![]() |
اقتباس:
فيه فرق بين التحامل وبين ذكر الحقيقه / السفر الى مصر .. لا يسمى " سياحه " بل " تمشيه " او " سفرة " ويعلمك صورة مصغره من الجهاد .. فأنت في جهاد من المطار .. ونظرات العسكر وكما حدث امس " القريب" لاخونا نايف وقد كتب هو عن ذلك " ضايقه عسكري " لين دفع له ( هذا لايحدث في اسرائيل ولا في اي بلد كافر اخر ) / التاكسي من المطار لايسكت ابدا ...تكاسي العالم يفتح نقاش ..ان اعرضت سكت .. في مصر متكلم متكلم لو تغلق فمه تكلم مع جنبه ان لم تشترط عليه 900 وتحلفه اغلظ الايمان انه يعرف المكان حتى مايتصنع التوهه ويغثك ( راحت ذي بعد قوقل) فغالبا ستتشاتم معه قبل ان تنزل \ الفندق ان لم يكن من الفنادق الفخمه فانت عرضه لاي شي او استغلال.. ادفع بالفيزا ثم كنسل وقابلني ان رجع مبلغك / الشقق وسوالفها والابتزاز والسرقات وسوالفهم تعرفونها كلكم ومايفعلونه بالشباب \ المطاعم وتزوير الفواتير .. ممكن نادر تحدث لكن كون انك توك مخلص معركه مع صاحب التاكسي وبواب العماره اللي يشحد وجاي تاكل شي ويجب ان تدقق الفاتوره هذي لحالها وجع راس ::::::: فساد بعض افراد الشرطه يعني تتمشكل مع احد وتطلب الشرطه بهدوء .. ماتضمن ان خصمك يأشر للضابط ويعطيه شي فيلبسك القضيه " لاتقولون ماتحدث" / ادخل للاهرام تبغى تتمشى على قدميك بهدوء ولوحدك يطلع لك 399 واحد يبي يركبونك الخيول والبعارين والكلاب وان رفضت تسمع السخط باذانك .. وكل شوي يلحقك واحد واسمع صراخهم والهوشات كل يوم مع اهل الابل والخيول هوشات يفتعلونها مع السياح لياخذوا فلوس .. اذا انتصف المشوار رجع لا اعترضت قال انا متفق معك الهرم بس وفتح لك سيره / وغيرها الى الليل / علما ان ماهنا ضرر بس ازعاج .. حده يلجلج ويمشي لكن من فاضي له هو ونصبه تبلش تفتن عن نفسك اي سياحه واي بطيخ .. ثم عاد قولوا الحبيبه |
شكرا ابو لجين لذكر ملاحظاتك واكثر شي عجبني ( ويعلمك صورة مصغره من الجهاد ..) :1: |
انسى السلبيات واستمتع بوقتك صور جميله |
هاذي مصر من عرفناها لها جوها ومحبينها المفروض استشرت احد بخصوص السكن لان فنادقها معروفه مع ان المواقع توضح لك بالتقييم واغلب المسافرين غطوها رحله موفقه |
اقتباس:
بس فعليا يعني الفواتير والنصب الي واجهته كثير ما ذكرته لان الشباب يقولون لا تركز بالسلبيات ما حبيت اعدد ولا واجهت اشياء كثيره وابشرك ترى اخذو مني فلوس حتى وانا طالع من شرم الشيخ مغادر البلد امتحني عسكري ثاني مدحح وتلزق لين عطيته المقسوم طلب اني احطها في الصندوق حق الاغراض الشخصيه قبل التفتيش علشان الكاميرات ما تشوفه ههههههههههههههههههههههههه لكن توبه والله اروح واذا فكرت اروح رحت لشرم الشيخ وماني معطي احد وجه |
اختم باخر صورتين .. تجربتي للغوص للامانه متعه رغم انها رعب لاني كائن صحراوي للاسف [IMG]https://d.top4top.io/p_20183uwzb1.jpg[/IMG] وهنا تجربه الرقص مع الدلافين شحلاته ياشيخ من اللطافه الي فيه ودك تاكله " [IMG]https://k.top4top.io/p_2018f9svc1.jpg[/IMG] |
اللي يروح مصر لازم يقلل سقف توقعاته ولازم يتأكد انه راح يواجه سلبيات كثيرة جدا فندق خمس نجوم مطل على النيل لقيت بدورة المياه وانتم بكرامه بقايا قاذورات وغيرت الغرفة غصب عنهم مصر ما أشوفها تستحق ريال واحد هذا رأيي بناء على تجربتين للقاهره |
اقتباس:
وزيادة على ماذكرت عروض الرذيلة من اصحاب التكاسي مره معاي صاحبي رجل ملتحي وفاضل قلت للسواق ماتشوف لحية الرجال وانت تعرض علينا سوالفك هذي ورد بكل برود ( ومالوو) غير انه يتفق معاك واذا وصلك يطلب زيادة ( عملت معاك معروف ) والله انه جهاد حقيقي ههههههههههه |
اقتباس:
الله يسعدك .. عشنا معك التجربه .. وكل طقه بتعليمه .. الجايات افضل ان شاء الله |
الحمدلله على السلامه من المعروف اللي يروح مصر لازم يقفل على اعصابه حبتين ويمكن ثلاث :24: اهم شي انك استمتعت واغلب الدول العربية بتلاقي فيها مثل كذا. بالنسبه للي بالمطار انا سمعت من كم سنه مشددين عليهم والكاميرات بكل مكان بس يعني لو مادفعت راح يمشيك بالنهاية. شكرا على هالتقرير |
الساعة الآن 03:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO