::32::32: |
اقتباس:
:1::1::1::1: |
سؤال للخوان والاخوات اذا لديهم اي معلومة تفيد ... 1- هل يوجد حجر صحي للقادمين إلى نيويورك من هم اخذوا اللقاح الجرعة الثانية لأكثر من 90 يوم ؟ لان هذا السؤال موجود في استمارة الوصول إلى نيويورك - Was your final dose within 14 to 90 days ago? 2- هل لقاحات منظمة الصحة العالمية WHO كلقاح الروسي و الصيني ... معترف به من قبل منظمة مكافحة الاوبئة CDC , اي لايفرض عليك حجر عند الوصول ؟ |
| الساعة الآن 01:38 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO